Byubilo 17:2 - KNTP

² Kabiji monka mwayijile kisela kyanji aye Paulo watwelelenga mu mashinagoga mo bajinga, wisambilenga naabo mu binembelo moba a sabado asatu,

Byubilo 17:2 Iomraidhean Croise

Mateo 26:24

Mwana Muntu uya monka mo kyamunembelwa. Bino malwa kwiyewa umusolola Mwana Muntu! Kyamuwamina awa muntu inge kechi wasemekelwe ne.”

Luka 4:16

Kabiji waishile ku Nazala, konka ko akomejile. Kabiji byonka byo akelwanga kuuba, wayile ku shinagoga mu juba ja Sabado, ne kwimana waimene amba atange.

Yoano 18:20

Kumvwa Yesu wamwambijile amba, “Amiwa na ambile patoka ku ba pano pantanda, moba onse nafunjishenga mu mashinagoga, ne mu nzubo ya Lesa, mo bapwila Bayudea bonse! Kafwako kyo na ambile kumbaji amiwa ne.

Byubilo 13:14

Bino abo bafumine ku Pelega ne kuya ku Antioka mu ntanda ya Pisidya, ne mu juba ja Sabado batwelele mu shinagoga ne kwikala baikajile panshi.

Byubilo 13:5

Byo bafikile ku Salamisa, batatwile kusapwila mambo a Lesa mu mashinagoga a Bayudea. Bajinga ne Yoano wibakwashishenga.

Byubilo 14:1

Kabiji pamotu ne ku Ikonyuma abo batwelele mu shinagoga wa Bayudea ne kwamba kyakuuba ne jibumba jikatampe ja Bayudea ne Bagiliki baitabijile.

Byubilo 17:10

Ponkapo balongo batumine ba Paulo ne Silasa bufuku ku Beliya. Kabiji abo byo bafikileko batwelele mu shinagoga ya Bayudea.

Byubilo 17:17

Aye kepo aipuzhang'enenga naba mu shinagoga ne Bayudea ne bapopwelanga Lesa, ne pa kisankanyi napo na bantu bo a sambakenenga pa juba pa juba.

Byubilo 18:4

Kabiji waipuzhang'enenga na bantu mu shinagoga moba onse a Sabado, kasa eseka kwibetabizha Bayudea ne Bagiliki.

Byubilo 19:8

Kabiji aye Paulo watwelele mu shinagoga, kasa amba na kuchinchika pa bang'ondo basatu, kasa epuzhang'ana naabo ne kweseka kwibetabizha bya mu bufumu bwa Lesa.

Byubilo 24:25

Kabiji byo a ambilenga naabo mambo a bololoke, ne a butekanye, ne a kije kikeya, Felikisa ke moyo mukatampe amba, “Pano aki yanga; kabiji kana namona kimye kyafwainwa nkakwita konji.”

Byubilo 28:23

Byo bamutongwejile jimo juba, baishile bavula koafikijile. Kufuma lukeelo kufika ne mabanga wibalumbulwijile, kasa ebabujisha mambo a bufumu bwa Lesa, ne kweseka kwibetabizha mambo a aye Yesu, kufuma mu buku wa mizhilo wakwa Mosesa ne kufuma mu bangauzhi.

Byubilo 8:35

Ponkapo aye Filipa watendekele kwamba, watatwile pa kyonkakya kinembelo ne kusapwila wamusapwijile mambo a Yesu.

Byubilo 9:20

Kabiji ponkapotu wasapwijilenga mambo a Yesu mu mashinagoga amba “Ye Mwana Lesa.”

1 Kolinda 15:3

Amiwa natambwile byakila mu buneme ne kwibifikizha kwi anweba, namba Kilishitu witufwijile na mambo etu monka mwayila binembelo;