Bahebelu 4:12 - KNTP

¹² Pakuba mambo a Lesa o omi ne kwingila engila, atwisha kukila mapoko onse atwa kubiji, kabiji asaba kufika ne kukwabanya kwa muchima ne mupashi, ne kwa manungi ne mikolokofwa, kabiji alondalonda ne kupima milanguluko ya mumuchima ne mo yayila.

Bahebelu 4:12 Iomraidhean Croise

Luka 8:11

“Pano kishimpi kyo kyo kino, nkunwa o mambo a Lesa.

Yoano 12:48

Awa wankana amiwa, ne kutambula byambo byami ne, ye uji na wa kumuzhachisha. Mambo ona ambile o aka muzhachisha mu juba jikapelaako!

Yoano 6:51

Amiwa ne kajo komi kafuma mwiulu, inge muntu waja ku ko kano kajo ukekalanga na bumi myaka. Kabiji ne aka kajo ko nkapana amiwa ye mubiji wami, ye nkapana namba ba pano pantanda bekale na bumi.”

Byubilo 2:37

Ponkapo byo ba umvwine bino, ne michima ibapiile munda, ne kwambila Petelo ne batumwa bakwabo amba, “Anweba bakwetu, tube byepi?”

Byubilo 4:31

Ponkapo byo balombele, ne momwa mobapwijile mwasunkene, ne bonse bayujile na Mupashi Wazhila, ke bambetu mambo a Lesa na kuchinchika.

Byubilo 5:33

Kabiji abo, pakumvwa bino, bibazhingijishe bingi, ke basake kwibepaya.

Byubilo 7:38

Uno ye yewa wajinga na kipwilo kya mungye na malaika, yenkawa wisambile nanji ku mutumba wa Sinai. Wajinga na bashakulu betu. Ye watambwile byambo bya bumi bya kwitupa atweba.”

Loma 1:16

Mambo amiwa kechi neobila bumvu Mambo Awama ne; mambo bo bulume bwa Lesa buleta lupulukilo ku bonse baitabila, kutatwila ku Bayudea kabiji ne ku Bagiliki nabo pamo.

1 Kolinda 1:24

pakuba kwi abo baitwa, nangwa Bayudea nangwa Bagiliki, Kilishitu bo bulume bwa Lesa ne maana a Lesa.

2 kolinda 2:17

Mambo atweba kechi tuji pamo na bamo bavula basulwisha mambo a Lesa amba bamwenemo ne, pakuba atweba twambila mwi Kilishitu konka ku meso a Lesa byambo bibafwainwa bakishinka ne baatumwa kwi Lesa.

2 kolinda 4:2

Kabiji twakana bintu byafyamika bya bumvu, kechi twenda mu bujimuku ne, nangwa kukwata mambo a Lesa na bujimbijimbi ne. Kabiji pa kusolola bya bukine patoka, twilumbulula ku michima ya bantu bonse ku meso a Lesa.

Efisesa 5:13

Kabiji bintu byonse pa kulengululwa bisololwa patoka na kyeya,

Efisesa 5:26

Amba ekizhijike, byo ekitokesha pa kwikyovwa na mema a mu byambo,

Efisesa 6:17

Kabiji mutambule kya kulama mutwe kya lupulukilo, ne mpoko ya kwa aye Mupashi, o mambo a Lesa.

Tesalonika 2:13

Kabiji na mambo a ano mambo o nsanchila kwi Lesa kwakubula kuzhikilwa. Mambo byo mwatambwile kwi amiwa mambo a Lesa, kechi mwiatambwile nobe mambo a bantu ne, poso byonka byo aji kine mambo a Lesa. Kabiji oengila mwi anweba baitabila.

Tesalonika 5:23

Pano aye Lesa wa mutende, yenkaye mwine, emuzhijiketu, kabiji mipashi yenu ne michima yenu ne mibiji yenu yonse ilamwe na kubulwa mambo ne byo akabwela Nkambo yetu Yesu Kilishitu.

Bahebelu 13:7

Vulukai bajinga ba ntangi benu, bemusapwijile mambo a Lesa. Langulukai kumpelo ya bwikalo bwabo, ne kulonda lwitabilo lwabo.

Bahebelu 6:5

ne kutompako ku buwame bwa mambo a Lesa ne ku bulume bwa myaka ikeya.

Yakoba 1:18

Aye witusemene kupichila mu mambo a bukine, monka mu kyaswa muchima wanji mwine amba, twikale ke bipangwa bintanshi pa bilengwa byanji.

1 Petelo 1:23

Byo mwasemwa jibiji, kechi ku lukunwa ubola ne, poso ku ubula kubola, monka mu mambo a Lesa, aji na bumi myaka ne myaka.

Lumwekesho 1:16

Kabiji mu kuboko kwanji kwa kilujo mwajinga tubangabanga tutanu na tubiji, ne mu kanwa kanji mwalupukile mpoko yatwa kubiji, ne kilungi kyanji kyaubile nobe juba jasaama mubulume bwajo.

Lumwekesho 19:15

Kabiji monka mu kanwa kanji mwalupukile mpoko yatwa, amba epayeko mikoka ya bantu. Kabiji ukebalama na kamama ka kapotwe, kabiji ye ukanyantaula mu kya kufiinamo binyu bya bukaji bwakatazha bwa Lesa wa bulume bonse.

Lumwekesho 19:21

Kabiji bakwabo baipayilwe ku mpoko ya yewa waikajile pa mbili, yonkaya yalupukile mu kanwa kanji, ne ba ng'onyi bonse baikuchile na nyama yabo.

Lumwekesho 2:16

Onkao mambo pano lapila! Inge ne, nkeya bukiji ko uji, kabiji nkalwa naabo na mpoko ya mu kanwa kami.”

Lumwekesho 2:23

Kabiji baana banji nkebepaya, ne bipwilo byonse bikayuka byo nji ukebakeba byonse byafyamika mu milanguluko ne mu michima. Kabiji nkemupa bonse monka mwayila mingilo yenu.

Lumwekesho 20:4

Kabiji namwene matanda, ne baikajilepo bo bapele luusa lwa kuchiba mambo. Kabiji namwene myeo ya boba batapilwe na mambo a bukamonyi bwa Yesu, ne na mambo a mambo a Lesa. Ne abo babujile kupopwela awa lukinyama, nangwa kipashang'ano kyanji, ne kutambula kayukilo pa kilungi nangwa pa kuboko ne. Baikajile na bumi jibiji ne kwikala na bufumu pamo ne Kilishitu myaka 1,000.