Bahebelu 2:11 - KNTP

¹¹ Mambo aye wibazhijika ne abo bazhijikwa, kabiji aye ne abo bo a zhijika, bonse basemwa kwi shabo umo. Onkao mambo aye kechi uba bumvu pa kwibateela amba balongo banji ne.

Bahebelu 2:11 Iomraidhean Croise

Mateo 25:40

Kabiji Mfumu pa kwibakumbula, ukebambila amba, ‘Kine nemwambila namba, monka mo mwamubijile umo wapelaako wa bano balongo bami, mo mwangubile ne amiwa.’

Mateo 28:10

Kepo Yesu ebambijile amba, “Kechi mube moyo ne, yainga kebabuulai balongo bami bayenga ku Ngalilea, ko ko bakantaana.”

Mako 3:34

Kabiji pa kwibatalatala aba baikele kasa bamuzhokoloka, wa ambile amba, “Bano bo bamama ne balongo bami!

Mako 8:38

Mambo aye ukangubila bumvu amiwa ne mambo ami mu kino kisemi kya bukende ne kya bundengamambo, ne Mwana Muntu naye ukamubila bumvu byo akeya mu lukumo lwa Shanji na bamalaika bazhila.”

Luka 9:26

Mambo yense ukangubila bumvu amiwa ne mambo ami, aye naye Mwana Muntu ukamubila bumvu byo akeya mu lukumo lwanji ne mu lukumo lwa Shanji ne lwa bamalaika bazhila.

Yoano 17:19

Kabiji nezhijika na mambo a abo, namba ne abo bene nabo bazhijikwe mu bukine.

Yoano 17:21

Namba bonse bekale ke umo. Taata! Byo muji mwi amiwa ne amiwa mwi anweba, byonkabyo ne abo nabo bekale mwi atweba, namba ba pano pantanda betabile amba, anweba yenu mwantumine.

Yoano 20:17

Kumvwa Yesu wamwambijile amba, “Kechi munkwate ne, mambo nkyangye kukanjila kwi Bataata. Pakuba yainga ku balongo bami, mukebabule amba, mbena kukanjila kwi bataata ne Shenu, kwi Lesa wami ne Lesa wenu.”

Byubilo 17:26

Kabiji walengele ku umo mikoka yonse ya bantu bekala pano pantanda ponse, ne kwibatongwela myaka yabo, ne mipaka ya kwikalamo.

Byubilo 17:28

mambo Mwi aye mo motumwena bumi bwetu, mo motupitang'ena, mo motwikela. Monka mo ba ambijile bamo benu banembele nyimbo amba, Mambo atweba twi bamu kisaka kyanji.

Loma 8:29

Mambo abo boayukijile jimo, ibo bo atongwejile jimo amba bakapashang'ane pamo na Mwananji, aye aluuke ke mubeji mu balongo banji bavula.

Ngalatiya 4:4

Bino pene po kyafikijile kimye, Lesa watumine Mwananji wasemenwe mu mwanamukazhi, wasemenwe mu mizhilo,

Bahebelu 10:10

Ne mu kyonka kyaswa muchima wanji momo twazhijikilwa ponka pa kulambulwa kwa mubiji wa Yesu Kilishitu jimo jonka kikupu.

Bahebelu 10:14

Mambo na mulambo umo aye wibalumbulula kikupu aba bazhijikwa.

Bahebelu 11:16

Pakuba pano, basakisha kyalo kyakila mu kuwama, kya mwiulu. Onkao mambo aye Lesa kechi wauba bumvu kutelwa amba Lesa wabo ne, mambo wibanengezhezha jimo muzhi.

Bahebelu 13:12

Byonkabyo Yesu naye wamanamijile pangye ya nkambi, byo asakile kwibazhijika bantu na mashi anji mwine.

Bahebelu 2:14

Mambo baana byo batambula mibiji ya mashi, byonkabyo ne aye mwine watambwile wa byonkabyo, amba monka mu lufu amonaune awa uji na bulume bwa lufu, ko kuuba amba Diabola,

Bahebelu 3:1

Onkao mambo, anweba bakwetu bazhijikwa, bakutambulako pamo ku lwito lwa mwiulu kwi Lesa! Mulangulukai Yesu, aye mutumwa ne ng'anga mukatampe wa lwitabilo lo twaitabila.