Byubilo 10:2 - KNTP

² Aye wanemekanga ne kumwakamwa Lesa pamo naba mukisemi kyanji bonse, kabiji wapainenga bya bukwasho byavula ku bakajilwa, ne kulomba kwi Lesa moba onse.

Byubilo 10:2 Iomraidhean Croise

Mateo 25:17

Byonkabyo ne aye watambwile abiji wakamwenejilemo akwabo abiji.

Luka 18:1

Kabiji aye wibatayile kishimpi mu kwibabuula amba bafwainwa kulomba moba onse ne kukooka ne.

Luka 2:25

Kabiji kwajinga muntu mu Yelusalema, jizhina janji Shimeona, ne uno muntu wajinga waoloka kabiji wa akamwa Lesa, kasa apembelela lutekenesho lwa bena Isalela, ne Mupashi Wazhila wajinga pe aye.

Byubilo 10:22

Kumvwa abo ba mwambijile amba, Koneleusa, mukulumpe wa bashilikale, muntu waoloka, wa akamwa Lesa, watelwa bulongo ku mukoka yense wa Bayudea, ba mwambijile kwi malaika wazhila wa Lesa, kwimulonda anweba ne kwimutwala ku nzubo yanji, amba omvwe byambo kwi anweba.

Byubilo 10:31

wang'ambijile amba, Koneleusa, milombelo yobe yaumvwanyika, kabiji aye Lesa wamona ne bya bupe byobe byoukwasha balanda.

Byubilo 10:35

Pakuba ne mu mikoka yonse ya bantu, aye wamwakamwa, ne kuuba byaoloka, ye waitabilwa kwi aye,

Byubilo 10:4

Ne aye pakumutajisha wa umvwine moyo ne kwamba amba, “Amba ka Nkambo?” Kumvwa aye amba, “Milombelo yobe ne bya bupe byobe ku balanda byafika kwi Lesa, ke bya kukuvulukilako.

Byubilo 10:7

Ponkapo pa kufumako awa malaika ye a ambilenga nanji, aye waichile bamingilo ya mu nzubo yanji babiji, ne mushilikale wanemekanga Lesa wa mu bonkaba bamwingilo banji.

Byubilo 11:14

Ye ukakubula byambo byo ukapulukilamo, obewa ne bonse ba munzubo yobe pamo.’

Byubilo 13:16

Ponkapo Paulo waimene, ne pa kukebaula na kuboko kwanji wa ambile amba. “Anweba bena Isalela ne anweba baakamwa Lesa, umvwai.

Byubilo 13:26

“Anweba bakwetu, baana ba ku kikota kya Abulahama, ne bo muji naabo bamwakamwa Lesa, kwi atweba bonse koatumwa ano mambo aluno lupulukilo!

Byubilo 13:50

Bino Bayudea bebakolomwene banabakazhi bashing'ama bapopwelanga Lesa, ne bakulumpe ba mu muzhi, babushishe lupato lwa kwibapata ba Paulo ne Banabasa, ne kwibapanga bebapangile mu kyalo kyabo.

Byubilo 18:8

Kilishipusa, mukulumpe wa shinagoga, wamwitabijile Nkambo ne ba munzubo yanji bonse pamo; ne bavula bena Kolinda byo ba umvwine mambo baitabijile ne kubatizhiwa.

Byubilo 2:5

Bino mu Yelusalema mwaikajilenga Bayudea, banemeka Lesa, bafumine mu mikoka yonse ya muno munshi.

Byubilo 22:12

“Kabiji muntu umo wa jizhina ja Ananyasa, watekanya mwayila Mizhilo, watelelwe bulongo ku Bayudea bonse baikajile momwa.

Byubilo 8:2

Kabiji banabalume batekanya bamuzhiikile Setepena, ne kumujila bingi na mabingo akatampe.

Byubilo 9:11

Ne Nkambo wamwambijile amba, “Imana, uyenga mu mukwakwa yebateela amba, waoloka, ukepuzhe ku nzubo yakwa Yudasa muntu jizhina janji Saulo, mwina Talasusa. Mambo tala, ubena kulomba,

Byubilo 9:31

Kabiji byonkabyo kipwilo kya monse mu Yudea ne mu Ngalilea ne mu Samaliya kyamwene mutende, ne kukoma kyakomene, ne kwenda na kwakamwa Nkambo, ne mu bukwasho bwa Mupashi Wazhila, kasa kiya na kubaya.

Byubilo 9:36

Kabiji mu Yopa mwajinga mwana wabwanga umo wamukazhi, jizhina janji Tabita, (pa kulumbulula ko kuuba amba Dokasi.) Aye wavujile mingilo yawama ne kupana bya bupe byavula ku balanda.

Kolose 4:2

Mwikale bakosela mu milombelo, mulabenga ne kukenkenta na kusanta.

Tesalonika 5:17

lombai na kubula kuzhikilwa,

Yakoba 1:5

Umvwe mwi anweba muji umo wabula maana epuzhe Lesa, kabiji ukapewao mambo Lesa upana ku bonse kwakubula kushintauka.

Lumwekesho 15:4

Nkambo, ng'anyi ukabula kwakamwa ne kutumbijika jizhina jenu? Mambo anweba yenu yenka Wazhila! Mambo mikoka yonse ya bantu ikeya na kupopwela ku meso enu, mambo byubilo byenu byaoloka byamweka.”