Bahebelu 5:9 - KNTP

⁹ Kabiji byo alumbulwilwe, waalukile ke mwine wa lupulukilo lwa myaka ku bonse bamukookela.

Bahebelu 5:9 Iomraidhean Croise

Mateo 17:5

Byo akyambilenga, ponkapo jikumbi jibembela jibazhikile, kabiji mu jikumbi mwafumine jiwi ja ambile amba, “Uno ye Mwanami ye natemwa, monamwena lusekelo, mukookelai aye!”

Luka 13:32

Ne aye wibakumbwile amba, “Yainga mukamubuule awa lubwala amba, ‘Talai, amiwa mbena kupangamo bademona ne kubuka leelo ne keesha, ne kupwisha mu juba ja busatu.

Yoano 19:30

Ponkapo Yesu, byo atambwile binyu byasasa, wa ambile amba, “Kyapwa!” Wanyengekele mutwe wanji ne kuleka ku mweo.

Byubilo 3:15

ne kwipaya mwaipayile Upana bumi, ye asangwile Lesa mu bafu, ne atweba twi batumonyi banji.

Byubilo 4:12

“Kabiji lupulukilo lujitu monka mwi aye, pakuba kechi paji jizhina jikwabo muno munshi japewa mu bantu jo twafwainwa kupulukilamo ne.”

Byubilo 5:32

Ne atweba twi batumonyi ba byo bino byambo, ne Mupashi Wazhila naye pamo, ye apana Lesa ku bamukokela.”

Loma 1:5

Kupichila mwi aye mo mo twatambwijile bupe ne butumwa, amba ba mu mikoka yonse ya bantu bakookele byambo bya lwitabilo na mambo a jizhina janji.

Loma 10:16

Bino bonse kechi bakookela Mambo Awama ne. Mambo Isaya wa amba amba, “Nkambo, ng'anyi waitaba kusapwila kwetu?”

Loma 15:18

Mambo amiwa kechi nkonshe kwamba bintu bikwabo ne, kana byonka byaingijilenga Kilishitu mwi amiwa mukuleeta lukookelo mu Bangentila, mu byambo ne mu byubilo,

Loma 2:8

Pakuba aba boba mwayila bisaka michima yabo abo bene ne balengulula bya bukine, ne kukookela bya bumbulwa koloka, kukekala bukaji ne lukabisho.

Loma 6:17

Bino sante ekale kwi Lesa! Mambo anweba nangwa mwajinga bazha ba bundengamambo pano mwakookela na muchima yense awa musango wa lufunjisho lo mwatambwile.

2 kolinda 10:5

mambo tukundula milanguluko ingi, ne byonse byalepa byaimikwa mu kukanya maana a Lesa, kasa tuleeta milanguluko yonse mu buzha bwa kukookela Kilishitu.

Filipai 2:12

Byonkabyo, anweba batemwe bami, byonka byo mwankookejilenga moba onse, ne pano munkookele byonji kungi, twajijilai kwingila na moyo ne kuzakama mulumbulule lupulukilo lwenu,

2 Tesalonika 1:8

mu mujilo uteema, kasa ashinkanya naabo babula kukookela Mambo Awama a Nkambo yetu Yesu.

2 Tesalonika 2:16

Pano aye mwine Nkambo yetu Yesu Kilishitu ne Lesa Taata wetu, aye witutemenwe ne kwitupa kya kwitukosesha kya myaka ne luketekelo lwawama monka mu bupe bwanji,

2 Timoti 2:10

Onkao mambo o nebikosela byonse pa mambo a basalululwa, namba ne abo nabo batambule lupulukilo luji mwi Kilishitu Yesu ne lukumo lwa myaka pamo.

Bahebelu 1:14

Abo bonse kechi bo bapashi bengila mingilo nenyi? Batumwa mu kwibengijila mingilo aba bakaswana lupulukilo.

Bahebelu 11:40

mambo Lesa witumwena atweba kyakila mu kuwama, amba abo pakubula atweba kechi balumbululwe ne.

Bahebelu 11:8

Ko ku lwitabilo Abulahama, byo aichilwe wakookejile kuya ku ntanda ingi yo akatambula ke buswanyi bwanji. Kabiji wayile kasa abula kuyuka ko abena kuya.

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

Bahebelu 2:10

Mambo kyamufwainwe aye Lesa, mulenga ne kalama wa bintu byonse, pakusaka kwibaleeta baana bavula mu lukumo, kumulumbulula ntangi wa lupulukilo lwabo na bya kumanama.

Bahebelu 2:3

Atweba tukapuluka byepi, umvwe twabula kutaako muchima ku luno lupulukilo lukatampe luji byonka bino? Lwa ambilwe patanshi kwi Nkambo, kabiji betulumbulwijile atweba kwi boba bamumvwine.

Bahebelu 9:12

Aye watwelele jimo jonka kikupu amwa Mwazhijisha kechi na mashi a bambuzhi ne a twana twa ng'ombe ne, poso na mashi anji mwine, ne kwitumwena bukuuzhi bwa myaka.

Bahebelu 9:15

Onkao mambo aye ye ng'ambi waleeta lulayang'ano lupya amba, abo baitwa batambule bonkabwa buswanyi bwa myaka bwalayilwe. Mambo lufu lwamweka lwa kwibakuula ku mizhilulwila yo bazhilulwile mu lulayang'ano lutanshi.

Bahebelu 9:28

Byonkabyo Kilishitu naye walambwilwe jimo jonka mu kusenda mambo a bavula. Ukamweka jibiji kechi na mambo a bundengamambo ne, poso na kuleeta lupulukilo kuboba babena kumutengela.

1 Petelo 1:22

Byo mwatokesha michima yenu na kukookela bya bukine ne kumwenamo butemwe bwa kine bwa kutemwa balongo, kasa mwitemwa anweba bene na bene na muchima watoka too.

1 Yoano 5:20

Kabiji twayuka namba Mwana Lesa waiya kabiji witupa maana a kumuyuka Aye wa kine, ne atweba tuji mwi Aye wa kine, monka mwi aye Mwananji Yesu Kilishitu. Uno ye Lesa wa kine, kabiji buno bo bumi bwa myaka.

Yuda 1:21

ne kwilama monka mu butemwe bwa Lesa, byo mubena kutengela lusa lwa Nkambo yetu Yesu Kilishitu bwa kwimupa bumi bwa myaka.