Byubilo 1:4 - KNTP

⁴ Kabiji byo apwijilenga naabo pamo, wibakambizhe amba, “Kechi mufume mu Yelusalema ne, mupembele akya kyalayile Bataata, kyo mwaumvwine kwi amiwa.

Byubilo 1:4 Iomraidhean Croise

Mateo 10:20

Mambo kechi anweba mukamba ne, poso Mupashi wa Shenu ye ukambanga mwi anweba.”

Luka 11:13

Byonkabyo umvwe anweba babi, mwayuka kupana byawama ku baana benu, nanchi aye Shenu wa mwiulu kechi akemukile mu kupana Mupashi Wazhila ku bamulomba nenyi?”

Luka 12:12

Mambo Mupashi Wazhila ukemufunjisha mu kyonkakya kimye byo mwafwainwa kwamba.”

Luka 24:49

Kabiji talai amiwa mwine nkemutumina akya kyalayile Bataata pe anweba. Pakuba anweba mwafwainwa kupembelela mu muzhi poso mukavwikwe na bulume kufuma mwiulu.”

Yoano 14:16

Ne amiwa nkalomba Bataata, ne abo bakemupa Nkwasho mukwabo, ye ukekala nenu myaka yonse.

Yoano 15:26

Mambo aye Nkwasho byo akeya, ye nkemutumina ukafuma kwi bataata, ye Mupashi wa bukine, ufuma kwi bataata, ye ukanshimuna.

Yoano 20:22

Byo a ambile bino, wibapemejile ne kwibambila amba, “Tambulai Mupashi Wazhila.

Yoano 7:39

Pakuba byo a ambile bino watazhizhe ku Mupashi ye bakatumbula aba bamwitabila. Mambo Mupashi waji ukyangye kupanwa, mambo Yesu waji ukyangye kutumbijikwa.

Byubilo 10:41

kechi ku bonsetu ne, kana ku bonka batumonyi bo asalulwijile jimo mwine Lesa, ye atweba, twajile ne kutoma nanji, byo asangukile mu bafu.

Byubilo 2:33

Byonkabyo byo atumbijikilwe ku kilujo kya Lesa, ne kutambula kwi Shanji kyo alayile kya Mupashi Wazhila, aye waitulula uno. Byonka byo mwamona ne kumvwa.