Bahebelu 3:6 - KNTP

⁶ Bino Kilishitu ye wakishinka pa nzubo yanji byo aji Mwana. Kabiji atweba twi nzubo ya Lesa inge kine twakwachisha kuchinchika kwetu ne kwitotela mu luketekelo lwetu.

Bahebelu 3:6 Iomraidhean Croise

Mateo 10:22

Kabiji bakemushikwa ku bantu bonse pa jizhina jami. Bino awa ukakoselamo kufika ne kumpelo, ye ukapuluka.

Mateo 16:18

Ne amiwa namba, anweba mwi ba Petelo, kabiji pa jonka jino jibwe po nkatunga kipwilo kyami, ne binzhilo bya kalunga kechi bikekishinda ne.

Mateo 24:13

Bino awa ukakoselamo kufika ne kumpelo ye ukapuluka.

Loma 11:22

Nanchi akitala ku lusa ne ku kushinta kwa Lesa. Kwi boba baponene, kushinta kwamwekele; pakuba kwi obewa lusa lwa Lesa lolwamweka, umvwe ukelwe mu lusa lwanji. Umvwe ne, ne obewa baka kuchibako.

Loma 12:12

Sekelai mu luketekelo, tekanyai mu bya malwa, kasa mukelwa mu milombelo.

Loma 15:13

Kabiji aye Lesa nsulo ya luketekelo, emuyuzhe na lusekelo lonse ne mutende pa kwitabila, amba luketekelo lwenu luyenga na kukomenako, monka mu bulume bwa Mupashi Wazhila.

Loma 5:2

Monka mwi aye mo motwatwelejile mu buno bupe bo twaimanamo konka ku lwitabilo, kabiji twasekela mu luketekelo lwa lukumo lwa Lesa!

1 Kolinda 3:16

Nanchi kechi mwayuka amba, mwi nzubo ya Lesa kabiji Mupashi wa Lesa waikala mwi anweba nenyi?

1 Kolinda 6:19

Nanchi kechi mwayuka amba, mibiji yenu yo nzubo yazhila ya Mupashi Wazhila, uji mwi anweba ye mwatambula kwi Lesa nenyi? Kechi mwinonka anweba bene ne;

2 kolinda 6:16

Kabiji nzubo yazhila ya Lesa iswang'ane byepi na bankishi? Mambo atweba twi nzubo yazhila ya Lesa mumi! Monka mwa ambijile Lesa amba, “Amiwa nkekala mwi abo, ne kwenda mwi abo. Kabiji nkekala ke Lesa wabo, ne abo nabo bakekala ke bantu bami.”

Ngalatiya 6:10

Byonkabyo kabiji umvwe tuji na mwakuubila, twibobile bantu bonse byawama, pakuba bene bene bonka bakwetu ba mukisemi kya lwitabilo.

Ngalatiya 6:9

Kabiji kechi tukooke mukuuba byawama ne. Mambo mu kimye kyafwainwa tukanowa umvwe ne kukooka ne.

Efisesa 3:12

Mwi aye motuchinchikila kabiji motutwelela na luketekelo na mambo a lwitabilo lwetu lwa mwi aye.

Kolose 1:23

Umvwe kine mukelwe mu lwitabilo, ne kwikajikwa pa kosa ne kushikamatu ponka, ne kubula kufumapo pa luketekelo lwa Mambo Awama o mwaumvwine. O asapwijilwe mu bantu bonse ba pano panshi. O naikajile ke wa kwiengijila amiwa Paulo.

Tesalonika 5:16

Sekelai moba onse,

2 Tesalonika 2:16

Pano aye mwine Nkambo yetu Yesu Kilishitu ne Lesa Taata wetu, aye witutemenwe ne kwitupa kya kwitukosesha kya myaka ne luketekelo lwawama monka mu bupe bwanji,

1 Timoti 3:15

Namba umvwe nabanda, uyuke mwafwainwa kwikeela bantu munzubo ya Lesa, kyo kipwilo kya Lesa mumi, jo jipanda ne jikonka ja bukine.

Bahebelu 1:2

pakuba mu ano moba apelaako wa amba kwi atweba kupichila mu Mwananji. Yeatongwele amba ekale nswanyi wa byonse, kabiji mo mwi aye mo alengejile ntanda.

