Bahebelu 7:6 - KNTP

⁶ Pakuba uno Melekizedeke wabujile kusemwa mu kisaka kya bena Levi watambwile bifikizha mu bujikumi kufuma kwi Abulahama ne kumupesha, aye wajinga na milaye.

Bahebelu 7:6 Iomraidhean Croise

Byubilo 3:25

Anweba mwi baana ba bangauzhi, kabiji mwi baana bamu lulayang'ano loalayang'ene naabo Lesa bashakulu benu, byo a mwambijile Abulahama amba, mu lukunwa wobe mikoka yonse ya pano pantanda ikamwenamo bibusa.

Loma 4:13

Mambo awa mulaye, ye balayile Abulahama ne ba munkunwa yanji amba ukekala nswanyi wa pano pantanda, kechi walaijilwe mu Mizhilo ne, walaijilwe mu bololoke bwa mu lwitabilo.

Loma 9:4

Abo bo bantu ba Lesa bu bwana bo bwabo, ne lukumo, ne Milaye ne kupana kwa Mizhilo, ne mingilo ya ku nzubo ya Lesa, ne malayang'ano, byonse byo byabo;

Ngalatiya 3:16

Bino kwi Abulahama ne ku lukunwa wanji ko kwalayilwe milaye. Kechi wa amba amba “Ku nkunwa”, nobe yavula ne poso umo amba, “Kabiji ku lukunwa wobe”, awa ye Kilishitu.

Bahebelu 11:13

Bano bonse bafwijile mu lwitabilo. Kechi batambwile bintu byalayilwe ne, bino bebimwenetu ne kwi bisekelela kasa baji kwalepa, ne kwitaba amba bo benyi kabiji bo bakang'enda pano pantanda.

Bahebelu 11:17

Ko ku lwitabilo ko alambwile Abulahama Izaka pa kwesekwa, kine yenkaye watambwile milaye washi akalambule mwananji yenkawa umo ye asemene.

Bahebelu 7:1

Mambo uno Melekizedeke wajinga mfumu wa Salema, ng'anga wa Lesa Mwine Wakila. Wasambakene ne Abulahama byo abwelelenga kufuma ko akatapile ba mfumu ne kumupesha,

Bahebelu 7:7

Kwa kubula kuzhinauka, mucheche ye upeshiwa ku mukatampe.