Bahebelu 3:1 - KNTP

¹ Onkao mambo, anweba bakwetu bazhijikwa, bakutambulako pamo ku lwito lwa mwiulu kwi Lesa! Mulangulukai Yesu, aye mutumwa ne ng'anga mukatampe wa lwitabilo lo twaitabila.

Bahebelu 3:1 Iomraidhean Croise

Yoano 17:3

Kabiji buno bo bumi bwa myaka, amba bemuyuke anweba, Lesa yenka wa kine, ne Yesu Kilishitu ye mwatumine.

Yoano 20:21

Yesu wibambijile jibiji amba, “Mutende ekale ne anweba. Byonka byo bantumine bataata amiwa, ne amiwa nemutuma anweba.”

Yoano 20:27

Ponkapo wamwambijile Tomase amba, “Letai munwe wenu kuno, monai mu maboko ami, mulete ne kuboko kwenu, mukule mu mbavu yami. Kechi mwikale wabula lwitabilo ne, ikalai wa lwitabilo!”

Byubilo 1:15

Mu oa moba Petelo waimene mukachi ka balongo banji, kwajinga jibumba ja bantu bapwijile pamo, bafikile kampe kitoota kimo ne makumi abiji, ne kwamba amba.

Loma 11:17

Bino umvwe misampi imo beichimunako, kabiji obewa byo uji kichi kya olivi kya mungye, ba kusokankanyamo mwi ayo kabiji pano ke uji wa kwabana nayo mema afuma mu muzhazhi wa kichi kine kya olivi.

Loma 15:27

Kibatokela ku muchima; mambo kine baji na bikoloto kwi abo. Mambo umvwe Bangentila bashilang'ana naabo pamo mu bya ku mupashi, kabiji mo monka mo kibafwainwa nabo kwibakwasha mu bya ku mubiji.

Loma 15:8

Mambo amiwa nemubuula namba Kilishitu waikele ke wamwingilo wa ba mu mukanda mambo a kumwesha bukine bwa Lesa, amba afikizhe milaye yoapaine ku bashakulu,

Loma 9:24

ke ye atweba kabiji bo aichile, kechi mu Bayudea bonka ne, ne mu Bangentila pamo?

1 Kolinda 1:2

Ku kipwilo kya Lesa kiji mu Kolinda, baitwa amba bekale bazhila mwi Kilishitu Yesu, ne ku bonse beta pa jizhina ja Nkambo Yesu Kilishitu konse konse, Nkambo yabo ne wetu pamo.

1 Kolinda 10:17

Bino shinkwa byo aji umotu, atweba nangwa twavula, twi mubiji umo, mambo bonse tuja ku shinkwa umo.

1 Kolinda 9:23

Kabiji nguba byonse na mambo a Mambo Awama, namba ngikale ke wa kwabana na bakwetu bibusa bya Mambo Awama.

2 kolinda 1:7

Kabiji luketekelo lwetu lwa kwimuketekela anweba lwakosa; mambo twayuka namba, byonka byo mubena kushilang'ena ne atweba mu bya lumanamo, kabiji byonkabyo mukashilang'ena ne atweba, ne mu bya lutekenesho pamo.

2 kolinda 9:13

Kabiji byo mwalumbulukila mu ye uno mwingilo bakatumbijika Lesa na mambo a kukookela kwa kwitabila kwenu mu Mambo Awama a Kilishitu, ne na mambo a bupanyi bwenu bwavula bwa kupana kwi abo ne ku bonse.

Efisesa 3:6

Amba Bangentila bo banswanyi pamo ne atweba, bo bamu mubiji umo ne atweba, bo ba kutambula mulaye pamo ne atweba mwi Kilishitu Yesu kupichila mu Mambo Awama.

Efisesa 4:1

Byonkabyo amiwa kaili wa Nkambo, ne musashijila namba mwendenga mwafwainwa lwito lo mwaichilwe.

