Byubilo 16:9 - KNTP

⁹ Kabiji bufuku Paulo wamwene kimwesho. Kwaimene muntu mwina Makedonya, kasa a musashijila amba, “Abukilai muno mu bushiya mu Makedonya, mwitukwasheko!”

Byubilo 16:9 Iomraidhean Croise

Byubilo 10:3

Juba jimo pepi na pa kulemba juba aye wamwene kimwesho, wamwesheshetu malaika wa Lesa, katwele mo ajinga ne kumwambila amba, “Koneleusa.”

Byubilo 10:30

Kumvwa aye Koneleusa wa ambile amba, “Ke moba ana apitapo, kabiji pa kyonka kino kimye, byo nalombelenga mu nzubo yami mu kimye kya milombelo po pa kulemba juba, kabiji ponkapo muntu waimene kwi amiwa kasa avwala byabembela,

Byubilo 16:10

Kabiji byo ekimwene kimwesho, ponkapo twasakile kuya ku Makedonya, mambo twalangulukile namba, Lesa witwita kokwa amba tukasapwile Mambo Awama.

Byubilo 16:12

Kabiji kufuma kokwa twayile ku Filipai, muzhi wa mu Makedonya ye wajinga wakilamo mu kyokya kyalo, wajinga wa bena Loma. Twaikajilemo moba amo mu yewa muzhi.

Byubilo 18:5

Kabiji byo baishile ba Silasa ne Timoti, kufuma ku Makedonya, Paulo wapaine kimye kyanji kyonse na kusapwila, kasa ebabujisha Bayudea amba Yesu ye Kilishitu.

Byubilo 19:21

Kabiji pakupita bibye, Paulo wapingile mu muchima amba, kana napwisha kupita mu Makedonya ne Akaya, nkaya ku Yelusalema. Kabiji amba, kana nafika kokwa nafwainwa kumona ne ku Loma.

Byubilo 19:22

Kabiji byo atangizheko ku Makedonya babiji ba mwi abo bamukwashishenga, ba Timoti ne Elasatusa, aye mwine washajileko ka kimye mu Asha.

Byubilo 19:29

Ne muzhi yense waubile kiwowo ne kulukuta bingi, kabiji byo bakwachile Ngayusa ne Alisatakusa, bena Makedonya, mo baendelanga ne Paulo, bavundumukile lubilo kya mumo kuya mu nzubo ya kukayilamo.

Byubilo 20:1

Akya kiwowo byo kyapwile, Paulo waichile baana babwanga ne pa kwibakosesha wibashajikilepo, ke lwendo lwa kuya ku Makedonya.

Byubilo 20:3

akwa waikajileko ba ng'ondo basatu, kabiji byo ayukile amba bamubelamina ku Bayudea byo a sakilenga kuya ku Silya mu bwato, ponkapo aye walangulukile kubwela mu jishinda japita mu Makedonya.

Byubilo 27:2

Kabiji pa kuya mu bwato bwa ku Adalamituma, bo bwasakile kuya ku mizhi ya ku mukulo ya mu Asha, twaendele mu bwato pamo ne Alisatakusa mwina Makedonya wa ku Tesalonika ye twajinga nanji.

Byubilo 9:38

Kabiji ku Lida, byo kwajinga kwipi na ku Yopa, baana babwanga, byo ba umvwine amba, Petelo uji konka, batumineko bantu babiji na kumusashijila amba, “Kechi mubande kwiya kotuji ne.”

Loma 15:26

Mambo kibatokela ku muchima bamu Makedonya ne mu Akaya kupana bya bupe bya kukwasha balanda bamu bazhijikwa bamu Yelusalema.

2 kolinda 11:9

Kabiji byo najinga nenu ne kukajilwa bintu, kechi namukatezhepo muntu nangwa umo ne, mambo balongo betu bafumine ku Makedonya, bampeele byonse byo nakajilwe. Mu byonse nekainye kwimukatazha, kabiji byonkabyo kechi nkemukatazha ne.

2 kolinda 12:7

Kabiji na mambo a kuchiina amba, naketumbijikisha na mambo a bukata bwine bwa lumwekesho, napeelwe mwiiba mu mubiji, ye muluwe wa Satana wa kumpumapuma, kuchiina amba naketumbijikisha.

2 kolinda 7:5

Mambo byo twafikile mu Makedonya mibiji yetu kechi yamwene pa kukokolokela ne. Twamwene bya malwa konse konse; pangye pajinga bulwi, mukachi mwajinga moyo.

2 kolinda 8:1

Anweba bakwetu, twasaka kwimubula na mambo a bupe bwa Lesa bwapewa ku bipwilo bya mu Makedonya.

2 kolinda 9:2

Mambo nayuka kuswa kwenu, kwandengela kwimutota kubena Makedonya namba, “Bena Akaya baswijiile jimo ne mwakawa.” Kabiji kizaku kyenu kibakolomona bavula ba mwi abo.

Tesalonika 4:10

Mambo kine mwibatemwa balongo bonse baji mu Makedonya monse. Kabiji anweba bakwetu twimufunda namba mukijishemo ne ku kijishamotu.