Byubilo 10:11 - KNTP

¹¹ Ne kumona mwiulu mwashinkuka, ne kijiilo ke kiikile pamo nobe kisapi kyo bekizha panshi ku makonka onse ana.

Byubilo 10:11 Iomraidhean Croise

Mateo 8:11

Kabiji nemwambila namba, bavula bakeya bakafuma ku musela ne ku muzhika, bakekala pamo ne Abulahama, ne Izaka, ne Yakoba, mu bufumu bwa mwiulu.

Luka 3:21

Pa kupwisha bantu bonse kubatizhiwa, ne Yesu naye byo abatizhilwe ne kulomba, ne jiulu ja shinkukile,

Yoano 1:51

Kabiji wamwambijile amba, “Kine, kine amiwa nemwambila namba, Musakukamona jiulu jashinkuka, ne bamalaika ba Lesa kasa bakanjila ne kwikijila pa Mwana Muntu.”

Yoano 11:52

kabiji kechi kyonkakyatu kisaka ne, poso akapwizhe pamo baana ba Lesa bapalang'ena monse, monse.

Yoano 12:32

Kabiji amiwa, inge naimikwa pano pantanda, nkakokela bonse kwi amiwa mwine.”

Byubilo 10:12

Mo mwajinga misango yonse ya banyama ba maulu ana, ne ya bikalaba panshi ne ya bang'onyi ba mwiulu.

Byubilo 11:5

“Amiwa najinga mu muzhi wa Yopa kasa ndomba, kabiji naponejile mutulo tukatampe. Ponamwene kimwesho kya kijiilo kasa kiikila, pamo nobe kisapi kikatampe kyo bekizha panshi ku makonka onse ana kufuma mwiulu, ke kiye ne ponji,

Byubilo 7:56

Wa ambile amba, “Talai, namona jiulu jashinkuka, ne Mwana Muntu kasa aimana ku kilujo kya Lesa.”

Loma 1:16

Mambo amiwa kechi neobila bumvu Mambo Awama ne; mambo bo bulume bwa Lesa buleta lupulukilo ku bonse baitabila, kutatwila ku Bayudea kabiji ne ku Bagiliki nabo pamo.

Loma 9:4

Abo bo bantu ba Lesa bu bwana bo bwabo, ne lukumo, ne Milaye ne kupana kwa Mizhilo, ne mingilo ya ku nzubo ya Lesa, ne malayang'ano, byonse byo byabo;

Ngalatiya 2:15

Atweba twi bene Bayudea, kechi twi bandengamambo bamu Bangentila ne.

Ngalatiya 3:28

Pano kechi kuji mu Yudea nangwa mugiliki ne. Kechi kuji muzha nangwa mwana bene ne, kechi kuji mwanamulume nangwa mwanamukazhi ne. Mambo bonse mwiumo mwi Kilishitu Yesu.

Efisesa 1:10

Amba akekajike bukalama bwa pa byonse ponka pa kukafikila myaka yoatongola, ne kwibikonkenya bintu byonse mwi Kilishitu, biji mwiulu ne biji pano pantanda.

Efisesa 3:6

Amba Bangentila bo banswanyi pamo ne atweba, bo bamu mubiji umo ne atweba, bo ba kutambula mulaye pamo ne atweba mwi Kilishitu Yesu kupichila mu Mambo Awama.

Kolose 3:11

Amo kechi muji mugiliki, nangwa muyudea, nangwa wa mukanda, nangwa wabulwa mukanda, nangwa mwenyi, nangwa mwina Sikitya nangwa muzha, nangwa mwana bene, pakuba Kilishitu ye byonse, kabiji uji mu byonse.

Lumwekesho 11:19

Ponkapo nzubo yazhila ya Lesa iji mwiulu beishinkwile, kabiji kwamwekele mu nzubo yazhila jikwachi jazhila ja mulaye wanji. Ponkapo ke kubesha, ne mawi, ne bilulumo, ne kitentanshi, ne mvula mukatampe wa mabwe.

Lumwekesho 19:11

Ponkapo namwene jiulu jashinkuka, kabiji namwene mbili utoka. Aye waikajilepo jizhina janji amba Wakishinka ne Wakine, kabiji aye uchibila mambo monka mu bololoke, mo mo alwila ne nkondo.

Lumwekesho 4:1

Pakupita bibye, namwene kibelo kyashinkuka mwiulu, kabiji ne jiwi jitanshi jo naumvwine, jaubile nobe ja ntolompita, kasa jing'ambila amba, “Kanjila kuno, nkubuule bintu bikamweka kulutwe.”