Bahebelu 7:16 - KNTP

¹⁶ Wapewa bung'anga, kechi mwayila Mizhilo ya mikambizho ya ku buntunshi ne, poso mwayila bulume bwa bumi bubula kupwa.

Bahebelu 7:16 Iomraidhean Croise

Loma 7:14

Mambo twayuka namba, Mizhilo yoya bumupashi; pakuba amiwa nakikaswa ku bya buntunshi, napotwa ne kunonkwa ku bundengamambo.

Ngalatiya 4:3

Po pamo ne atweba byo twakijinga banyike, twajinga mu buzha bwa mu bya bwanyike bya pano pantanda.

Ngalatiya 4:9

Pakuba pano byo mwamuyuka Lesa, nangwa amba byo mwayukanyikwa kwi Lesa, mwalulukile byepi jibiji ku bya bwanyike byabula buneme ne byatu, ne kusaka kwikala mu buzha bwabyo jibiji?

Kolose 2:14

Ne kwiazhimang'anya malayang'ano a byatongolwa etwimejile na kwitushinawina, kabiji wiangachilemo mu jishinda jetu byo e apopele pa musalabu.

Kolose 2:20

Byo mwafwile pamo ne Kilishitu ku bya bwanyike bya pano pantanda, mambo ka o mwakookela tumizhilo nobe mwi ba pano pantanda?

Bahebelu 10:1

Mambo Mizhilo byo iji na kimvule kya bintu byawama bikeya; kechi kine kipasha kya byobya bine bintu ne, kechi yakonsha kwibalumbulula nangwa pachechetu aba bafwenya kwipi na byonkabyo bitapisho, byo balambula moba onse pa mwaka pa mwaka ne.

Bahebelu 7:15

Kino kyamwekeshatu pakumweka ng'anga mukwabo mwayila kipasha kya Melekizedeke.

Bahebelu 7:17

Mambo kya mushimunwa amba, “Obewa wi ng'anga wa myaka, mwayila musango wa bung'anga bwa Melekizedeke.”

Bahebelu 7:21

Pakuba uno wapelwe bung'anga na luchipo kwi aye wa mwambijile amba, “Nkambo wachipa kabiji kechi ukaaluka ne. Obewa ukekala ng'anga wa myaka.”

Bahebelu 7:28

Mambo Mizhilo itongola bantutu banekena amba bekale bang'anga ba katampe, pakuba luchipo lwayishile panyuma ya Mizhilo lwatongwele Mwana, ye walumbululwa myaka yonse.

Bahebelu 7:3

Wabula kuyukanyikwa shanji nangwa inanji nangwa kisemi, wabulwa kuyukanyikwa kimye kya kusemwa kwanji nangwa kimye kya lufu lwanji. Wapashang'ana pamo na Mwana Lesa; ke ng'anga wa myaka ne myaka.

Bahebelu 9:14

Nanchi mashi a Kilishitu yenka wilambwile mwine kwi Lesa mu Mupashi wa myaka kasa abula bulema akakijishamo kwiitokesha michima yetu ku mingilo ifu amba tumwingijile Lesa mumi.

Lumwekesho 1:18

Ne wa bumi! Bino nafwiile, kabiji tala, ne mumi wa myaka ne myaka, kabiji nji na bakii ba lufu ne ba kalunga ka bafu.