Bahebelu 13:5 - KNTP

⁵ Mwikale babula kutemwa mali, sekelai na byonka byo muji naabyo. Mambo aye mwine wa amba amba, “kechi nkakusha nangwa pachechetu ne, ne kukulekelela nangwa pachechetu ne.”

Bahebelu 13:5 Iomraidhean Croise

Mateo 6:19

Kechi mwitujile anweba bene nsabo pano panshi ne, paji bilongolo ne ndalabwa byonauna, paji ne bangivi basaba mazubo ne kwiba.

Mateo 6:25

“Onkao mambo kyokyo nemwambila namba, kechi mubambishe muchima na mweo wenu na byomukaja, nangwa nabyo mukatoma; nangwa na bivwalo bya mibiji yenu ne. Nanchi mweo kechi wakila kajo nenyi? Ne mubiji kechi wakila bivwalo nenyi?

Mateo 6:34

Byonkabyo kechi mubambishe michima yenu na ja kesha ne; mambo ja kesha jine jikebambisha na byajo. Bibi bya leelo bijiwaina leelo.”

Mako 7:22

ne bya lunkumbwa, ne bubipisho, ne bujimbijimbi, ne bya bunya, ne kichima, ne bubela, ne bwitote, ne ku kosama.

Luka 3:14

Bashilikale nabo bamwipwizhe amba “Nga atweba tube byepi?” Ne aye wibambijile amba, kechi mwangate mali a muntu nangwa umo nalupata ne, nangwa pa kumubepela ne, bino sekelai na mfweto yenu yonka.

Luka 8:14

Pakuba aya yaponejile mu miba, bo boba bomvwa, bino pa kuya mu jishinda jabo be batatankanya na bya kusakasaka ne bya bunonshi ne bya lusekelo bya mu buno bumi, ne bipangwa byabo kechi bikoma ne.

Loma 1:29

Kasa bayula na bumbulwa koloka bonse, ne bubi, ne lunkumbwa, ne nshiji, ne kuyula na kikonkoma, ne bumbanzhi, ne lutoobo, ne bujimbijimbi, ne bulwanyi, bo ba miyebe,

1 Kolinda 5:11

Pakuba kyo nemunembejile kyo kyo kino namba, kechi mupwanang'ane na muntu watelwa amba mulongo wetu mwi Nkambo umvwe waikala ke wa bulalelale, nangwa wa lunkumbwa, nangwa upopwela bankishi, nangwa utukana ne, nangwa kitomi, nangwa uja bya lunkanankana ne, wa byonkabyo kechi muje nanji ne.

1 Kolinda 6:10

nangwa bangivi, nangwa ba lunkumbwa, nangwa ba bitomi, nangwa batukana, nangwa baja bya lunkanankana, kechi bakaswana bufumu bwa Lesa ne.

2 kolinda 4:9

twapangwapangwa, byonkabyo kechi twashalatu bunke ne, twalapulwa panshi, byonkabyo kechi twaonaulwatu ne.

Efisesa 5:3

Pakuba bulalelale ne bubipisho bonse, ne lunkumbwa, kechi mwibiswe nangwa kwibiteelatu mwenu mo muji ne, mo mwafwainwa bazhijikwa.

Efisesa 5:5

Mambo kino anweba mwi kiyukishatu kine amba, kafwako mulalelale, nangwa muntu wabiipa, nangwa wa lunkumbwa, (kokuuba amba upopwela bankishi), uji na buswanyi mu bufumu bwa Kilishitu ne Lesa ne.

Kolose 3:5

Onkao mambo ipayai bya ku mibiji yenu biji pano pantanda, bulalelale ne bubipisho ne kusakasaka kubindankanya muchima ne kusakasaka kubi konse ne lunkumbwa, alo ko kupopwela bankishi.

1 Timoti 3:3

kechi upendwa na maalwa ne, nangwa upumang'ana ne, kana wakooka muchima, ubula kutoboka, wabula kutemwa mali.

2 Petelo 2:14

Baji na meso ayuula bukende, abula kutondwa kulenga mambo. Bakokola ba michima yanekena, baji na michima yaubisha lunkumbwa, bo baana bafingwa.

2 Petelo 2:3

Kabiji monka mu lunkumbwa lwabo bakemujiila bintu na byambo byabo bya kujimbaika. Batambwile kala luzhachisho lwabo, kabiji ne lonaiko lwabo kechi lukabanda ne!

Yuda 1:11

Lesa ukebonauna kine! Mambo benda mu jishinda ja kwa Kaina, na mambo akutemwa mfweto baya mungi byonka byaubile Balamu. Basatuka byonka byasatukile Kola, Lesa ukebonauna byonka byo a onawine Kola.