Byubilo 13:1 - KNTP

¹ Mu kipwilo kya ku Antioka mwajinga bangauzhi ne bafunjishi, ba Banabasa ne Shimeona (jikwabo amba Ufiita), ne Lukiusa mwina Kilene, ne Manena ye balelelenga pamo ne Heloda mfumu, ne Saulo.

Byubilo 13:1 Iomraidhean Croise

Mateo 27:32

Kabiji byo balupukile, bamwene muntu mwina Kilene, jizhina janji Shimona, ye bakanjikizhe amba, “Tuye ne obewa usende musalabu wanji,”

Luka 3:1

Mu mwaka wa bujikumi na butanu wa bufumu bwa kwa Tibeliusa Kesala, Pontiusa Pilato kasa aji ndamakyalo wa Yudea, ne Heloda naye kasa aji mfumu wa mu Ngalilea, ne mulongo wanji Filipa naye kasa aji mfumu wa mu kyalo kya Itulea ne Tilakonyitisa, ne Lisanyasa naye kasa aji mfumu mu Abilene,

Byubilo 11:30

Kabiji bekyubile, ne kwibituma ku bakulumpe ku maboko a ba Banabasa ne Saulo.

Byubilo 12:25

Kabiji Banabasa ne Saulo, byo bapwishishe mingilo yabo, babwelele kufuma ku Yelusalema, bamusendele ne Yoano Mako.

Byubilo 13:9

Ponkapo aye Saulo, jikwabo Paulo, byo ayujile na Mupashi Wazhila wamutajijishe,

Byubilo 15:32

Kabiji ba Yudasa ne Silasa nabo, byo bajinga bangauzhi, be ba tundaikile balongo na byambo byavula, ne kukosesha michima yabo.

Byubilo 15:35

Bino ba Paulo ne Banabasa bashajile monka mu Antioka, kasa bafunjisha ne kusapwila mambo a Nkambo, ne bavula bakwabo pamotu.

Byubilo 19:6

Kabiji aye Paulo byo eba tentekele maboko, Mupashi Wazhila waishile pe abo; kebambe na njimi ingi ne kwaula na Mupashi.

Byubilo 21:9

Kabiji uno muntu wajinga na baana bana bazhike, bajinga bangauzhi.

Byubilo 4:36

Kabiji Yosefwa, ye batumbile batumwa jikwabo amba Banabasa (pa kulumbulula, ko kuuba amba, “Mwana wa bukwasho,”) mwina Levi wasemekejilwe ku Kipilusa,

Byubilo 9:1

Bino Saulo, byo akipingilenga bipingo bya kwibepaya baana babwanga ba Nkambo, wayile kwi ng'anga mukatampe,

Loma 16:21

Timoti mukwetu mu mwingilo wimwimuna; ne Lukiusa ne Yasona ne Sosipata, balongo bami, nabo bemwimuna,

1 Kolinda 11:4

Mwanamulume ulomba nangwa kwaula kasa avwala ku mutwe wanji, wapelula mutwe wanji.

1 Kolinda 13:2

Kabiji nangwa nji na bungauzhi ne kuyuka byafyamika byonse, ne maana onse, kabiji nangwa nji na lwitabilo lonse lwa kutuntulula mitumba, umvwe ne kwikala na butemwe ne, abyo ne watu.

1 Kolinda 13:8

Butemwe kechi bupwa ne. Pakuba bya bungauzhi bikapita, ne njimi nayo ikapwa, ne maana nao akapita.

1 Kolinda 14:29

Kabiji bangauzhi nabo bambe babiji nangwa basatu, bino bakwabo be byeseke byo ba amba.

1 Kolinda 14:32

Mipashi ya bangauzhi ikookela bangauzhi ba Lesa.

1 Kolinda 9:6

Nanchi amiwatu yenka ne Banabasa twabulwa luusa lwa kuleka kwingila na maboko etu nyi?

Ngalatiya 2:13

Ne Bayudea bonse nabo bajimbaikilwe pamo ne aye. Onkao mambo ne Banabasa naye watwajilwe mungi na bujimbijimbi bwabo.

Ngalatiya 2:9

Kabiji abo ba Yakoba ne Kefasa ne Yoano, bonkaba batumbalele amba mapanda, byo bamwene bupe bo napelwe kwi Lesa, amiwa ne Banabasa twapakene naabo maboko a kilujo a lumvwang'ano amba, anweba muyenga ku Bangentila ne atweba tuye ku bamukanda.

Efisesa 4:11

Kabiji bamo wibapele butumwa, bamo bungauzhi, bakwabo busapwishi, kabiji bakwabo bu kafunga ne bufunjishi.

Filipai 4:22

Kabiji bonse bazhijikwa nabo bemwimuna, ne ba mu kipango kya kwa Kesala bo bene.

Tesalonika 5:20

nangwa kusuula bya aulwa na Mupashi ne,