Byubilo 16:1 - KNTP

¹ Paulo waishile ku Delebe ne ku Lisitila, ko kwajinga mwana wabwanga umo, jizhina janji Timoti. Inanji wajinga mu Yudea, mwanamukazhi waitabila, bino shanji wajinga mugiliki.

Byubilo 16:1 Iomraidhean Croise

Byubilo 14:1

Kabiji pamotu ne ku Ikonyuma abo batwelele mu shinagoga wa Bayudea ne kwamba kyakuuba ne jibumba jikatampe ja Bayudea ne Bagiliki baitabijile.

Byubilo 14:21

Byo basapwijilenga Mambo Awama mu yewa muzhi ne kwitabizha bavula ke baana babwanga, babwelele ku Lisitila, ne ku Ikonyuma, ne ku Antioka.

Byubilo 14:6

Batumwa byo bekiyukile, banyemejile ku Lisitila ne ku Delebe, mizhi ya mu Likonya, ne mu kyalo kyajinga kwipi.

Byubilo 17:14

Ponkapotu balongo bamwimenye Paulo amba afike ne ku kalunga ka mema, bino ba Silasa ne Timoti bashajile konka.

Byubilo 18:5

Kabiji byo baishile ba Silasa ne Timoti, kufuma ku Makedonya, Paulo wapaine kimye kyanji kyonse na kusapwila, kasa ebabujisha Bayudea amba Yesu ye Kilishitu.

Byubilo 19:22

Kabiji byo atangizheko ku Makedonya babiji ba mwi abo bamukwashishenga, ba Timoti ne Elasatusa, aye mwine washajileko ka kimye mu Asha.

Loma 16:21

Timoti mukwetu mu mwingilo wimwimuna; ne Lukiusa ne Yasona ne Sosipata, balongo bami, nabo bemwimuna,

1 Kolinda 16:10

Kabiji umvwe Timoti wafika koko, mukekale nanji bulongo, mambo ye wamwingilo wa Nkambo pamotu ne amiwa.

1 Kolinda 4:17

Na onka ano mambo nemutumina Timoti, mwanami wa mwi Nkambo wakishinka ye natemwa, ye ukemuvulula mwayila bwikalo bwami bwa mwi Kilishitu, monka mo mfunjishisha konse konse mu bipwilo byonse.

1 Kolinda 7:14

Mambo mwanamulume wabula kwitabila, wazhijikilwa mu mukazhanji, ne mwanamukazhi wabula kwitabila naye wazhijikilwa mu mwata wanji. Inge kechi kyaji byo byo ne, inge baana benu kechi bazhijikwa ne; pakuba pano bazhijikwa.

2 kolinda 1:1

Paulo, mutumwa wa Kilishitu Yesu, monka mwaswila muchima wa Lesa, ne Timoti mulongo wetu. Ku kipwilo kya Lesa kiji mu Kolinda, ne ku bazhijikwa bonse baji mu Akaya monse.

2 kolinda 1:19

Mambo Mwana Lesa, Yesu Kilishitu, yenka ye twimusapwijile atweba, amiwa ne Silivanusa, ne Timoti, kechi wajinga wa kuzhinauka amba, “Ee”, kabiji amba, “Ine”, ine, pakuba mwi aye mwajingatu “Ee”.

Filipai 1:1

Kufuma kwi Paulo ne Timoti bakalume bakwa Kilishitu Yesu. Ku bonse bazhijikwa baji mwi Kilishitu Yesu, baji mu Filipai ne bantangi balama kipwilo pamo ne bankwasho.

Filipai 2:19

Naketekela mwi Nkambo Yesu kumutuma Timoti ko muji katataka, pakuba amba ne amiwa nkatundaikwe pakumvwa byo mwaikala.

Kolose 1:1

Paulo, mutumwa wa Kilishitu Yesu monka mwayila muchima wa Lesa, ne Timoti mulongo wetu.

Tesalonika 1:1

Paulo, ne Silivanusa ne Timoti. Ku kipwilo kya bena Tesalonika kya mwi Lesa Taata ne mwi Nkambo Yesu Kilishitu. Bupe ne mutende bikale ne anweba.

Tesalonika 3:2

kabiji twatumine Timoti, mulongo wetu wa mwingilo wa Lesa mu Mambo Awama a Kilishitu, namba emukwashe ne kwimukosesha mu lwitabilo lwenu,

Tesalonika 3:6

Pakuba byo abwelele Timoti kwi atweba kufuma kwi anweba, ne kwituletela mambo a lusekelo a lwitabilo lwenu ne a butemwe bwenu, ne byo mwitulanguluka bulongo moba onse, ne kusaka kwitumona na meso, byonka byotusaka kwimumona ne atweba.

2 Tesalonika 1:1

Paulo, ne Silivanusa ne Timoti. Ku kipwilo kya bena Tesalonika, kya mwi Lesa Taata wetu ne Nkambo Yesu Kilishitu.

1 Timoti 1:18

Uno mukambizho nakufikizhaye, obewa mwanami Timoti, monka mwayila byambo byo ba ambile bangauzhi na mambo a obewa. Namba ulwenga bulwi bwawama,

1 Timoti 1:2

Kwi Timoti, mwanami wa kine mu lwitabilo. Bupe, ne lusa, ne mutende, bifuma kwi Lesa Taata ne kwi Kilishitu Yesu, Nkambo yetu, bikale ne obewa.

2 Timoti 1:2

Kwi Timoti, mwanami ye natemwa. Bupe ne lusa, ne mutende, bifuma kwi Lesa Taata ne Kilishitu Yesu Nkambo yetu, bikale ne obewa.

2 Timoti 1:5

Navuluka mambo a lwitabilo lwa kine luji mwi obewa, lonkalwa lwajinga patanshi mwi nkambo yobe Loisa, ne mwi inobe Yunisa. Kabiji nayukishatu namba, luji ne mwi obewa pamo.

2 Timoti 3:11

ne bya kupatwa kwami, ne bya kumanama kwami, byamfikijile ku Antioka, ne ku Ikonyuma, ne ku Lisitila, ne bya kupatwa kwami byo nakosejilemo, nangwa byonkabyo mu byonse Nkambo wampokolwelemo.

Filemonyi 1:1

Paulo, kaili wa Kilishitu Yesu, ne Timoti mulongo wetu. Kwi Filemonyi mutemwe ne mukwetu mu mwingilo umo,

Bahebelu 13:23

Yukai amba mulongo wetu Timoti wafumamo mu kaleya. Umvwe waiya bukiji tukamonang'ana nenu pamo ne aye.