Byubilo 13:16 - KNTP

¹⁶ Ponkapo Paulo waimene, ne pa kukebaula na kuboko kwanji wa ambile amba. “Anweba bena Isalela ne anweba baakamwa Lesa, umvwai.

Byubilo 13:16 Iomraidhean Croise

Mateo 11:15

Awa uji na matwi a kumvwa, omvwe!”

Luka 1:22

Byo alupukile, kechi wakonsheshe kwamba naabo ne, kabiji bayukile amba wamona kimwesho mu nzubo ya Lesa. Ne aye wibakebawilenga kasa aji kamaama.

Luka 1:50

lusa lwanji luji pa boba bamwakamwa, kufuma ku kisemi ne kufika ku kisemi kikwabo.

Luka 23:40

Pakuba mukwabo wamulengulwile amba, “Anweba kechi muchiina Lesa, byo mwachibilwa mambo ne kuzhachishiwa pamo ne aye nyi?

Byubilo 10:2

Aye wanemekanga ne kumwakamwa Lesa pamo naba mukisemi kyanji bonse, kabiji wapainenga bya bukwasho byavula ku bakajilwa, ne kulomba kwi Lesa moba onse.

Byubilo 10:35

Pakuba ne mu mikoka yonse ya bantu, aye wamwakamwa, ne kuuba byaoloka, ye waitabilwa kwi aye,

Byubilo 12:17

Bino aye wibakebawile na kuboko, amba bazhindame, ke ebabuule mobamufumisha kwi Nkambo mu kaleya, kabiji wibambijile amba, “Kabulai Yakoba ne balongo bakwabo bino bintu.” Ponkapo aye wafumineko, ne kuya kungi.

Byubilo 13:26

“Anweba bakwetu, baana ba ku kikota kya Abulahama, ne bo muji naabo bamwakamwa Lesa, kwi atweba bonse koatumwa ano mambo aluno lupulukilo!

Byubilo 13:46

Kabiji ba Paulo ne Banabasa ba ambilengatu na kuchinchika amba, “Kyaji kufwainwa mambo a Lesa asapwilwe kwi anweba patanshi. Pakuba byo mwiakana ne kwichibila mambo anweba bene amba, kechi mwafwainwa bumi bwa myaka ne, nanchi, pano twaalukila ku Bangentila.

Byubilo 19:33

Ponkapo bamufumishe Alekesanda mu jibumba, byo bamushinjikileko ku Bayudea. Ne aye Alekesanda wakebawile na kuboko kwanji amba, neambile ku bantu.

Byubilo 2:14

Bino Petelo waimene naba jikumi na umo, wasanswile jiwi janji, ne kwibambila amba, “Anweba bena Yudea, ne anweba bonse mwikala mu Yelusalema, yukai kino, ne kumvwa byambo byami.

Byubilo 2:22

“Anweba bena Isalela, umvwai bino byambo! Yesu mwina Nazala, muntu waitabilwe kwi Lesa ku meso enu mu mingilo ya bulume ne mu bya kukumya ne mu biyukilo, byo aubile Lesa mwi aye mukachi kenu, monka mo mwayukila ne anweba bene;

Byubilo 21:40

Ponkapo mwine mukulumpe wabashilikale wamuswishishe, Paulo waimene po bakanjijila, ne kwibakebaula bantu na kuboko. Kabiji byo bazhindaminepo, aye wibambijile mu Kihebelu amba.

Byubilo 22:22

Kabiji baswile kumumvwa poso byo afikile pa kino kyambo; ponkapo basanswile mawi abo ne kwamba amba, “Mufumyaipo ao muntu pano pantanda! Mambo kechi kyamufwainwa amba ekale na bumi ne!”

Byubilo 3:12

Petelo byo ekimwene, wa ambijile bantu amba, “Anweba bena Isalela, mambo ka kyomwakuminya kino kintu, kabiji mubena kwitutajiisha atweba, nobe atweba bene twamwendesha ku bulume bwetu nangwa na kunemeka Lesa kwetu?

Lumwekesho 2:11

“Aye uji na matwi, omvwe byamba Mupashi ku bipwilo! Awa ushinda kechi ukamona lufu lwa bubiji ne.”

Lumwekesho 2:17

“Aye uji na matwi, omvwe byamba Mupashi ku bipwilo. Kwi aye ushinda, nkamupapo manna afyamika. Kabiji nkamupa jibwe jitoka, panembwa jizhina jipya, jo babula kuyuka bonse kana yenkaye wijitambula.”

Lumwekesho 2:29

Aye uji na matwi, omvwe byamba Mupashi ku bipwilo.”

Lumwekesho 2:7

“Aye uji na matwi, omvwe byamba Mupashi ku bipwilo! “Kwi aye ushinda nkamuswisha kuja ku kichi kya bumi, kiji mu Paladisa wa Lesa.”