Bahebelu 2:9 - KNTP

⁹ Bino twamumona aye Yesu, ye bapelwile ka kimye kacheche kukila bamalaika, kasa avwikwa na lukumo ne buneme na mambo a lufu lo amanamine, amba monka mu bupe bwa Lesa ebatompele lufu bantu bonse.

Bahebelu 2:9 Iomraidhean Croise

Mateo 16:28

Kine nemubuula namba, po baji bamo baimana pano, bakabula kumona lufu nangwa pacheche ne, poso bakamone Mwana Muntu kasa eya mu bufumu bwanji.”

Mateo 6:28

“Kabiji mambo ka mubambisha michima na bivwalo? Langulukai buluba bwa mungye byo bukoma, kechi bwingila mwingilo, nangwa kuluka kisapi ne.

Mako 9:1

Kabiji wibambijile amba, “Kine nemubuula namba, po baji bamo baimana pano bakabula kumona lufu nangwa pacheche poso bakamone bufumu bwa Lesa bwafika na bulume.”

Luka 9:27

Kine nemubuula namba, po baji baimana pano bakabula kumona lufu nangwa pacheche ne, poso bakamone bufumu bwa Lesa.”

Yoano 1:29

Byo bwakiile lukelo Yoano wamwene Yesu kasa eya ko aji, kabiji wa ambile amba, “Talai, Mwana Mukooko wa Lesa, ye ufumya bundengamambo bwa ba pano pantanda!

Yoano 10:17

“Kyo bantemenwa bataata, mambo amiwa ngela mweo wami, namba, nkamutambule jibiji.

Yoano 12:32

Kabiji amiwa, inge naimikwa pano pantanda, nkakokela bonse kwi amiwa mwine.”

Yoano 3:16

Mambo Lesa byo ebatemwishe ba pano pantanda, wapaine Mwananji yenkawa umo amba, bonse bamwitabila kechi bonaike ne, poso amba bekale na bumi bwa myaka.

Yoano 8:51

Kine, kine nemwambila namba, umvwe muntu walama mambo ami, kechi ukamona lufu myaka ne myaka nangwa pacheche ne.”

Yoano 8:52

Kumvwa Bayudea ba mwambijile amba, “Pano twayuka namba muji na mudemona! Abulahama wafwile, ne bangauzhi nabo, pakuba anweba amba, umvwe muntu walama mambo ami kechi ukamona lufu myaka ne myaka nangwa pacheche ne.

Byubilo 2:33

Byonkabyo byo atumbijikilwe ku kilujo kya Lesa, ne kutambula kwi Shanji kyo alayile kya Mupashi Wazhila, aye waitulula uno. Byonka byo mwamona ne kumvwa.

Byubilo 3:13

Bino aye Lesa wakwa Abulahama ne Izaka, ne Yakoba, Lesa wa bashakulu betu, ye watumbijika wamwingilo wanji Yesu. Yemwazhachiishe anweba, ne kumukana ku meso a Pilato, byoafukwiile kumukasulula.

Loma 5:18

Byonkabyo luzhachisho byo lwaishile ku bantu bonse mu bubi bwa muntu umo, kabiji byonkabyo ne lubingisho luleeta bumi nalo lwaishile ku bantu bonse mu kyubilo kya bololoke kimo.

Loma 5:8

Bino aye Lesa witumwesha butemwe bwanji mwine bo etutemwa, mambo byo twakijinga bandengamambo, Kilishitu witufwijile.

Loma 8:3

Mambo Lesa wikyubile akya kyakankelwe kuuba Mizhilo na mambo a kunekena kwa mubiji wa buntunshi, byo atumine Mwananji mwine mu kipasha kya mubiji wa bundengamambo amba ekale ke kitapisho kya mambo, aye wibuzhachisha bundengamambo mu buntunshi.

Loma 8:32

Aye wabujile kukana kupana Mwananji mwine, kabiji wamupaine na mambo a atweba bonse, akabule byepi kwitupatu bintu byonse pamo byonka byo etupeleye?

2 kolinda 5:15

Kabiji wibafwijile bonse amba, bekala na bumi kechi bakiikajile abo bene ne poso bamwikajile aye wibafwijile ne kusanguka.

2 kolinda 5:21

Aye wabujile kuyuka bundengamambo bamwalwile ke bundengamambo na mambo a atweba, amba atweba twaluke ke bololoke bwa Lesa mwi aye.

Ngalatiya 4:4

Bino pene po kyafikijile kimye, Lesa watumine Mwananji wasemenwe mu mwanamukazhi, wasemenwe mu mizhilo,

1 Timoti 2:6

ye wipaine mwine na kwibakuula bonse. O mambo ashimunwa mu myaka yao yafwainwa.

Bahebelu 1:9

Obewa watemwa byaoloka, kabiji washikwa bubi. Onkao mambo aye Lesa, Lesa obe, wakutongola ne ku kushinga manyi alusekelo kukila bakwenu.”

Bahebelu 10:5

Onkao mambo Kilishitu byo aishile pano pantanda aye wa ambile amba, “Bitapisho ne milambo anweba kechi mwibisakile ne, kabiji mwannengezhezhe jimo mubiji.

Bahebelu 11:5

Ko ku lwitabilo ko atuntulwilwe Enoka amba wakafwa. Ne aye kechi bamumwene ne mambo Lesa wamutuntulwile. Mambo kasa akyangye kutuntululwa bamushimwine amba, wamutokeshe Lesa pa muchima.

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

Bahebelu 2:7

Mwamupelwile kimye kicheche kukila bamalaika; Bino mwamuvwikile lukumo ne buneme,

Bahebelu 7:25

Onkao mambo aye wakonsha kwi bapulusha kya kine abo bafwenya kwipi na Lesa mwi aye, mambo waikala myaka na kwibalombelela.

Bahebelu 8:3

Mambo yense ng'anga mukatampe utongolwa amba alambule bya bupe ne bitapisho; onkao mambo kyamufwainwa ne uno ng'anga amba ekale na kyakulambula.

1 Petelo 1:21

Mwaitabila Lesa kupichila mwi aye, ye basangwile mu bafu ne kumupa lukumo, amba lwitabilo lwenu ne luketekelo lwenu lwikale mwi Lesa.

1 Yoano 2:2

Aye ye mfuto ya mambo etu, kechi etu onka ne, ne aba pano pantanda ponse.

Lumwekesho 19:12

Kabiji meso anji auba nobe lubebe lwa mujilo, ne pa mutwe wanji pajinga tubondo twavula. Kabiji wajinga na jizhina janembwa jo abula kuyuka muntu nangwa umo ne, poso aye mwine yenka.

Lumwekesho 5:9

Kabiji baimbile lwimbo mupya amba. “Anweba yenu mwafwainwa kutambula buku ne kushinkula tuteetesho tujipo. Mambo anweba mwaipayilwe, kabiji mwamupotejile Lesa na mashi enu bantu ba mu bisaka byonse, ne ba mu njimi yonse, ne ba mu mitundu yonse, ne ba mu mikoka yonse.