Bahebelu 4:10 - KNTP

¹⁰ Mambo aye watwela mutanda ya kukokolokelamo ya kwa Lesa, ye wakokoloka ku mingilo yanji byonka byo akokolokele Lesa ku mingilo yanji.

Bahebelu 4:10 Iomraidhean Croise

Yoano 19:30

Ponkapo Yesu, byo atambwile binyu byasasa, wa ambile amba, “Kyapwa!” Wanyengekele mutwe wanji ne kuleka ku mweo.

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

Bahebelu 10:12

Bino Kilishitu byo alambwile kitapisho kimo kyonka kya bubi kya myaka, waikajile ku kilujo kya Lesa.

Bahebelu 4:9

Byonkabyo kukokoloka kwa Sabado kwibashajila bantu ba Lesa.

Lumwekesho 14:13

Kabiji naumvwine jiwi kufuma mwiulu amba, “Nemba amba, batokwa bafu bafwila mwi Nkambo kufuma ku jino juba ja lelo!” Ne aye Mupashi wa ambile amba, “Ee kine, bakakokoloke ku mingilo yabo yakosa, mambo byubilo byabo bibalondela.”

Lumwekesho 6:11

Ponkapo bebapele bonse bivwalo bitoka, kabiji bebambijile amba, mukikokoloke kakimye, poso nambala ikafikile ya bakwenu ba mu mwingilo ne balongo benu bakepayiwe pamo nobe anweba.