Byubilo 1:14 - KNTP

¹⁴ Abano bonse bakoseletu na muchima umo mu milombelo pamo na banabakazhi, ne Maliya inanja Yesu, ne balongo banji.

Byubilo 1:14 Iomraidhean Croise

Mateo 12:46

Kabiji byo a kyambilenga na mabumba, ponkapo inanji ne balongo banji baimene pangye na kumukeba amba, bambe nanji.

Mateo 21:22

Kabiji byonse byo mukasakanga mu lulombelo na lwitabilo, mukebitambula.”

Mateo 27:55

Kabiji kwajinga banabakazhi bavula kasa baimana kwalepa na kumutala, bonkaba bamulondejilenga Yesu kufuma ku Ngalilea na kumwingijila.

Mako 15:40

Kabiji kwajinga ne banabakazhi kwalepa kasa batajisha. Mwi abo mwajinga Maliya waku Magadala, ne Maliya inanji Yakoba wa mwanyike, ne Yosesa, ne Salome.

Mako 16:1

Kabiji pakupita juba ja Sabado, Maliya waku Magadala ne Maliya inaji Yakoba, ne Salome bapotele binunka bulongo amba bakayeko bakamushinge.

Luka 11:13

Byonkabyo umvwe anweba babi, mwayuka kupana byawama ku baana benu, nanchi aye Shenu wa mwiulu kechi akemukile mu kupana Mupashi Wazhila ku bamulomba nenyi?”

Luka 18:1

Kabiji aye wibatayile kishimpi mu kwibabuula amba bafwainwa kulomba moba onse ne kukooka ne.

Luka 23:49

Ne bonse bayukane nanji Yesu, ne banabakazhi bamulondejilenga kufuma ku Ngalilea baimene kwalepa na kumona bino bintu.

Luka 23:55

Ne aba banabakazhi bo aishile naabo kufuma ku Ngalilea balondejile ne kumona kilende ne byo babikile mubiji wa Yesu monka.

Luka 24:10

Bano bajinga Maliya wa ku Magadala ne Yoana ne Maliya ina Yakoba, ne bakwabo banabakazhi bo bajinga naabo bo bakabujile batumwa bino bintu.

Luka 24:33

Ponkapo baimene pa kyonkakya kimye ne kubwela ku Yelusalema. Kabiji bebataine ba jikumi na umo ne bo bajinga naabo kasa bapwila pamo,

Luka 24:53

Kabiji bakelelwenga mu nzubo ya Lesa kasa batota Lesa.

Luka 8:20

Ne aye bamubujile amba, “Bainenu ne balongo benu baimana pangye, babena kusaka kwimumona.”

Byubilo 2:1

Byo jafikile juba ja Pentekosta, ne bonse kasa bapwila pamo.

Byubilo 2:42

Kabiji bakosejiletu mu mafunjisho a batumwa ne mu lumvwang'ano, ne mu kutebaula shinkwa ne mu milombelo.

Byubilo 2:46

Kabiji pa juba pa juba, bakelelwenga na muchima umo mu nzubo ya Lesa, kasa batebula shinkwa ku mazubo kwabo, ne kuja kajo kabo na lusekelo ne na muchima umo,

Byubilo 6:4

Pakuba atweba tukaswezhatu mu milombelo, ne mu mwingilo wa kusapwila mambo.”

Loma 12:12

Sekelai mu luketekelo, tekanyai mu bya malwa, kasa mukelwa mu milombelo.

1 Kolinda 14:13

Onkao mambo awa wamba mu lujimi ungi, alombe amba, amone mwa kumulumbulwila.

Efisesa 6:18

Kasa mulomba mu bimye byonse na lulombelo lonse ne misashijilo monka mwi aye Mupashi, ne kwilutong'amina na mukoyo mukatampe ne misashijilo ya kwibalombelela bazhijikwa bonse.

Kolose 4:2

Mwikale bakosela mu milombelo, mulabenga ne kukenkenta na kusanta.