Byubilo 16:16 - KNTP

¹⁶ Kabiji byotwayilenga ko balombela, twasambakene kamwale muzha, wajinga na mupashi wa kubuka wanonkeshanga ba nkambo yanji byavula na lubuko.

Byubilo 16:16 Iomraidhean Croise

Byubilo 16:13

Ne mu juba ja Sabado twayile pangye ya muzhi kunsa ya mukola, ko twalangulukile namba apo ko kuntu ko balombela, kabiji twaikele konka na kwisamba na banabakazhi bapwijile pamo.

Byubilo 16:18

Kabiji kino wikyubile moba avula. Pakuba Paulo byo kyamukokeeshe ne kumufichisha ku muchima, waalulukile ne kumwambila mupashi amba, “Na kukambizha mu jizhina ja Yesu Kilishitu fumamo mwi aye!” Ponkapotu wafuminemo.

Byubilo 16:19

Kabiji ba nkambo yanji pa kumona mo baketekejile mwa kunonkela mwapwa, bakwachile ba Paulo ne Silasa, ne kwibakokela ku kisankane ku bakulumpe.

Byubilo 19:24

Mambo a muntu umo jizhina janji Demeteliusa, sendwe wa siliva, ye wabunjilenga tubipashang'ano twa nzubo yazhila yakwa Atemisa, wibanonkeshanga basendwe banji byavula.

Ngalatiya 5:20

ne kupopwela bankishi ne bung'anga bwa lubuko ne mafika ne lutobo ne kichima ne bukaji ne bongozhi ne mabano ne mepatulo;

1 Timoti 6:10

Mambo kutemwa mali ye muzhazhi wa misango yonse ya bubi. Bino bamo byo beakumbilwe ebasendwile kufuma ku lwitabilo, ne kwiasa bene na bya bulanda byavula.

2 Timoti 3:8

Byonka byo bamukosakenejile Mosesa ba Yanesa ne Yambelesa, mo monka ne bano mo bakosakena bya bukine. Bo bantu ba michima yaluwankana, ba lwitabilo lungi luncha.

2 Petelo 2:3

Kabiji monka mu lunkumbwa lwabo bakemujiila bintu na byambo byabo bya kujimbaika. Batambwile kala luzhachisho lwabo, kabiji ne lonaiko lwabo kechi lukabanda ne!