Byubilo 11:16 - KNTP

¹⁶ Ne amiwa ponkapo navulukile byambo bya Nkambo, byo a ambile amba, ‘Yoano kine wabatizhilenga na mema, pakuba anweba mukabatizhiwa na Mupashi Wazhila.’

Byubilo 11:16 Iomraidhean Croise

Mateo 3:11

Amiwa nemubatizha mu mema, lubatizhilo lwa lulapilo, pakuba ao undondela panyuma yami wankila bulume, amiwa kechi nafwainwa nangwatu kumusendela makwabilo anji ne. Aye ukemubatizha na Mupashi Wazhila ne na mujilo.

Mateo 3:6

Kabiji ba batizhilwe kwi aye mu mukola wa Yodano, kasa besolola mambo abo.

Mako 1:8

Amiwa nemubatizha na mema, pakuba aye ukemubatizha na Mupashi Wazhila.”

Luka 24:8

Kepo bavulukile byambo byanji,

Luka 3:16

Ponkapo Yoano wibakumbwile bonse amba, “Amiwa kine nemubatizha na mema, pakuba wankila bulume ubena kwiya. Mikanda ya makwabilo anji amiwa kechi nafikilamo kwiikasulula ne. Aye ukemubatizha na Mupashi Wazhila ne na mujilo.

Yoano 1:26

Kepo Yoano wibakumbwile amba, “Amiwa mbatizha na mema, pakuba mukachi kenu mwaimana umo ye mwabula kuyuka anweba,

Yoano 1:33

Ne amiwa kechi namuyukile ne, pakuba awa wantumine na kubatiza na mema, wang'ambijile amba, ‘Awa yenka ye ukamona kasa bamwikijila ku Mupashi, ne kwikala pe aye, ye yenka ubatizha na Mupashi Wazhila.’

Yoano 14:26

Pakuba Nkwasho, aye Mupashi Wazhila, ye bakatuma Bataata mu jizhina jami, ye ukemufunjisha bintu byonsetu, ne kwimuvulula byonse byo na ambile nenu.”

Yoano 16:4

Pakuba nemwambila bino bintu, namba mwaka wabyo pakufika, mukavuluke byo nemubujilebyo amiwa. Kabiji bino bintu kechi nemwambijile ku ntendekelo ne, mambo nakijinga nenu.

Byubilo 1:5

Mambo Yoano kine wabatizhilenga na mema, pakuba anweba mukabatizhiwa na Mupashi Wazhila, bino kechi kwashala moba avula ne.”

Byubilo 20:35

Mu byonse nemumwesheshe mo mwafwainwa kwingijila kyakosa byonkabyo, ne kukwasha banekena, kasa muvuluka byambo bya Nkambo Yesu, byo a ambile aye mwine amba, ‘Kupana kuji na mapesho kukila kutambula.’”

1 Kolinda 12:13

Ne atweba bonse twabatizhilwe ku Mupashi umo mu mubiji umo, nangwa twi Bayudea, nangwa twi Bagiliki, nangwa twi bazha, nangwa twi baana ba bene, bonse twapewa kutoma ku yenka Mupashi umo.

2 Petelo 3:1

Pano anweba batemwe, ino yo nkalata ya bubiji kwimunembela, kabiji mu onse abiji mbusha michima yenu yawama ne kwimuvulula.