Bahebelu 10:19

Onkao mambo anweba bakwetu byo twafwainwa kutwela na kuchinchika amwa mwazhila na mashi a Yesu,

Bahebelu 10:21

Ne byo tuji na ng'anga mukatampe wa luusa lwa pa nzubo ya Lesa.

Bahebelu 10:23

Tukwachishe ku kwisolola kwa luketekelo lwetu kwa kubula kutelengela, mambo aye walayile ye wakishinka.

Bahebelu 10:35

Onkao mambo kechi mutaye kuchinchika kwenu ne, mambo kuji na mfweto ikatampe.

Bahebelu 11:1

Kabiji lwitabilo lo luketekelo lwa kine, amba abya byo twaketekela kumona bikamwekana, ko kuswa ne kwitaba kwa kubula kuzhinauka amba abya bibula kumwekana kine ko biji.

Bahebelu 3:14

Mambo atweba twaikala ke ba kushilang'ana nanji pamo Kilishitu, umvwve twalama bulongo ntendekelo ya luketekelo lwetu kasa twakoselamo kufika ne kumpelo.

Bahebelu 4:11

Onkao mambo tuteshekotu muchima amba tutwele muyoya ntanda ya kukokolokelamo, kuchiina amba nangwa muntu umo wakaponena mumusango umo wamilengulwila.

Bahebelu 4:14

Byo tuji na Ng'anga mwine mukatampe watwelele mwiulu, Yesu Mwana Lesa, tukwachishetu ku kwitabila kwetu.

Bahebelu 4:16

Onkao mambo nanchi tufwenye kwipi konka ku jitanda ja bupe kasa twachinchika. Amba tutambule lusa ne kumona bupe bwa kwitukwasha mu kimye kya kupelelwa kwetu.

Bahebelu 6:11

Kabiji twasaka namba anweba bonse pa muntu pa muntu mumweshe lonkalwa lupata lumo mulumbulule luketekelo lwenu kufika ne kumpelo.

Bahebelu 6:18

Nanchi kuji bintu bibiji bibula kwaluka, mo abujila kuyuka Lesa kubepa. Atweba twanyemena mwa kupulukila twafwainwa kwikala na lutundaiko lwakosa ne kukwachisha ku luketekelo lwitutujilwa kumeso etu.

Bahebelu 7:19

Mambo Mizhilo kechi ya lengejile kintu nangwa kimo kwikala ke kyalumbuluka ne. Bino pano kwasoloka luketekelo lwakila mu kuwama lo tufwenyenyamo kwipi na Lesa.

1 Petelo 1:8

Ye mwatemwa nangwa kechi mwamumwenepo ne. Kabiji aye nangwa pa kino kimye kechi mubena kumumona ne mwa mwitabila, ne kusekela mwasekela pakatampe na lusekelo lwa kubula kukonsha mwa kwilulumbulwila lwayuula lukumo,

1 Petelo 2:5

Kabiji ne anweba pamo nobe mabwe omi, mubena kushimikwa ke nzubo ya bumupashi amba, mwikale bung'anga bwazhila, bwa kulambula bitapisho bya bumupashi, byaitabilwa kwi Lesa mwi Yesu Kilishitu.

1 Petelo 4:17

Mambo kimye kyafika amba, bunchiba mambo butatwile ku nzubo ya Lesa. Kabiji umvwe butatwile patanshi kuji atweba, pakuba mpelo ya boba babula kukookela Mambo Awama a Lesa ikekala ke ya byepi?

Lumwekesho 2:18

“Kabiji kwi aye malaika wa mu kipwilo kya mu Tiyatila unembe amba; “Aye Mwana Lesa, ye uji na meso auba nobe lubeebe lwa mujilo, ne maulu anji auba nobe lubemba ye batubula, wa amba bino amba,

Lumwekesho 2:25

Byonkabyo, akya kyo muji naakyo, kikwachishai poso nkeye.

Lumwekesho 2:26

Ne aye ushinda, ne awa wiyuba mingilo yami kufika ne kumpelo, amiwa nkamupa luusa lwa pa mikoka ya bantu.

Lumwekesho 3:11

Abo ngiya bukiji. Kwachisha akya kyo uji naakyo, namba kafwako nangwa umo akwangate munchinya wobe ne.