Byubilo 11:12 - KNTP

¹² Ne aye Mupashi wang'ambijie amba, uye naabo kwakubula kuzhinauka ne. Ne bano balongo batanu na umo bayile ne amiwa, kabiji twakatwelele mu nzubo ya yeo muntu.

Byubilo 11:12 Iomraidhean Croise

Mateo 1:20

Kabiji byo a kilangulukilenga byo byo, ponkapo malaika wa Nkambo wamwekele mu kiloto amba, “Obewa Yosefwa, mwana Davida, kuchiina kumulaajika Maliya ke mukazhobe ne. Mambo awa ye a imita munda mwanji ye wa kwa Mupashi Wazhila.

Yoano 16:13

Pakuba aye Mupashi wa bukine, byo akeya ukemutangijila mu byonse bya kine, mambo aye kechi ukambanga byanji mwine ne, pakuba byonkabya byo akomvwa, byo byonka byo akamba, ne aye ukemubuula bintu bikamweka.

Byubilo 1:15

Mu oa moba Petelo waimene mukachi ka balongo banji, kwajinga jibumba ja bantu bapwijile pamo, bafikile kampe kitoota kimo ne makumi abiji, ne kwamba amba.

Byubilo 10:23

Kepo ebechile ne kwibabula pa kufikila. Byo bwakiile lukeelo waimene kaye ne naabo, ne balongo bamo ba ku Yopa bayile nanji.

Byubilo 10:45

Ne boba ba mu mukanda baitabila, bonse mobavujila baishile ne Petelo, bakuminye mambo Mupashi Wazhila waitulwilwe wa bupetu, ne pa Bangentila.

Byubilo 11:13

Ne aye witubujile mo amwenejile malaika kasa aimana mu nzubo yanji, ne kumwambila amba, ‘Tuma bantu ku Yopa, baleete Shimona, jikwabo Petelo.

Byubilo 13:2

Byo bapopwejilenga Nkambo ne kuzhikilwa na nzala, aye Mupashi Wazhila wibambijile amba, “Mpaatwilai Banabasa ne Saulo bengile uno mwingilo ye nebechila.”

Byubilo 13:4

Abo byo bebatumine ku Mupashi Wazhila, Banabasa ne Saulo bayile ku Selukya, pa kufumako bayile na bwato ku Kipilusa.

Byubilo 15:7

Kabiji byo beipwizhe javula, Petelo waimene ne kwibambila amba. “Anweba bakwetu, mwayuka amba mu moba atanshi aye Lesa wantongwele amiwa mwi anweba amba, Bangentila bomvwe na kanwa kami Mambo Awama, ne kwitabila.

Byubilo 15:9

Kabiji kechi witupusenye atweba ne abo ne, pa kutokesha michima yabo ku lwitabilo.

Byubilo 28:15

Kabiji balongo bakokwa byo ba umvwine, baishile na kwitutundaila kufika ne ku kisankanyi kya Apiusa, ne ku Mazubo a benyi Asatu. Pakuba aye Paulo byo ebamwene, wamutotele Lesa, ne muchima wakosele ne kukosa.

Byubilo 8:29

Ponkapo Mupashi Wazhila wamwambijile Filipa amba, “Fwenya kubwipi, ulamate kuyewa kalaki.”

Loma 3:22

Bonkabwa bololoke bwa Lesa bwa mu lwitabilo lwa mwi Yesu Kilishitu ku bonse baitabila. Mambo kafwako wapusana ne.

2 Tesalonika 2:2

namba kechi bakemulengele kuzhinauka bukiji mu michima yenu ne kwimuubisha kijikila nangwa ku mupashi, nangwa ku byambo, nangwa ku nkalata yauba nobe yafuma kwi atweba amba, juba ja Nkambo pano jafika ne.

Lumwekesho 22:17

Aye Mupashi ne aye musongwa amba, “Iyai!” Ne yense waumvwa naye, ambe amba, “Iyai!” Ne aye waumvwa kilaka, naye eye, ne aye wasaka naye atambule mema a bumi a bupetu.