Byubilo 13:8 - KNTP

⁸ Pakuba Elimasa uba bingelekezha (mo mwayila jizhina janji pa kwijilumbulula mu Kigiliki) waesekele kumusendula aye mukulumpe wa kyalo ku lwitabilo.

Byubilo 13:8 Iomraidhean Croise

Yoano 1:41

Uno wabangijile kutaana mulongo wanji Shimona, wamubujile amba, “Twataana Mesiasa” (pa kulumbulula ko kuuba amba, Kilishitu.)

Byubilo 13:12

Ponkapo aye mukulumpe wa kyalo, pa kumona kyaubilwe waitabijile, mambo wakuminye lufunjisho lwa Nkambo.

Byubilo 18:12

Pakuba Galio, byo ajinga mukulumpe wa kyalo kya Akaya, Bayudea baishile pamo na kumulwisha Paulo, kabiji bamutwajile ku kije.

Byubilo 19:38

Onkao mambo umvwe Demeteliusa, ne basendwe bo aji naabo, baji na mambo na muntu, nangwa ng'anyi nangwa ng'anyi, bije ko biji, ne bachiba mambo nabo po baji. Balekai baleete bya kwishiina bene.

Byubilo 6:7

Kabiji mambo a Lesa ananukilenga, ne baana babwanga bayilenga na kuvujilako bingi mu Yelusalema, kabiji ne jibumba jikatampe ja bang'anga jakookejile lwitabilo.

Byubilo 8:9

Bino kwajinga muntu umo jizhina janji Shimona, ye waubilenga bingelekezha kala mu yewa muzhi kabiji walengeshe bena Samaliya kukumya, kasa etumbijika amba yami mukatampe,

Byubilo 9:36

Kabiji mu Yopa mwajinga mwana wabwanga umo wamukazhi, jizhina janji Tabita, (pa kulumbulula ko kuuba amba Dokasi.) Aye wavujile mingilo yawama ne kupana bya bupe byavula ku balanda.

2 Timoti 3:8

Byonka byo bamukosakenejile Mosesa ba Yanesa ne Yambelesa, mo monka ne bano mo bakosakena bya bukine. Bo bantu ba michima yaluwankana, ba lwitabilo lungi luncha.