Byubilo 10:41 - KNTP

⁴¹ kechi ku bonsetu ne, kana ku bonka batumonyi bo asalulwijile jimo mwine Lesa, ye atweba, twajile ne kutoma nanji, byo asangukile mu bafu.

Byubilo 10:41 Iomraidhean Croise

Luka 24:30

Kabiji byo aikajile ku tebulu na kuja naabo, washikwile shinkwa ne pa kupesha ne kumutebula wibapele.

Luka 24:48

Ne anweba mwi batumonyi ba bibye bintu.

Yoano 14:17

Ye Mupashi wa bukine, ye babula kukonsha kutambula ba pano pantanda, mambo kechi bamumona ne, nangwa kumuyuka ne. Anweba mwamuyuka, mambo aye wikala nenu, kabiji ukekalanga mwi anweba.”

Yoano 14:19

Kwashala ka kimye kacheche ba pano pantanda kechi bakammona jibiji ne, pakuba anweba mukammonanga, byo naikala na bumi amiwa, ne anweba mukekalanga naabo.”

Yoano 14:22

Kumvwa Yudasa (kechi Isakaliota ne) wamwipwizhe amba, “Nkambo, mambo ka o mukemweshesha kwi atweba, bino ku ba pano pantanda ne?”

Yoano 15:16

Anweba kechi yenu mwansalulwile ne, pakuba amiwa yami nemusalulwile anweba, ne kwimutongola, namba muyenga na kupanga bipangwa, kabiji abya bipangwa byenu bikekajikwe. Namba umvwe mukalomba kintu kwi Bataata mu jizhina jami nangwa kya byepi, bakemupakyo.

Yoano 15:27

Ne anweba mukashimunanga, na mambo a amiwa mambo mwajinga ne amiwa ne ku ntendekelo.”

Yoano 21:13

Ponkapo Yesu washikwile shinkwa, ne kwibapa wibapele, ne masabi nao pamo.

Byubilo 1:22

kutatula ku lubatizhilo lwa Yoano kufika ne ku juba joatambwilwe mwiulu kufuma kwi atweba, kyafwainwa umo ekale kamonyi pamo ne atweba wa mu kusanguka kwanji.”

Byubilo 1:4

Kabiji byo apwijilenga naabo pamo, wibakambizhe amba, “Kechi mufume mu Yelusalema ne, mupembele akya kyalayile Bataata, kyo mwaumvwine kwi amiwa.

Byubilo 10:39

Ne atweba twi batumonyi ba byonse byo aubilenga, ne mu kyalo kya bena Yudea, ne mu Yelusalema. Ye baipayile byo bamupopele pa kichi.

Byubilo 13:31

ne aye wamwekele moba avula kuboba bo aishile naabo kufuma ku Ngalilea kwiya ku Yelusalema. Abo pano bo batumonyi banji ku bantu.