Bahebelu 2:4 - KNTP

⁴ Lesa naye kasa ashimuna naabo na biyukilo ne bya kukumya ne bya bulume bya misango ne misango ne kupana bya bupe bya Mupashi wa Wazhila monka mwayila kyaswa muchima wanji mwine.

Bahebelu 2:4 Iomraidhean Croise

Mako 16:20

Baana babwanga bayile na kusapwila konse konse, ne Nkambo waingijilenga naabo mukufikizha ne kwikajika aa mambo na biyukilo bya londankene na byambo byabo.

Mako 6:14

Ne mfumu Heloda wikyumvwine, mambo jizhina ja Yesu jakumbene konse. Bamo ba ambile amba, “Yoano Mubatishi wasanguka mu bafu, kyo kyo aikeela na buno bulume bubena kwingila mwi aye.”

Yoano 15:26

Mambo aye Nkwasho byo akeya, ye nkemutumina ukafuma kwi bataata, ye Mupashi wa bukine, ufuma kwi bataata, ye ukanshimuna.

Yoano 4:48

Ne Yesu wamwambijile amba, “Anweba kechi mwitabila ne kanatu mwamona biyukilo ne bya kukumya.”

Byubilo 14:3

Onkao mambo batumwa baikajileko kimye kyabaya, kasa bambatu mambo a Nkambo na kuchinchika, ne aye Nkambo wamwesheshe bukamonyi ku byambo bya bupe bwanji amba bya kine pa kwibapa bulume bwa kwingila biyukilo ne bya kukumya.

Byubilo 4:10

yukai anweba bonse, ne ku bonse bena Isalela amba, uno muntu waimana ku meso enu ke mutuntulu mu jizhina ja Yesu Kilishitu mwina Nazala, ye mwaipayile pa musalabu anweba, ye asangwile Lesa mu bafu.”

Byubilo 5:32

Ne atweba twi batumonyi ba byo bino byambo, ne Mupashi Wazhila naye pamo, ye apana Lesa ku bamukokela.”

Efisesa 1:5

Mambo witutongwejile jimo amba aketwalule ke baana banji aye mwine mwi Yesu Kilishitu, monka mo kyamutokela ku muchima wanji,

Efisesa 1:9

Byo etusolwejile akya kyafyamika kya ku muchima wanji, monka mwayila akya kyamutokela ku muchima kyo afukwijile jimo mwi Kilishitu.

Efisesa 4:7

Atweba bonse pa muntu pa muntu, twapewa bupe monka mwayila kipimo kya bupetu kya Kilishitu.

Bahebelu 6:4

Mambo kechi kyakonsheka kwibabwezha amba balapile jibiji aba batambwile kala kyeya, ne kutompako ku kya bupe kya mwiulu, ne kutambulako Mupashi wa Wazhila;