Byubilo 15:11 - KNTP

¹¹ Bino atweba twaitaba namba ko konka ku bupe bwa Nkambo Yesu kotukapulukila pamotu ne abo.”

Byubilo 15:11 Iomraidhean Croise

Loma 3:24

Pakubinga bebabingishatu ku bupe bwanji monka mu bukuuzhi bwa mwi Kilishitu Yesu.

Loma 5:15

Bino kya bupe kechi kiji pamo na bubi ne. Mambo umvwe bavula bafwile na mambo a bubi bwa umo, kine kabiji bupe bwa Lesa, ne kyoapana mu bupe bwa mwi yewa muntu umo, Yesu Kilishitu, kyakijishatu kwi bakumbana bavula.

Loma 6:23

Mambo mfweto ya bundengamambo lo lufu, pakuba kya bupe kyo a panatu Lesa bo bumi bwa myaka mwi Kilishitu Yesu Nkambo yetu.

1 Kolinda 16:23

Bupe bwa Nkambo yetu Yesu Kilishitu bwikale ne anweba.

2 kolinda 13:14

Bupe bwa Nkambo Yesu Kilishitu, ne butemwe bwa Lesa, ne lumvwang'ano lwa Mupashi wa Lesa Wazhila, bikale ne anweba bonse.

2 kolinda 8:9

Mambo mwayuka bupe bwa Nkambo yetu Yesu Kilishitu, amba, nangwa wajinga munonshi, byonkabyo na mambo a anweba waalukile ke muyanji amba, anweba monka mu buyanji bwanji mwaluke ke banonshi.

Ngalatiya 1:6

Nakumya byomubena kupondoka bukiji kufuma kwi aye wimwichile mu bupe bwa Kilishitu ne kuya ku Mambo Awama angi.

Ngalatiya 2:16

Nangwa byonkabyo, byo twayuka namba muntu kechi ubingila mu mingilo ya mizhilo ne. Poso mu lwitabilo lwa mwi Yesu Kilishitu. Ne atweba twaitabijile mwi Kilishitu Yesu amba, tubingile mu lwitabilo lwa mwi Kilishitu. Kechi mu mingilo ya Mizhilo ne. Mambo mu mingilo ya Mizhilo kafwako muntu nangwa umo ukabinga ne.

Titusa 2:11

Mambo bupe bwa Lesa bwamweka, bwaleeta lupulukilo ku bantu bonse.

Lumwekesho 5:9

Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.