Bahebelu 2:10 - KNTP

¹⁰ Mambo kyamufwainwe aye Lesa, mulenga ne kalama wa bintu byonse, pakusaka kwibaleeta baana bavula mu lukumo, kumulumbulula ntangi wa lupulukilo lwabo na bya kumanama.

Bahebelu 2:10 Iomraidhean Croise

Luka 13:32

Ne aye wibakumbwile amba, “Yainga mukamubuule awa lubwala amba, ‘Talai, amiwa mbena kupangamo bademona ne kubuka leelo ne keesha, ne kupwisha mu juba ja busatu.

Luka 2:14

“Lukumo lwikale kwi Lesa mwiulu mwine, ne pano pa ntanda mutende ekale na bantu bamutokesha pa muchima.”

Luka 24:26

Nanchi kechi kyamufwainwe Kilishitu kumanama bino bintu ne kutwela mu lukumo lwanji nenyi?”

Luka 24:46

kabiji wibambijile amba, “Kino byo byo kyanembwa amba, Kilishitu wafwainwa kumona bya malwa ne kusanguka mu juba ja busatu,

Yoano 11:52

kabiji kechi kyonkakyatu kisaka ne, poso akapwizhe pamo baana ba Lesa bapalang'ena monse, monse.

Yoano 19:30

Ponkapo Yesu, byo atambwile binyu byasasa, wa ambile amba, “Kyapwa!” Wanyengekele mutwe wanji ne kuleka ku mweo.

Byubilo 3:15

ne kwipaya mwaipayile Upana bumi, ye asangwile Lesa mu bafu, ne atweba twi batumonyi banji.

Byubilo 5:31

Aye uno yenka, Lesa wamutumbijikile ku kuboko kwanji kwa kilujo amba, ekale Ntangi ne Mupulushi, ebape bena Isalela lulapilo ne lulekelo lwa mambo.

Loma 11:36

Mambo byonse bifuma mwi aye, kabiji byalengelwe kwi aye, ne kwikala byamwikajila aye yenka. Lukumo lwikale kwi aye myaka ne myaka! Amena.

Loma 9:23

pakuba amba asolole bunonshi bwa lukumo lwanji pa bijiilo bya lusa, byo a nengezhezhe jimo amba bya lukumo,

1 Kolinda 2:7

Bino twamba maana a Lesa a mu byafyamika, o afyamikile kala o atongwejile jimo Lesa mu kwituletela lukumo pano pantanda kasa pakyangye kulengwa.

1 Kolinda 8:6

pakuba kwi atweba kujitu Lesa umo yenka Taata, ko bifuma byonse kabiji motwaikela ne atweba, ne Nkambo umo yenka Yesu Kilishitu mo byamwekejile byonse, ne atweba mo twaikala.

2 kolinda 3:18

Pakuba atweba bonse, bilungi kasa byavwetulwa, kasa tumona lukumo lwa Nkambo nobe mu katajilo, tubena kwalulwa mu kipasha kimo kyonka ne aye mwine, kufuma mu lukumo lumo kufika ne mu lukumo lukwabo, monka mo lufumina kwi Nkambo Mupashi wa Lesa.

2 kolinda 4:17

Mambo malwa etu apeela, a kakimye kamotu, abena kwitwingijila lukumo lwakijishatu kunema, lwa myaka.

2 kolinda 5:18

Kabiji bino byonse bifuma kwi Lesa, ye witupwainye ne aye mwine mwi Kilishitu, kabiji witupele mwingilo wa lupwaino.

2 kolinda 6:18

Kabiji nkekala ke Shenu, ne anweba mukekala ke baana bami ba balume ne ba bakazhi, byo byamba Nkambo wa bulume bonse.”

Ngalatiya 3:26

Mambo anweba bonse pano mwi baana ba Lesa monka mu lwitabilo lwa mwi Kilishitu Yesu.

Efisesa 2:7

Amba mu myaka ikeya akamweshe bunonshi bwine bwa bupe bwanji mu kwituubila lusa mwi Kilishitu Yesu.

Efisesa 3:10

amba pano na mambo a kipwilo maana a Lesa a misango ne misango asoloke ku bakatampe bene ne ba luusa ba mwiulu.

Kolose 3:4

Kilishitu, aye bumi bwetu byo akamweka, ponkapo ne anweba mukamweka nanji mu lukumo.

2 Timoti 2:10

Onkao mambo o nebikosela byonse pa mambo a basalululwa, namba ne abo nabo batambule lupulukilo luji mwi Kilishitu Yesu ne lukumo lwa myaka pamo.

Bahebelu 12:2

Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

Bahebelu 6:20

Moetutwelela kala Yesu, byo aikala ke Ng'anga mukatampe wa myaka mwayila musango wa bung'anga bwa kwa Melekizedeke.

Bahebelu 7:26

Mambo kitufwanyijilwe atweba kwikala na ng'anga mukatampe wa byonkabyo wazhila, wabula mambo, wabula kuzhilululwa, waabana na bandengamambo kabiji wasuntulwa kukila mwiulu.

Bahebelu 7:28

Mambo Mizhilo itongola bantutu banekena amba bekale bang'anga ba katampe, pakuba luchipo lwayishile panyuma ya Mizhilo lwatongwele Mwana, ye walumbululwa myaka yonse.

1 Petelo 1:12

Kabiji kibabujilwe abo amba kechi babena kwiingijila abo bene ne, poso kwimwingijila anweba, mu bintu byo bemubujile anweba kupichila mu boba basapwijile Mambo Awama kwi anweba na Mupashi Wazhila watuminwe kufuma mwiulu, bino bintu ne bamalaika nabo basakisha kwibimona.

1 Petelo 5:1

Byonkabyo bakulumpe baji mwenu ne batundaika amiwa mukulumpe mukwabo, kamonyi wa bya kumanama bya Kilishitu, ne wa kushilang'ana nanji lukumo lukamweka.

1 Petelo 5:10

Kabiji aye Lesa wa bupe bonse, yenkaye wimwichile mwi Kilishitu ku lukumo lwanji lwa myaka, pakupwa kumanama ka kimye kacheche aye mwine ukemulumbulula, ne kwimwikajika ne kwimukosesha.

Lumwekesho 4:11

“Mwafwainwa anweba Nkambo yetu Lesa wetu, kutambula lukumo, ne buneme, ne bulume. Mambo anweba yenu mwalengele byonse, kabiji na mambo onka a kyaswa muchima wenu obyaikajile, obyalengejilwe.”

Lumwekesho 7:9

Pakupita bibye, ponkapo namwene jibumba jikatampe, jo babula kukonsha kubala nangwa ku muntu umo ne! Bafuma mu mikoka yonse ne mu bisaka byonse ne mu mitundu yonse ne njimi yonse ya bantu, kasa baimana ku meso a jitanda ne ku meso a Mwana Mukooko, kasa bavwala bivwalo bitoka, ne mapambo a bisonga mu maboko abo.