Byubilo 1:16 - KNTP

¹⁶ “Anweba bakwetu, kyafwainwe kufika akya kinembelo kyo a ambijile jimo Mupashi Wazhila mu kanwa ka Davida, na mambo a Yudasa, yenkaye watangijile bamukwachile Yesu,

Byubilo 1:16 Iomraidhean Croise

Mateo 26:14

Ponkapo umo wa mu ba jikumi na babiji jizhina janji Yudasa Isakaliota, wayile ku bang'anga bakatampe ne kwibepuzha amba,

Mateo 26:47

Byo akyambilenga, talai, Yudasa umo wa mu ba jikumi na babiji, waishile na jibumba jikatampe, jasenda mapoko ne tukonkolo, jafumine ku bang'anga bakatampe ne bakulumpe ba bantu.

Mateo 26:54

Kabiji kana byonkabyo binembelo bikafika byepi, amba bino byafwainwa kumweka?”

Mateo 26:56

Kabiji bino byonse byamweka amba, binembelo bya bangauzhi bifike.” Ponkapo baana babwanga bonse bamushiile ne kunyema.

Mako 12:36

Davida mwine, wa ambile na Mupashi Wazhila amba, “‘Nkambo wa ambijile Nkambo yami amba, Ikala ku kilujo kyami, Poso ngalule balwanyi bobe munshi ya maulu obe.’

Mako 14:43

Kabiji ponkapotu, byo akyambilenga, Yudasa waishile, umo wa ba jikumi na babiji, waishile na kiombe, kasa basenda mapanga ne tukonkolo, bafumine ku bang'anga bakatampe ne banembeshi ne bakulumpe.

Luka 22:47

Byo akyambilengatu, ponkapo kwaishile jibumba na yewa watelelwe amba Yudasa, umo wa mu ba jikumi na babiji, kasa ebatangijila. Kabiji aye wafwenyenye pepi kwi Yesu na kumufyompa.

Yoano 10:35

Inge aye wi bateela bo bafikizhizha mambo a Lesa amba, ba lesa (ne kinembelo kechi kyayuka kuzhilulwa ne.)

Yoano 13:18

“Amiwa kechi mbena kwamba mambo a anweba bonse ne, amiwa nayuka ne bo nasalulula. Pakuba nanchi amba kinembelo kifike, amba, ‘Yenka uja shinkwa ne amiwa ye wansobwela kashiko kanji.’

Yoano 17:12

Byo najinga naabo, amiwa nebalaminenga mu jizhina jenu jo mwampele. Nebasungile, kabiji kafwako nangwa umo waonaika ne, poso yenka awa mwana wa lonaiko, amba kinembelo kifikizhiwe.

Yoano 19:36

Mambo bino bintu byaubilwe amba, kinembelo kifike, amba, “Bikupa byanji kechi pakachimunwa nangwa kimo ne.”

Byubilo 1:20

Mambo kyanembwa mu buku wa Masalamo amba, “Kifulo kyanji poaikajile paluke ke pamasala, Kechi pekale muntu nangwa umo ne. Kabiji amba, bukulumpe bwanji ungi ebuje.”

Byubilo 13:15

Byo bapwishishe kutanga mu buku wa Mizhilo ya Mosesa ne wa bangauzhi, bakulumpe ba shinagoga batumine jiwi kwi abo amba, “Bakwetu, kana muji na byambo bya kutundaika bantu byambai.”

Byubilo 13:38

Byonkabyo anweba bakwetu, yukai amba mu ye uno muntu, lulekelo lwa mambo lubena kusapwilwa kwi anweba. Mambo mizhilo ya Mosesa kechi yakonsha kwi mukasulula ku bubi bwenu bonse ne.

Byubilo 15:13

Byo bapwishishe kwamba, kumvwa Yakoba amba. “Anweba bakwetu, ng'umvwai amiwa!”

Byubilo 15:7

Kabiji byo beipwizhe javula, Petelo waimene ne kwibambila amba. “Anweba bakwetu, mwayuka amba mu moba atanshi aye Lesa wantongwele amiwa mwi anweba amba, Bangentila bomvwe na kanwa kami Mambo Awama, ne kwitabila.

Byubilo 2:23

aye uno Yesu, byo asolwelwe na mambo a kutongwela jimo ne kuyukila jimo kwanji aye Lesa, anweba yenu mwamupopele pa musalabu ne kumwipaya konka ku maboko a bampupabizhila.

Byubilo 2:37

Ponkapo byo ba umvwine bino, ne michima ibapiile munda, ne kwambila Petelo ne batumwa bakwabo amba, “Anweba bakwetu, tube byepi?”

Byubilo 22:1

Anweba bakwetu ne bataata, ng'umvwai byo nsakwiambila ko muji.

Byubilo 23:1

Kabiji Paulo watajile pajinga bena kije, wibambijile amba, “Anweba bakwetu, ku meso a Lesa konaikajilenga na muchima watoka wakubula kwizhachisha, kufika ne ku jino juba ja leelo.”

Byubilo 23:6

Kabiji Paulo byo ayukile amba, bamo bo Basadusea ne bamo bo Bafaliseo, wabijikile mukije amba, “Anweba bakwetu, amiwa ne mufaliseo, mwana wa Bafaliseo. Ke na mambo a luketekelo lwa lusanguko lwa bafu o mbena kuchibilwa mambo kuno leelo!”

Byubilo 28:17

Pakupita moba asatu, aye waichile pamo bakulumpe ba Bayudea. Byo bapwijile, aye wibambijile amba, “Amiwa, bakwetu, nangwa kechi nalengele mambo ku bantu betu ne, nangwa ku bisela bya bashakulu betu ne, nafikizhiwe bukaili ku Yelusalema mu maboko a bena Loma.

Byubilo 28:25

Kabiji byo babujile kwitabanzhana abo bene na bene bapalang'ene, byo a ambile Paulo kyambo kimo, amba “Nanchi kyo kyawama kya ambile Mupashi Wazhila mwi ngauzhi Isaya ku bashakulu benu!

Byubilo 7:2

Kumvwa aye amba, “Anweba bakwetu ne bashetu, ng'umvwai! Lesa wa lukumo wamwekele ku mushakulu wetu Abulahama, byo akijinga mu Mesopotamya, kasa akyangye kwikala mu Halani,

1 Petelo 1:11

Kasa bapalanguzha amba, ng'anyi kimye, nangwa kyo kimye kya byepi, kyoatongwele Mupashi wa Kilishitu wajinga mwi abo, byo ashimwijile jimo mambo a bya kumanama bya Kilishitu ne bya lukumo bikalondela panyuma.

2 Petelo 1:21

Mambo bya bungauzhi kechi byaishile na kyaswa muchima wa muntu nangwa jimotu ne, bino bantu ba ambile byafumine kwi Lesa, monka mo bebatangijile ku Mupashi Wazhila.

2 Petelo 2:21

Mambo kibawaminako inge babujile kuyuka jishinda ja bololoke, pakuba pa kwijiyuka ne kuvundaminako ku mukambizho wazhila ye bapelwe, kyo kibatamina.