Efisesa 4:4

Kuji mubiji umo ne Mupashi umo, byonka byo mwaichilwe mu luketekelo lumo lwa lwito lwenu.

Filipai 3:14

Kasa nebikishakotu kunanga kikonkwanyi kya mpasela ya lwito lwa mwiulu lwa Lesa mwi Kilishitu Yesu.

Kolose 1:12

Kasa musanta kwi aye Taata, ye witwalwile ke bantu bafwainwa kutambula bya mu buswanyi bwa bazhijikwa bwa mu kyeya.

Kolose 1:22

Pakuba pano Aye Lesa wimupwanya na lufu lwa mu mubiji wa bumuntu bwa Mwananji, mu kukemumwesha ku meso anji kasa mwazhila, babula bulema ne babula mambo.

Kolose 3:12

Onkao mambo byo muji basalululwa bakwa Lesa, bazhila, batemwe, vwalai bu muchima wanekena, ne lusa ne kwipelula ne bukimote ne kukooka muchima.

Tesalonika 2:12

Kasa twimufunda, ne kwimukosesha, ne kwimulaya namba mwendenga mwafwainwa kwi Lesa, yenkaye wimwita mu bufumu bwanji mwine ne mu lukumo.

Tesalonika 5:27

Nemwambila kya kine mwi Nkambo namba ino nkalata itangwe ku bakwetu bonse.

2 Tesalonika 1:11

Onkao mambo kyo kyo twimulombelela moba onse. Amba Lesa wetu akemulanguluke amba mwilufwainwa lwito lwenu. Ne kufikizha kusaka kwenu konse kwa buwame ne mingilo yonse ya lwitabilo na bulume.

2 Tesalonika 2:14

Mwaichilwe ku lupulukilo byo twimusapwijile Mambo Awama, amba mwikale na lukumo lwa Nkambo yetu Yesu Kilishitu.

1 Timoti 6:12

Lwanga bulwi bwawama bwa lwitabilo. Kwachisha ku bumi bwa myaka, ko ko waichijilwe, byo wisolwele kwisolola kwawama ku meso a batumonyi bavula.

1 Timoti 6:2

Abo baji na bankambo yabo baitabila, kechi bebasuule mambo a kuuba amba, bo balongo betu ne; kana kwibengijila kyakila, mambo a kuuba amba, abo bamwenamo byawama mu mingilo yabo baitabila, kabiji bo batemwe. Funjisha bino bintu ne kwibitundaika.

2 Timoti 1:9

Yenkaye witupulusha, ne kwitwiita na lwito lwazhila, kechi mwayila mingilo yetu ne, poso mwayila kufuukula kwanji ne bupe bwanji, boetupele mwi Kilishitu Yesu, myaka ya kala keene kasa ikyangye kufika,

2 Timoti 2:7

Languluka byo ng'amba, mambo Nkambo ukakupa maana a kumvwa byonse.

Bahebelu 10:19

Onkao mambo anweba bakwetu byo twafwainwa kutwela na kuchinchika amwa mwazhila na mashi a Yesu,

Bahebelu 10:21

Ne byo tuji na ng'anga mukatampe wa luusa lwa pa nzubo ya Lesa.

Bahebelu 10:23

Tukwachishe ku kwisolola kwa luketekelo lwetu kwa kubula kutelengela, mambo aye walayile ye wakishinka.

Bahebelu 13:22

Kabiji ne musanshijila anweba bakwetu, namba ntekenyai mu ano mambo akwimutundaika, mambo ne munembela byambo bicheche.

Bahebelu 2:11

Mambo aye wibazhijika ne abo bazhijikwa, kabiji aye ne abo bo a zhijika, bonse basemwa kwi shabo umo. Onkao mambo aye kechi uba bumvu pa kwibateela amba balongo banji ne.

Bahebelu 2:17

Onkao mambo kyamufwainwe aye apashang'ane na balongo banji mu byonse, pakuba amba akekale ke ng'anga mukatampe wa lusa ne wakishinka mu bintu bya kwa Lesa, mu kufuchila mambo a bantu.

