Bahebelu 9:9 - KNTP

⁹ Kino kyajinga kifwanyikizho kya kino kimye kya katataka. Mwayila kuno kunengezha, bya bupe ne bitapisho bya lambwilwenga na bang'anga, kechi bya koshenshe kutokesha muchima wa yewa upopwela ne,

Bahebelu 9:9 Iomraidhean Croise

Loma 5:14

Kabiji byonkabyo kufuma kwi Adama ne kufika kwi Mosesa lufu lwaikajile mu bufumu, ne pa boba babujile kulenga mambo mwayila kuzhilulula kwa Adama. Ye wajinga kifwanyikizho kya yewa wasakile kwiya.

Ngalatiya 3:21

Nanchi kabiji mizhilo ilengulula milaye ya Lesa nyi? Ine kabiji akyo ne, mambo umvwe kwapainwe muzhilo wayuka kupana bumi, inge kine kabiji bololoke bwaishijile mu mizhilo.

Bahebelu 10:11

Kabiji bang'anga bonse bemana pa juba, pa juba kasa bengila na kulambula javula bitapisho bimo byonka byabula kukonsha kufumya bubi nangwa pachechetu ne.

Bahebelu 11:19

Aye walangulukile amba, Lesa wakonsha kumusangula nangwa mu bafu, mo monka mo amutambwijile jibiji nobe mu kifwanyikizho.

Bahebelu 5:1

Mambo yense ng'anga mukatampe byo apatulwa mu bantu watongwelwa kwimenako bantu mu bintu bya kwa Lesa, amba alambule bya bupe ne bitapisho bya bubi.

Bahebelu 7:11

Pano umvwe kulumbuluka kwamwekele kupichila mu bung'anga bwa bena Levi, mambo mwi abo momo batambwijile Mizhilo, kechi kyasakiwe amba ng'anga mukwabo amweke wa mwayila musango wa bung'anga bwa Melekizedeke, kechi wa musango wa kwa Alona ne.

Bahebelu 8:4

Pano umvwe wajinga pano pantanda, aye inge kechi waikala ke ng'anga ne, mambo po baji bang'anga balambula bya bupe mwayila muzhilo.

Bahebelu 9:24

Mambo Kilishitu kechi watwelele Mwazhila mwalengwa na maboko ne, mwapashang'ana na mwa kine ne. Kana mwiulu mwine, mo etumwekela ku meso a Lesa.

1 Petelo 3:21

o afwanyikizha lubatizhilo lwimupulusha ne anweba pano, kechi na kufumya biko pa mubiji ne, poso kusakisha kwi Lesa muchima wawama ubula kwizhachisha, monka mu lusanguko lwa Yesu Kilishitu.