Bahebelu 6:4 - KNTP

⁴ Mambo kechi kyakonsheka kwibabwezha amba balapile jibiji aba batambwile kala kyeya, ne kutompako ku kya bupe kya mwiulu, ne kutambulako Mupashi wa Wazhila;

Bahebelu 6:4 Iomraidhean Croise

Mateo 12:45

Ponkapo uya nakuletelapo bapashi bakwabo batanu na babiji bamukila mu kubipa, kabiji batwela ne kwikala monka. Ne bwikalo bwapelaako bwa yewa muntu bwakila butanshi mu kubipa. Byo byo kikekala ne kino kisemi kibi.”

Mateo 5:13

“Anweba mwi mukele waba pano pantanda. Kabiji umvwe mukele wa aluka ke wasamuka, ukamubwezha byepi mu bu mukele bwanji? Kechi wafwainwa kintu ne, kana kumutayatu pangye ne kunyantaulapo bantu.

Yoano 15:6

Inge muntu ne kwikala mwi amiwa ne, utaiwa nobe musampi, ne kuma wauma, kabiji beibungizha pamo, ne kwiitaya mu mujilo, ne kupya yapya.

Yoano 3:27

Kumvwa Yoano amba, “Muntu kechi wakonsha kutambula nangwa kimotu ne, poso wapewakyo kufuma mwiulu.

Yoano 4:10

Kumvwa Yesu amba, “Umvwe wajikuyuka akya kipana Lesa, ne aye ubena kukulomba amba, mpepo mema ntome inge wajikumulomba aye, aye naye inge wajikukupa mema a bumi.”

Yoano 6:32

Kabiji Yesu wibambijile amba, “Kine, kine, nemwambila namba, Mosesa kechi wimupele kajo kafuma mwiulu ne, pakuba bataata bapana kajo ka kine kafuma mwiulu.

Byubilo 10:45

Ne boba ba mu mukanda baitabila, bonse mobavujila baishile ne Petelo, bakuminye mambo Mupashi Wazhila waitulwilwe wa bupetu, ne pa Bangentila.

Byubilo 11:17

Byonkabyo umvwe aye Lesa wibapele kya bupetu kimotu kyonka kyoetupelepo ne atweba byo twamwitabijile Nkambo Yesu Kilishitu, amiwa yami ng'anyi, wakonsha kukanya Lesa!”

Byubilo 15:8

Kabiji aye Lesa, wayuka michima, washimuna kobaji, byo ebapele Mupashi Wazhila, byonka byo etupele atweba.

Byubilo 8:20

Bino Petelo wamwambijile amba, “Mali obe onaike ne obewa mwine pamo, mambo obewa walanguluka amba, wakonsha kutambula kya bupetu kya Lesa na mali.

Loma 1:11

Mambo nasakishatu kwimumona, namba nemupe kya bupe kya bumupashi kya kwimukosesha.

2 kolinda 4:4

Mwi abo lesa wa pano pantanda wiipofula michima ya babula kwitabila kuchiina amba, bakamona kyeya kya Mambo Awama a lukumo lwa Kilishitu, aye kipasha kya Lesa.

2 kolinda 4:6

Mambo yenkaye Lesa wa ambile amba, “Kyeya kisamine mu mfishi!” Ye wasaamijile mu michima yetu, mu kupana kyeya kya maana a kuyuka lukumo lwa Lesa lwa mu kilungi kya Yesu Kilishitu.

Ngalatiya 3:2

Kyonka kino kyo kyo nasaka kumvwa kwi anweba namba, mwatambwile Mupashi mu mingilo ya Mizhilo nyi, Inyi mu kwitabila mambo?

Ngalatiya 3:5

Byonkabyo awa upana Mupashi kwi anweba, ne kwingila mingilo ya bulume mukachi kenu, nanchi wikyuba mu mingilo ya Mizhilo nyi, inyi mu kwitabila mambo?

Efisesa 1:18

Meso a michima yenu alabe, muyuke mwayila luketekelo lwa lwito lwanji, ne mwayila bunonshi bwa lukumo lwa buswanyi bwanji bwa mu bazhijikwa.

Efisesa 2:8

Mambo ko ku bupe ko mwapulukila monka mu lwitabilo. Kabiji kechi kyo kintu kyafuma kwi anweba bene ne, kyokya kupanatu aye Lesa.

Efisesa 3:7

O napelwe amba, ngikale wa kwiengijila, monka mwayila akya kyo a panatu Lesa mu bupe bwanji, kyo ampele amiwa monka mwayila kwingila kwa bulume bwanji.

Efisesa 4:7

Atweba bonse pa muntu pa muntu, twapewa bupe monka mwayila kipimo kya bupetu kya Kilishitu.

1 Timoti 4:14

Akya kya bupe kiji mwi obewa kyo wapelwe na bungauzhi byo wabikilwe maboko ku bakulumpe, kechi wikilekelele ne.

2 Timoti 2:25

mu bukimote kasa ebolola aba bamulengulula, amba apo kampe Lesa ukebapa lulapilo luleeta maana a kuyukisha bya bukine.

2 Timoti 4:14

Alekasanda sendwe wa mukuba wangubile byatama byavula; Nkambo ukamufweta monka mwayila mingilo yanji.

Bahebelu 10:32

Bino vulukai oa moba atanshi, byo mwatambwile kyeya, mu oa moba mwatekenye ne kukosa mu nkondo ikatampe ya bya kumanama.

Bahebelu 2:4

Lesa naye kasa ashimuna naabo na biyukilo ne bya kukumya ne bya bulume bya misango ne misango ne kupana bya bupe bya Mupashi wa Wazhila monka mwayila kyaswa muchima wanji mwine.

1 Yoano 5:16

Umvwe umo wamona mulongo wanji kasa alenga mambo abula kuleeta lufu ukalomba, ne aye Lesa ukamupa bumi bwa abo balenga mambo abula kuleeta lufu. Bino koaji mambo aleeta lufu. Kechi oo naamba namba, akalombe ne.