Bahebelu 3:12

Anweba bakwetu jimukai, kuchiina amba mwi anweba mwakekala nangwa mu umo uji na muchima mubi wamilengulwila, wa kupondoka kwi Lesa mumi.

Bahebelu 3:14

Mambo atweba twaikala ke ba kushilang'ana nanji pamo Kilishitu, umvwve twalama bulongo ntendekelo ya luketekelo lwetu kasa twakoselamo kufika ne kumpelo.

Bahebelu 6:20

Moetutwelela kala Yesu, byo aikala ke Ng'anga mukatampe wa myaka mwayila musango wa bung'anga bwa kwa Melekizedeke.

Bahebelu 7:26

Mambo kitufwanyijilwe atweba kwikala na ng'anga mukatampe wa byonkabyo wazhila, wabula mambo, wabula kuzhilululwa, waabana na bandengamambo kabiji wasuntulwa kukila mwiulu.

Bahebelu 7:28

Mambo Mizhilo itongola bantutu banekena amba bekale bang'anga ba katampe, pakuba luchipo lwayishile panyuma ya Mizhilo lwatongwele Mwana, ye walumbululwa myaka yonse.

Bahebelu 9:11

Bino Kilishitu wamwekele ke Ng'anga Mukatampe wa bintu byawama byaiya. Ubena kwingijila mutente wakila bukata ne kulumbuluka; kechi walengwa na maboko ne, kokuuba amba kechi walengwa pamo na bya panontanda ne.

Bahebelu 9:15

Onkao mambo aye ye ng'ambi waleeta lulayang'ano lupya amba, abo baitwa batambule bonkabwa buswanyi bwa myaka bwalayilwe. Mambo lufu lwamweka lwa kwibakuula ku mizhilulwila yo bazhilulwile mu lulayang'ano lutanshi.

1 Petelo 2:9

Pakuba anweba mwi kisemi kyasalululwa, mwi ba bung'anga bwa bufumu, mwi mukoka wazhila, mwi bantu banonkwa kwi Lesa mwine amba, mulondolole byanji bya wamisha, yenka aye wimwichile kufuma mu mfishi kwiya mu kyeya kyanji kya ku kumya.

1 Petelo 3:5

Mambo banabakazhi bazhila bakala, baketekejile Lesa nabo bevwikile byonkabyo, byo banekenejile bamwata wabo.

1 Petelo 5:1

Byonkabyo bakulumpe baji mwenu ne batundaika amiwa mukulumpe mukwabo, kamonyi wa bya kumanama bya Kilishitu, ne wa kushilang'ana nanji lukumo lukamweka.

1 Petelo 5:10

Kabiji aye Lesa wa bupe bonse, yenkaye wimwichile mwi Kilishitu ku lukumo lwanji lwa myaka, pakupwa kumanama ka kimye kacheche aye mwine ukemulumbulula, ne kwimwikajika ne kwimukosesha.

1 Yoano 1:3

Akya kyo twamwene ne kumvwa, twimubuula ne anweba, namba mwikale pamo ne atweba mu lumvwang'ano lotuji naalo ne Taata ne Mwananji Yesu Kilishitu.

Yuda 1:1

Yuda, kalume wa Yesu Kilishitu, mulongo wanji Yakoba. Kwi abo baitwa, batemwe ba mwi Lesa Taata, balaminwa Yesu Kilishitu.

Lumwekesho 17:14

Bano bakalwa ne aye Mwana Mukooko, ne aye Mwana Mukooko ukebashinda, mambo aye ye Nkambo wa bankambo, ne Mfumu wa bamfumu. Ne abo boaji naabo pamo bo bantu baitwa, basalululwa, bakishinka.”

Lumwekesho 18:20

Sekela na mambo anji obewa jiulu, ne anweba bazhijikwa, ne anweba batumwa, ne anweba bangauzhi! Mambo Lesa wimuzhachishishaye!