Byubilo 15:9 - KNTP

⁹ Kabiji kechi witupusenye atweba ne abo ne, pa kutokesha michima yabo ku lwitabilo.

Byubilo 15:9 Iomraidhean Croise

Byubilo 10:15

Jiwi jaishile kwi aye jibiji amba, “Kyo atokesha Lesa obewa kechi wikitela amba, kya kijejeje ne.”

Byubilo 10:28

Ne aye wibambijile amba, “Anweba mwayuka amba, kizhila mu Yudea kwilamika ku wa mu mukoka ungi, nangwa kumupempulatu ne; bino aye Lesa wambuula amiwa amba, kechi utele muntu amba watu ne, nangwa amba, wazhila ne.

Byubilo 10:34

Ponkapo Petelo watatwile kwamba amba, “Kine pano nayuka namba aye Lesa kechi utala ku bilungi bya bantu ne.

Byubilo 11:12

Ne aye Mupashi wang'ambijie amba, uye naabo kwakubula kuzhinauka ne. Ne bano balongo batanu na umo bayile ne amiwa, kabiji twakatwelele mu nzubo ya yeo muntu.

Byubilo 14:1

Kabiji pamotu ne ku Ikonyuma abo batwelele mu shinagoga wa Bayudea ne kwamba kyakuuba ne jibumba jikatampe ja Bayudea ne Bagiliki baitabijile.

Byubilo 14:27

Kabiji byo bafikile, bakonkenye pamo kipwilo, bebabujile byonsetu byaubile Lesa, ne byo a shinkwijile Bangentila kibelo kya lwitabilo.

Loma 3:22

Bonkabwa bololoke bwa Lesa bwa mu lwitabilo lwa mwi Yesu Kilishitu ku bonse baitabila. Mambo kafwako wapusana ne.

Loma 3:9

Nanchi byepi? Atweba Bayudea twibakila mu kuwama nyi? Ine, nangwa pachechetu ne! Mambo twibashiina kala bonse Bayudea, ne Bagiliki pamo amba bonsetu baji mu mambo.

Loma 9:24

ke ye atweba kabiji bo aichile, kechi mu Bayudea bonka ne, ne mu Bangentila pamo?

1 Kolinda 1:2

Ku kipwilo kya Lesa kiji mu Kolinda, baitwa amba bekale bazhila mwi Kilishitu Yesu, ne ku bonse beta pa jizhina ja Nkambo Yesu Kilishitu konse konse, Nkambo yabo ne wetu pamo.

1 Kolinda 7:18

Umvwe muntu waichilwe kasa aji mu mukanda, kechi asake kwaluka ke wabulwa mu mukanda ne; kabiji kana waichilwe kasa abulwa mu mukanda kechi asake kutwezhiwa mu mukanda ne.

Ngalatiya 3:28

Pano kechi kuji mu Yudea nangwa mugiliki ne. Kechi kuji muzha nangwa mwana bene ne, kechi kuji mwanamulume nangwa mwanamukazhi ne. Mambo bonse mwiumo mwi Kilishitu Yesu.

Ngalatiya 5:6

Mambo mwi Kilishitu Yesu mukanda yewatu, ne kubulwa mukanda nako ko kwatu, kana lwitabilo lwingila mu butemwe.

Efisesa 3:6

Amba Bangentila bo banswanyi pamo ne atweba, bo bamu mubiji umo ne atweba, bo ba kutambula mulaye pamo ne atweba mwi Kilishitu Yesu kupichila mu Mambo Awama.

Kolose 3:11

Amo kechi muji mugiliki, nangwa muyudea, nangwa wa mukanda, nangwa wabulwa mukanda, nangwa mwenyi, nangwa mwina Sikitya nangwa muzha, nangwa mwana bene, pakuba Kilishitu ye byonse, kabiji uji mu byonse.

1 Petelo 1:22

Byo mwatokesha michima yenu na kukookela bya bukine ne kumwenamo butemwe bwa kine bwa kutemwa balongo, kasa mwitemwa anweba bene na bene na muchima watoka too.