Byubilo 10:43 - KNTP

⁴³ I ye yebashimuna ku bangauzhi bonsetu amba, mu jizhina janji bonse bamwitabila, bakatambula lulekelo lwa mambo.”

Byubilo 10:43 Iomraidhean Croise

Mako 16:16

Aye waitabila ne kubatizhiwa ukapuluka, pakuba awa wabula kwitabila ukazhatwa nao.

Luka 24:47

kabiji amba lulapilo ne lulekelo lwa mambo byafwainwa kusapwilwa mu jizhina janji ku mikoka yonse ya bantu, kutatwila mu Yelusalema.

Yoano 1:45

Ne aye Filipa wataaine Natanela, wamwambijile amba, “Twamutaana, ye banembele kwi Mosesa mu buku wa mizhilo, ne ku bangauzhi, Yesu mwina Nazala, mwana Yosefwa.”

Yoano 20:31

Pakuba bino byanembwa amba, mwitabile amba, Yesu ye Kilishitu, Mwana Lesa, kabiji amba, pa kwitabila, mwikale na bumi mu jizhina janji.

Yoano 5:24

“Kine, kine nemwambila namba, aye waumvwa mambo ami, ne kumwitabila aye wantuma uji na bumi bwa myaka, kechi ukeya mukije ne, pakuba mu lufu wafumamo, wapitaila ku bumi.

Byubilo 15:9

Kabiji kechi witupusenye atweba ne abo ne, pa kutokesha michima yabo ku lwitabilo.

Byubilo 2:38

Ne Petelo wibambijile amba, “Lapilai, ne kubatizhiwa bonse mu jizhina ja Yesu Kilishitu mu kulekelwa mambo enu, kabiji mukatambula Mupashi Wazhila wa bupetu.

Byubilo 26:18

Na kwibalabisha meso abo bavundamine ku mfishi balulukile ku kyeya kabiji bavundamine ku luusa lwa Satana balulukile kwi Lesa, batambule lulekelo lwa mambo, ne buswanyi mwi abo bazhijikwa na lwitabilo lwa mwi amiwa.”

Byubilo 26:22

Bino kufuma kujino juba natambwile bukwasho bufuma kwi Lesa, amiwa ko kwimana ko nakimana mu jino juba ja leelo, kasa ne babuujisha bacheche ne bakatampe, kwambapo nangwa kingi ne, kana byonka bya ambile bangauzhi ne Mosesa, amba bikafika.

Byubilo 3:16

Kabiji mu lwitabilo lwa mu jizhina janji, uno muntu yemwamona, ne alwa lwitabilo luji mwi aye, lo lwamupa buno butuntulu ku meso enu anweba bonse.”

Byubilo 3:18

Pakuba abya bintu byo a ambijile jimo Lesa mu kanwa ka bangauzhi banji, amba, Kilishitu wami ukamanama, aye wibifikizha.

Loma 10:11

Mambo kinembelo kyaamba amba, “Bonse bamwitabila kechi bakamona bumvu ne.”

Loma 3:21

Pakuba pano bololoke bwa Lesa bwamweka, bwa kubula mu Mizhilo, nangwa bwashimunwa mu ma buku a Mizhilo ne aba ngauzhi.

Loma 5:1

Onkao mambo byo twabingishiwa ku lwitabilo, tuji na mutende na mwine Lesa monka mwi Nkambo yetu Yesu Kilishitu.

Loma 6:23

Mambo mfweto ya bundengamambo lo lufu, pakuba kya bupe kyo a panatu Lesa bo bumi bwa myaka mwi Kilishitu Yesu Nkambo yetu.

Loma 8:1

Onkao mambo pano kechi kuji luzhachisho nangwa pacheche kwi boba baji mwi Kilishitu Yesu ne.

Loma 8:34

Ing'anyi uzhachisha? Ye Kilishitu Yesu wafwile, kabiji ye wasangwilwe mu bafu, ye waikala ku kilujo kya Lesa, na kwitulombelela.

Ngalatiya 3:22

Bino kinembelo kibishinkila bintu byonse mu bundengamambo amba, akya kyalayilwe na lwitabilo lwa mwi Yesu Kilishitu kipanwe ku baitabila.

Efisesa 1:7

Mwi Kilishitu mo muji bukuuzhi bwetu bwa mu mashi anji, lo lulekelo lwa mizhilulwila yetu, monka mwayila bunonshi bwa bupe bwanji,

Kolose 1:14

mwi aye motwamwena bukuuzhi bwetu, lo lulekelo lwa mambo etu.

Bahebelu 13:20

Pano aye Lesa wa mutende, yenka wamusangwile mu bafu Nkambo yetu Yesu, yenkawa waubile ke kafunga mukatampe wa mikooko na mambo a mashi anji, a lulayang'ano lwa myaka,

1 Petelo 1:11

Kasa bapalanguzha amba, ng'anyi kimye, nangwa kyo kimye kya byepi, kyoatongwele Mupashi wa Kilishitu wajinga mwi abo, byo ashimwijile jimo mambo a bya kumanama bya Kilishitu ne bya lukumo bikalondela panyuma.

Lumwekesho 19:10

Ponkapo naponene panshi ku maulu anji, namba namupopwele, bino aye wang'ambijile amba, “Kileke! Amiwa ne mukwenu wa mu mwingilo umo pamo na bakwenu balama bukamonyi bwa Yesu. Popwela Lesa!” Mambo bungauzhi bwa Lesa bwaimena pa kusolola bukamonyi bwa Yesu.