Byubilo 12:4 - KNTP

⁴ Kabiji byo a mukwachile, wamubikile mu kaleya, wamufikizhe ku bashilikale biombe bina, bya pa bana pa kiombe, ba kumulama amba nkamusolole ku bantu pakupwa moba a kijiilo kya Lupitailo.

Byubilo 12:4 Iomraidhean Croise

Mateo 24:9

“Ponkapo bakemufikizha mu malwa ne kwimwipaya. Kabiji bakemushikwa ku mikoka yonse ya bantu pa jizhina jami.

Mateo 26:5

Kabiji ba ambile amba, “Kechi mu moba a kijiilo ne, kuchiina amba bantu baka lengelapo kiwowo.”

Mako 14:1

Pano kwashajile moba abiji ke Kijiilo kya Lupitailo ne Kijiilo kya Bashinkwa ba kubula Mbizho. Ne bang'anga bakatampe ne banembeshi baumvwang'enenga bya kumukwata mu bufyamfya ne kumwipaya.

Luka 21:12

Kabiji bino byonse kasa bikyangye kufika bakemukwata, ne kwimupata, ne kwimufikizha mu mashinagoga ne mu tuleya, ne kwimuleeta ku meso a bamfumu ne bandamakyalo na mambo a jizhina jami.

Luka 22:33

Kumvwa aye amba, “Nkambo, naswila jimo kuya nenu mu kaleya ne ku lufu!”

Yoano 19:23

Ne bashilikale, byo bamupopele Yesu pa musalabu, bashikwile bivwalo byanji, ne kwibyabanya pana, mushilikale kyanji, mushilikale kyanji. Ne mukangyo naye, bino mukangyo kechi wajinga na mifumo ne, bamulukiletu kufuma kwiulu ne kufika kunshi.

Yoano 21:18

Kine, kine nemwambila namba, byo mwakijinga nsongwalume, mwivwikilenga, ne kuya ko mwasakilenga anweba bene, pakuba byo mukekala ke mukote, mukatanyika maboko enu, ne mukwabo ukemuvwika, ne kwimutwala ko mwabula kusaka.”

Byubilo 12:3

Bino byo amwene amba kibatokesha Bayudea pa muchima, wayile na kukwata ne Petelo pamo. Kabiji aa moba ajinga a bashinkwa ba kubula mbizho.

Byubilo 12:5

Byonkabyo Petelo bamulamine mu kaleya, bino kipwilo kyamulombejilenga kwi Lesa na muchima yensetu.

Byubilo 4:28

Kumuba byonse byo mwafukwijile jimo kuuba na bulume bwenu.

Byubilo 4:3

Ponkapo bebakwachile, ne kwibabiika mu kaleya poso ke keesha, mambo ajinga ke mabanga.

Byubilo 5:18

Ne abo bebakwachile batumwa, ne kwibabika mu kaleya ka bonsetu.

Byubilo 8:3

Pakuba aye Saulo waonawinenga kipwilo, kasa atwela mu mazubo, na kwibakulumunamo banabalume ne banabakazhi ne kwibataya mu kaleya.