Byubilo 10:9 - KNTP

⁹ Kabiji mu juba jalondejilepo byo bakijinga mu jishinda, byo bafikile kwipi na ku muzhi, Petelo wakanjijile pa mutenge wa nzubo na kulomba; kimye kyajinga pepi na kushinkimana juba.

Byubilo 10:9 Iomraidhean Croise

Mateo 20:5

Kabiji ne pa kushinkimana juba, ne pa kulemba juba walupukile, waubile byonka byo ajikuuba.

Mateo 24:17

Aye uji pa mutenge kechi akekile amba, akasende biji mu nzubo yanji ne.

Mateo 27:45

Kabiji kufuma pa kushinkimana juba kwaishile mfishi yakumbene ponse pano pantanda, kufika ne pa kulemba juba.

Mateo 6:6

Kabiji obewa pa kulomba, utwele mu kazubo kobe ka mukachi, ne pa kushinka kibelo, ulombe kwi Shobe wa kumbaji, kabiji Shobe umona kumbaji ukakufweta.”

Mako 1:35

Kabiji bufuku pa kutwala kumakya, aye wabuukile ne kulupuka mu nzubo, ne kuya mungyetu, mo aka lombelenga.

Mako 6:46

Ne pa kwabana naabo, wayile ku mutumba na kulomba.

Byubilo 10:3

Juba jimo pepi na pa kulemba juba aye wamwene kimwesho, wamwesheshetu malaika wa Lesa, katwele mo ajinga ne kumwambila amba, “Koneleusa.”

Byubilo 6:4

Pakuba atweba tukaswezhatu mu milombelo, ne mu mwingilo wa kusapwila mambo.”

Efisesa 6:18

Kasa mulomba mu bimye byonse na lulombelo lonse ne misashijilo monka mwi aye Mupashi, ne kwilutong'amina na mukoyo mukatampe ne misashijilo ya kwibalombelela bazhijikwa bonse.

1 Timoti 2:8

Byonkabyo nasaka namba banabalume balombe konse konse kasa basuntula maboko abo azhila, kwa kubula bukaji ne kutoboka.