Bahebelu 4:11 - KNTP

¹¹ Onkao mambo tuteshekotu muchima amba tutwele muyoya ntanda ya kukokolokelamo, kuchiina amba nangwa muntu umo wakaponena mumusango umo wamilengulwila.

Bahebelu 4:11 Iomraidhean Croise

Mateo 11:12

Kabiji kufuma ku moba a Yoano Mubatishi ne kufika ku jino juba, bufumu bwa mwiulu bebubila mukoyo, ne bantu bamukoyo bebutambula na lupata.

Mateo 7:13

“Twelai pa kibelo kyakepa; mambo kibelo kyabaya ne jishinda jabaya japeela kwendamo bitwala ku lonaiko, ne batwelamo bo bavula.

Luka 13:24

“Kosakanai mutwele pa kibelo kyakepa. Mambo bavula, nemwambila namba bakasaka kutwela bino kechi bakakonsha ne.

Luka 16:16

“Mizhilo ne bangauzhi bajingako kufika ne kimye kya kwa Yoano, kufuma ku kyo kyo kimye Mambo Awama a bufumu bwa Lesa abena kusapwilwa, ne bonse babena kutwela monka na mukoyo.

Yoano 6:27

Kechi mwingijile kajo konaika ne, pakuba ingijilai kajo kakelwa ne ku bumi bwa myaka ko akemupa Mwana Muntu. Mambo aye bamubikile kayukilo kwi Shanji, yenka Lesa.”

Byubilo 26:19

“Onkao mambo, anweba Mfumu Agilipa, kechi nalengulwile kimwesho kyafumine mwiulu ne.

Efisesa 2:2

Mo mwaendelenga kala monka mwayila musango wa pano pantanda, monka mo asakila mfumu wa baluusa lwa mu mwela, ye mupashi wingila ne pano mu baana bamilengulwila.

Efisesa 5:6

Kechi muleke muntu emujimbaike na byambo byatu ne, mambo na mambo a byonka bino bintu bukaji bwa Lesa bukebafikila bantu bamilengulwila.

Filipai 2:12

Byonkabyo, anweba batemwe bami, byonka byo mwankookejilenga moba onse, ne pano munkookele byonji kungi, twajijilai kwingila na moyo ne kuzakama mulumbulule lupulukilo lwenu,

Kolose 3:6

Na mambo a bino bintu bukaji bwa Lesa bubena kwiya pa bantu bamilengulwila.

Titusa 1:16

Abo bamba amba, Lesa twamuyuka, bino mu mingilo yabo bamukana, byo baji batamishatu, ne bamilengulwila, ne mingilo yonse yawama kechi ibafwainwa ne.

Titusa 3:3

Mambo ne atweba kala twajinga babula maana, bamilengulwila, bajimbaikwa, kasa twanonkwa buzha ku bya lwiso ne ku bya lusangajiko bya misango ne misango, kasa twaikala mubushikwe ne mu kikonkoma. Betushikilwe kabiji twishikilwe ne atweba bene na bene.

Bahebelu 3:12

Anweba bakwetu jimukai, kuchiina amba mwi anweba mwakekala nangwa mu umo uji na muchima mubi wamilengulwila, wa kupondoka kwi Lesa mumi.

Bahebelu 3:18

Kabiji kwi bang'anyi koachipile amba “Kechi bakatwela mwa kukokolekela mwami ne”? Ke bonkaba bajinga ba milengulwila.

Bahebelu 4:6

Byonkabyo kwi boba bobasapwijile kala Mambo Awama bakankelwe kutwelamo na mambo amilengulwila. Onkao mambo bamo bakwabo bakonsha kutwela monka.

Bahebelu 6:11

Kabiji twasaka namba anweba bonse pa muntu pa muntu mumweshe lonkalwa lupata lumo mulumbulule luketekelo lwenu kufika ne kumpelo.

2 Petelo 2:6

Kabiji byo aalwile mizhi ya Sodoma ne Gomola ke buto tu, wiizhachishe na lonaiko, ne kwiyalula ke ya kumwenako abo bakekala mu bumbulwa kwakamwa Lesa.