Bahebelu 8:7 - KNTP

⁷ Mambo inge alwa luyang'ano lutanshi lwajinga lwalumbuluka, inge kechi pasakiiwe kwikajikwa lukwabo lwa bubiji ne.

Bahebelu 8:7 Iomraidhean Croise

Ngalatiya 3:21

Nanchi kabiji mizhilo ilengulula milaye ya Lesa nyi? Ine kabiji akyo ne, mambo umvwe kwapainwe muzhilo wayuka kupana bumi, inge kine kabiji bololoke bwaishijile mu mizhilo.

Bahebelu 7:11

Pano umvwe kulumbuluka kwamwekele kupichila mu bung'anga bwa bena Levi, mambo mwi abo momo batambwijile Mizhilo, kechi kyasakiwe amba ng'anga mukwabo amweke wa mwayila musango wa bung'anga bwa Melekizedeke, kechi wa musango wa kwa Alona ne.

Bahebelu 7:18

Ku lubaji lukwabo, awa mukambizho wa kala bamufumyapo mambo a kunekena kwanji ne kwikala wabula mwingilo.

Bahebelu 8:6

Pakuba pano Kilishitu watambula mwingilo wa wamisha wakila wa kala byonka biji lolwa lulayang'ano loaleeta lwakila lolwa lwakala, mambo lwalayilwe na milaye yawamisha.