Byubilo 15:5 - KNTP

⁵ Bino kwaimene bamo baitabila ba mukipamo kya Bafaliseo amba, “Kyafwainwa kwibatwezha mu mukanda ne kwibakambizha Kulama Mizhilo ya kwa Mosesa.”

Byubilo 15:5 Iomraidhean Croise

Mateo 3:7

Kabiji pa kwibamona Bafaliseo bavula ne Basadusea ke beye ku lubatizhilo lwanji, wibambijile amba, “Anweba kisaka kya milolo! Ing'anyi wimujimuna amba munyeme bukaji bubena kwiya?

Byubilo 15:1

Bino bamo banabalume baishile kufuma ku Yudea na kufunjisha baitabila amba, “Anweba inge ne kutwela mu mukanda monka mwayila kisela kya Mosesa ne, kechi mukapuluka ne.”

Byubilo 15:24

Byotwaumvwa amba, bamo bafumine mwi atweba bemukatazha na byambo bya kuzhingichisha michima yenu, botwabujile kulaya atweba.

Byubilo 21:20

Ne abo byo bebyumvwine, bamutumbijikile Mwine Lesa. Kabiji ba mwambijile amba, “Mulongo wetu, mwamona byo baji biumbi ne biumbi bya Bayudea baitabila, ne bonse batesha michima ku Mizhilo.

Byubilo 24:14

Pakuba kino nekitaba kwi anweba namba, mo jayila Jishinda jo bateela abo amba, lwipatulo lubi, mo mompopwela Lesa wa bashakulu betu, kasa naitaba byonse byayila mwayila Mizhilo, ne byanembwa mu mabuku a ba Ngauzhi.

Byubilo 24:5

Mambo uno muntu twamumona namba ye mulwanyi, ulengela bantu kusatuka mu Bayudea bonse pano pantanda ponse, kabiji ye mwine ntangi mukatampe mu lolwa lwipatulo lwa bena Nazala.

Byubilo 28:22

Byonkabyo atweba tubenakusaka kumvwa momwalangulukila, mambo twayuka namba luno lwipatulo lubena kunenwa bibi konse, konse.”

Byubilo 5:17

Bino ng'anga mukatampe waimene, ne bonse bo ajinga naabo, kyo kipamo kya Basadusea, kabiji bebobijile bingi kichima.

1 Kolinda 7:18

Umvwe muntu waichilwe kasa aji mu mukanda, kechi asake kwaluka ke wabulwa mu mukanda ne; kabiji kana waichilwe kasa abulwa mu mukanda kechi asake kutwezhiwa mu mukanda ne.

Ngalatiya 2:11

Kabiji byo aishile Kefasa ku Antioka, amiwa namulengulwile pa meso anji, mambo kine watamishe.

Ngalatiya 2:14

Pakuba amiwa byo namwene byo babujile kwenda mu bololoke bwa mwayila bukine bwa Mambo Awama, na mwambijile Kefasa ku meso a bonse namba anweba byo muji mu Yudea, mwikala nobe mungentila, kechi pamo nobe Bayudea ne, mambo ka mwi bakanjikizha Bangentila amba bekale nobe Bayudea?