Bahebelu 5:1 - KNTP

¹ Mambo yense ng'anga mukatampe byo apatulwa mu bantu watongwelwa kwimenako bantu mu bintu bya kwa Lesa, amba alambule bya bupe ne bitapisho bya bubi.

Bahebelu 5:1 Iomraidhean Croise

Loma 15:17

Onkao mambo nji na bya kwitotela mwi Kilishitu Yesu mu mwingilo wami wa ku mwingijila Lesa.

1 Kolinda 15:3

Amiwa natambwile byakila mu buneme ne kwibifikizha kwi anweba, namba Kilishitu witufwijile na mambo etu monka mwayila binembelo;

Bahebelu 10:11

Kabiji bang'anga bonse bemana pa juba, pa juba kasa bengila na kulambula javula bitapisho bimo byonka byabula kukonsha kufumya bubi nangwa pachechetu ne.

Bahebelu 10:12

Bino Kilishitu byo alambwile kitapisho kimo kyonka kya bubi kya myaka, waikajile ku kilujo kya Lesa.

Bahebelu 11:4

Ko ku lwitabilo ko alambwile Abela kwi Lesa kitapisho kyalumbuluka kyakila kya kwa Kaina mu kuwama, momo ashimwijilwe amba waoloka, Lesa naye washimwine na mambo a bya bupe byanji. Kabiji ne pano ukyamba nangwa wafwa na mambo a lwitabilo lwanji.

Bahebelu 2:17

Onkao mambo kyamufwainwe aye apashang'ane na balongo banji mu byonse, pakuba amba akekale ke ng'anga mukatampe wa lusa ne wakishinka mu bintu bya kwa Lesa, mu kufuchila mambo a bantu.

Bahebelu 7:27

Aye kechi kyamufwainwa kulambula bitapisho pa juba pa juba, patanshi kya na mambo a bubi bwanji mwine, kabiji ne na mambo a bubi bwa bantu pamo nobe aba bang'anga bakatampe bakwabo ne. Mambo kino wikyubile jimotu kwapwa, byo elambwile mwine.

Bahebelu 8:3

Mambo yense ng'anga mukatampe utongolwa amba alambule bya bupe ne bitapisho; onkao mambo kyamufwainwa ne uno ng'anga amba ekale na kyakulambula.

Bahebelu 8:4

Pano umvwe wajinga pano pantanda, aye inge kechi waikala ke ng'anga ne, mambo po baji bang'anga balambula bya bupe mwayila muzhilo.

Bahebelu 9:9

Kino kyajinga kifwanyikizho kya kino kimye kya katataka. Mwayila kuno kunengezha, bya bupe ne bitapisho bya lambwilwenga na bang'anga, kechi bya koshenshe kutokesha muchima wa yewa upopwela ne,