Byubilo 12:3 - KNTP

³ Bino byo amwene amba kibatokesha Bayudea pa muchima, wayile na kukwata ne Petelo pamo. Kabiji aa moba ajinga a bashinkwa ba kubula mbizho.

Byubilo 12:3 Iomraidhean Croise

Mateo 26:17

Kabiji pa juba jitanshi ja kijiilo kya bashinkwa ba kubula mbizho, baana banji babwanga baishile kwi Yesu amba, “Kwepi ko mwasaka tukanengezhezhe jimo po musa kujiila kijiilo kya Lupitailo?”

Yoano 12:43

Mambo batemenwe buneme bwa ku bantu kukila lukumo lwa kwi Lesa.

Yoano 19:11

Kumvwa Yesu wamwambijile amba, “Kechi uji na luusa pe amiwa ne, poso wapewalo kwiulu. Onkao mambo awa wamfikizha kwi anweba ye uji na mambo akila.”

Yoano 21:18

Kine, kine nemwambila namba, byo mwakijinga nsongwalume, mwivwikilenga, ne kuya ko mwasakilenga anweba bene, pakuba byo mukekala ke mukote, mukatanyika maboko enu, ne mukwabo ukemuvwika, ne kwimutwala ko mwabula kusaka.”

Byubilo 12:4

Kabiji byo a mukwachile, wamubikile mu kaleya, wamufikizhe ku bashilikale biombe bina, bya pa bana pa kiombe, ba kumulama amba nkamusolole ku bantu pakupwa moba a kijiilo kya Lupitailo.

Byubilo 2:14

Bino Petelo waimene naba jikumi na umo, wasanswile jiwi janji, ne kwibambila amba, “Anweba bena Yudea, ne anweba bonse mwikala mu Yelusalema, yukai kino, ne kumvwa byambo byami.

Byubilo 20:6

Kabiji moba a bashinkwa ba kubula mbizho pakupita, atweba twafumine ku Filipai na bwato, ne kufika ku Toloasa ko bajinga mu moba atanu, twaikajileko moba atanu na abiji.

Byubilo 24:27

Pakupwa myaka ibiji, Polokiusa Fesatusa wapingile pe Felikisa; ne aye Felikisa byo asakile kwibatokesha Bayudea pa muchima, wamushiile Paulo kasa akaswa.

Byubilo 25:9

Pakuba Fesatusa, byo asakile kwibatokesha Bayudea pa muchima, wamukumbwile Paulo amba, “Waswanyi kuya ku Yelusalema, baka kuchibile mambo obe konka ku meso ami nyi?”

Byubilo 4:13

Bino byo bamwene Petelo ne Yoano kasa bachinchika, ne kuyuka amba bajinga bantutu babula kufunda, bakuminye bingi. Kaiji bayukile amba, bajinga ne Yesu.

Ngalatiya 1:10

Nanchi pano nasaka namba bantu bantale bulongo nyi, inyi Lesa? Nangwa mbena kukeba kwibatokesha bantu pa muchima nyi? Kabiji inge nkibatokesha bantu pa muchima inge kechi ne kalume wa Kilishitu ne.

Tesalonika 2:4

Pakuba tusapwila monka mo twaitabilwa kwi aye Lesa amba, twikale ba ketekelwa mu kusapwila Mambo Awama, imo mo twambila. Kechi mu kutokesha bantu pa muchima ne, kana Lesa yenka weseka michima yetu.