Bahebelu 8:3 - KNTP

³ Mambo yense ng'anga mukatampe utongolwa amba alambule bya bupe ne bitapisho; onkao mambo kyamufwainwa ne uno ng'anga amba ekale na kyakulambula.

Bahebelu 8:3 Iomraidhean Croise

Yoano 6:51

Amiwa ne kajo komi kafuma mwiulu, inge muntu waja ku ko kano kajo ukekalanga na bumi myaka. Kabiji ne aka kajo ko nkapana amiwa ye mubiji wami, ye nkapana namba ba pano pantanda bekale na bumi.”

Loma 4:25

Ye wasolwelwe pa mambo etu, kabiji ne kusangulwa na mambo a kubingishiwa kwetu.

Loma 5:6

Mambo byo twakijinga banekena, mu kimye kyafwainwa Kilishitu wibafwijile babula kwakamwa Lesa.

Loma 5:8

Bino aye Lesa witumwesha butemwe bwanji mwine bo etutemwa, mambo byo twakijinga bandengamambo, Kilishitu witufwijile.

Ngalatiya 2:20

kabiji amiwa kechi nakiikala na bumi ne, kana Kilishitu ye waikala na bumi mwi amiwa. Kabiji ne abwa bumi bonaikala naabo pano mu mubiji, naikala naabo monka mu lwitabilo lwa mu Mwana Lesa, yenkaye wantemenwe ne kwipana mwine na mambo a amiwa.

Efisesa 5:2

Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

Titusa 2:14

Ye wipaine mwine pe atweba mu kwitukuula ku bubi bonse, ne kwitokeshesha aye mwine bantu banji mwine, bamukoyo mu kwingila mingilo yawama.

Bahebelu 2:17

Onkao mambo kyamufwainwe aye apashang'ane na balongo banji mu byonse, pakuba amba akekale ke ng'anga mukatampe wa lusa ne wakishinka mu bintu bya kwa Lesa, mu kufuchila mambo a bantu.

Bahebelu 3:1

Onkao mambo, anweba bakwetu bazhijikwa, bakutambulako pamo ku lwito lwa mwiulu kwi Lesa! Mulangulukai Yesu, aye mutumwa ne ng'anga mukatampe wa lwitabilo lo twaitabila.

Bahebelu 5:1

Mambo yense ng'anga mukatampe byo apatulwa mu bantu watongwelwa kwimenako bantu mu bintu bya kwa Lesa, amba alambule bya bupe ne bitapisho bya bubi.

Bahebelu 7:27

Aye kechi kyamufwainwa kulambula bitapisho pa juba pa juba, patanshi kya na mambo a bubi bwanji mwine, kabiji ne na mambo a bubi bwa bantu pamo nobe aba bang'anga bakatampe bakwabo ne. Mambo kino wikyubile jimotu kwapwa, byo elambwile mwine.

Bahebelu 8:4

Pano umvwe wajinga pano pantanda, aye inge kechi waikala ke ng'anga ne, mambo po baji bang'anga balambula bya bupe mwayila muzhilo.

Bahebelu 9:14

Nanchi mashi a Kilishitu yenka wilambwile mwine kwi Lesa mu Mupashi wa myaka kasa abula bulema akakijishamo kwiitokesha michima yetu ku mingilo ifu amba tumwingijile Lesa mumi.