Byubilo 15:1 - KNTP

¹ Bino bamo banabalume baishile kufuma ku Yudea na kufunjisha baitabila amba, “Anweba inge ne kutwela mu mukanda monka mwayila kisela kya Mosesa ne, kechi mukapuluka ne.”

Byubilo 15:1 Iomraidhean Croise

Yoano 7:22

Mosesa wimupele kisela kya mukanda, (bino kechi kyokya kwa Mosesa ne, kya bashakulu) kabiji ne anweba mu juba ja Sabado mutwezha muntu mu kisela kya mukanda.

Byubilo 1:15

Mu oa moba Petelo waimene mukachi ka balongo banji, kwajinga jibumba ja bantu bapwijile pamo, bafikile kampe kitoota kimo ne makumi abiji, ne kwamba amba.

Byubilo 15:22

Ponkapo kyamwekele kuwama ku batumwa ne bakulumpe, ne kipwilo kyonse, kya kusala banabalume bamo kufuma mukachi kabo, ne kwibatuma ku Antioka kuya pamo ne ba Paulo ne Banabasa. Batumine Yudasa, jikwabo Basabasa ne Silasa, bakulumpe ba mu balongo,

Byubilo 15:23

ne kwibatuma nayo ino nkalata amba; “Kufuma ku Batumwa ne bakulumpe balongo benu, ku balongo bamu Bangentila bamu Antioka wa mu Silya ne bamu Kilikya, mutende bonse.

Byubilo 15:24

Byotwaumvwa amba, bamo bafumine mwi atweba bemukatazha na byambo bya kuzhingichisha michima yenu, botwabujile kulaya atweba.

Byubilo 15:3

Byonkabyo abo, byo bebashinjikinye ku kipwilo, bapichile mu Finesha ne Samaliya, sa bebabula mambo a kwaluluka kwa Bangentila, kabiji bebaletejile lusekelo lukatampe balongo bonse.

Byubilo 15:32

Kabiji ba Yudasa ne Silasa nabo, byo bajinga bangauzhi, be ba tundaikile balongo na byambo byavula, ne kukosesha michima yabo.

Byubilo 15:5

Bino kwaimene bamo baitabila ba mukipamo kya Bafaliseo amba, “Kyafwainwa kwibatwezha mu mukanda ne kwibakambizha Kulama Mizhilo ya kwa Mosesa.”

Byubilo 21:20

Ne abo byo bebyumvwine, bamutumbijikile Mwine Lesa. Kabiji ba mwambijile amba, “Mulongo wetu, mwamona byo baji biumbi ne biumbi bya Bayudea baitabila, ne bonse batesha michima ku Mizhilo.

Byubilo 6:14

Mambo twamumvwine kasa amba amba. Aye Yesu mwina Nazala ukonauna pano pantu ne kwalulula bisela bitupele Mosesa.”

Ngalatiya 2:1

Kabiji pakupita myaka jikumi ne ina nayile jibiji ku Yelusalema ne Banabasa, nasendele ne Titusa naye pamo.

Ngalatiya 5:6

Mambo mwi Kilishitu Yesu mukanda yewatu, ne kubulwa mukanda nako ko kwatu, kana lwitabilo lwingila mu butemwe.

Ngalatiya 6:12

Bantu bavula basaka kwimukanjikizha amba mutambule mukanda, na mambo a kuchiina kupatwa pa mambo a musalabu wa Kilishitu.

Kolose 2:16

Onkao mambo kechi muleke muntu nangwa umo emuzhachishe mu bya kuja, nangwa mu bya kutoma ne, nangwa na juba ja kijiilo, nangwa juba ja kutentama kwa ng'ondo nangwa na juba ja Sabado ne.

Kolose 2:8

Jimukai kuchiina amba, bakemukwata buzha ku muntu nangwa umo na buntemwa maana bwanji, monka mwayila lufunjisho lwatu lwa bantutu, mwayila bya bwanyike bya pano pantanda, kechi mwayila Kilishitu ne.