Byubilo 17:4 - KNTP

⁴ Ne bamo baitabijile kabiji bebikile kwi ba Paulo ne Silasa, mwi abo mwajinga jibumba jikatampe ja Bagiliki bapopwejilenga Lesa, ne banabakazhi bashing'ama nabo kechi bacheche ne.

Byubilo 17:4 Iomraidhean Croise

Yoano 7:35

Ponkapo Bayudea beipwezhe bene na bene amba, “Nanchi uno usakuya kwepi byo tukabula kumutaana? Usakuya kuboba bapalang'ena mu Bagiliki, na kufunjisha Bagiliki nyi?

Byubilo 13:43

Kabiji pa kupalang'ana mu shinagoga, bavula Bayudea ne bealula ke Bayudea bapopwela Lesa balondejile ba Paulo ne Banabasa, ne abo bebambijile ne kwibasashijila amba, “Ikajikwai mu bupe bwa Lesa.”

Byubilo 13:50

Bino Bayudea bebakolomwene banabakazhi bashing'ama bapopwelanga Lesa, ne bakulumpe ba mu muzhi, babushishe lupato lwa kwibapata ba Paulo ne Banabasa, ne kwibapanga bebapangile mu kyalo kyabo.

Byubilo 14:1

Kabiji pamotu ne ku Ikonyuma abo batwelele mu shinagoga wa Bayudea ne kwamba kyakuuba ne jibumba jikatampe ja Bayudea ne Bagiliki baitabijile.

Byubilo 14:4

Pakuba jibumba ja mu muzhi ja abene, bamo bateele muchima ku Bayudea, bakwabo nabo ku batumwa.

Byubilo 15:22

Ponkapo kyamwekele kuwama ku batumwa ne bakulumpe, ne kipwilo kyonse, kya kusala banabalume bamo kufuma mukachi kabo, ne kwibatuma ku Antioka kuya pamo ne ba Paulo ne Banabasa. Batumine Yudasa, jikwabo Basabasa ne Silasa, bakulumpe ba mu balongo,

Byubilo 15:27

Onkao mambo kyokyo twatumina ba Yudasa ne Silasa, bo bakemubuula bino bintu bimo pa kanwa.

Byubilo 15:32

Kabiji ba Yudasa ne Silasa nabo, byo bajinga bangauzhi, be ba tundaikile balongo na byambo byavula, ne kukosesha michima yabo.

Byubilo 15:40

bino aye Paulo wasalulwile Silasa, amba ngye nanji, ne kwimana waimene, balongo byo bamufikizhe ku bupe bwa Nkambo.

Byubilo 16:3

Ye yeasakile Paulo amba ayenga nanji, kabiji wamutwezhezhe mu mukanda na mambo a Bayudea bajinga mu yoya mizhi. Mambo bonse bayukile amba, shanji mugiliki.

Byubilo 17:10

Ponkapo balongo batumine ba Paulo ne Silasa bufuku ku Beliya. Kabiji abo byo bafikileko batwelele mu shinagoga ya Bayudea.

Byubilo 17:12

Onkao mambo bavula ba mwi abo baitabijile, banabakazhi Bagiliki bashing'ama ne banabalume bavula.

Byubilo 17:14

Ponkapotu balongo bamwimenye Paulo amba afike ne ku kalunga ka mema, bino ba Silasa ne Timoti bashajile konka.

Byubilo 17:17

Aye kepo aipuzhang'enenga naba mu shinagoga ne Bayudea ne bapopwelanga Lesa, ne pa kisankanyi napo na bantu bo a sambakenenga pa juba pa juba.

Byubilo 17:34

Pakuba banabalume bamo belamikile kwi aye ne kwitabila, mwi abo mwajinga ba Dionisiusa wa mukije kya Aleopagusa, ne mwanamukazhi jizhina janji Damalisa, ne bakwabo bamo.

Byubilo 18:4

Kabiji waipuzhang'enenga na bantu mu shinagoga moba onse a Sabado, kasa eseka kwibetabizha Bayudea ne Bagiliki.

Byubilo 19:10

Kino kyaubilwenga byonkabyo myaka ibiji, onkao mambo bonse bajinga mu Asha ba umvwine mambo a Nkambo, ne Bayudea ne Bagiliki pamo.

Byubilo 2:44

Ne bonse baitabijile baikajile pamo, ne byonse byo bajinga naabyo byajinga ke bya bonse.

Byubilo 21:28

Kasa babijika amba, “Anweba bena Isalela! Tukwashaiko, uno i ye muntu ufunjisha bonse bantu konse kasa etuneena atweba Bayudea, ne Mizhilo nayo, ne pano pantu pamo, kabiji ne kikwabo waletele Bagiliki mu nzubo ya Lesa, ne kuzhilulula pano pantu pazhila.”

Byubilo 28:24

Kabiji bamo baitabile abya bintu byo a ambile, bino bakwabo bebilengulwile.

Byubilo 4:23

Kabiji byo bebalekele, bayile ku balongo babo, na kwibabula byonse byo bebambijile ku bang'anga bakatampe ne bakulumpe.

2 kolinda 8:5

Kabiji kechi byonka byotwaketekejile ne, nanchi patanshi bepaine bene kwi aye Nkambo, ne kwi atweba monka mu kyaswa muchima wa Lesa.