Bahebelu 8:5 - KNTP

⁵ Abo bengijila kifwanyikizho ne kimvule kya bintu bya mwiulu. Mambo Mosesa kasa akyangye kupopa tente, ba mwambijile kwi Lesa amba, “Tala, ulenge byonse monka mwayila akya kya kumwenako kyo bakumwesheshe pa mutumba.”

Bahebelu 8:5 Iomraidhean Croise

Mateo 2:12

Kabiji byo bebajimwine kwi Lesa mu kiloto amba, “Kechi mubwele kwi Heloda ne,” babwelele kwabo mu jishinda jikwabo.

Byubilo 7:44

“Bashakulu betu bajinga na Tente wa lushimuno mungye, monka mo atongwejile aye wamubujile Mosesa amba, amulenge pamotu na kyokya kipashang'ano kyo amwene.

Kolose 2:17

Abya byo bimvule bya bintu bikeya, pakuba mubiji mwine ye wa Kilishitu.

Bahebelu 10:1

Mambo Mizhilo byo iji na kimvule kya bintu byawama bikeya; kechi kine kipasha kya byobya bine bintu ne, kechi yakonsha kwibalumbulula nangwa pachechetu aba bafwenya kwipi na byonkabyo bitapisho, byo balambula moba onse pa mwaka pa mwaka ne.

Bahebelu 11:7

Ko ku lwitabilo Nowa, byo bamujimwine kwi Lesa na mambo a bintu kasa bikyangye kumweka, pa kwakamwa Lesa, walengejile jimo bwato bwa kupulukilamo ba mukisemi kyanji ne aye mwine. Mo mo bazhachishiwe ba pano pantanda, ne Nowa waikele ke nswanyi wa bololoke bwa mu lwitabilo.

Bahebelu 12:25

Jimukai kechi mukaane awa ubena kwimwambila ne. Mambo aba bakaine kumvwa awa wibajimwine pano pantanda kechi bapulukile ne. Kine ne atweba kechi tukapuluka nangwa pacheche ne, umvwe twamuvundamina awa witufunda uji mwiulu!

Bahebelu 13:10

Atweba tuji na kyakusokelapo bitapisho kyo baabula luusa lwa kujako bengila mwingilo wa mutente wazhila.

Bahebelu 9:9

Kino kyajinga kifwanyikizho kya kino kimye kya katataka. Mwayila kuno kunengezha, bya bupe ne bitapisho bya lambwilwenga na bang'anga, kechi bya koshenshe kutokesha muchima wa yewa upopwela ne,

Lumwekesho 15:5

Pakupita bibye namwene nzubo yazhila ya tente wa lushimuno yashinkwilwe mwiulu.