Bahebelu 12:2 - KNTP

² Kasa tutala kwi Yesu, ntangi ne kalumbulula wa lwitabilo lwetu, ye wakosejilemo mu bya kumanama pa musalabu na mambo alusekelo lwamutujilwe kulutwe ne kutaako muchima ku bumvu ne, kabiji pano waikala konka ku kuboko kwa kilujo kya jitanda ja Lesa.

Bahebelu 12:2 Iomraidhean Croise

Mateo 16:21

Kufuma pa kyonkakya kimye Yesu watatwile kwibafunjisha baana banji babwanga amba, “Kyamfwainwa amiwa nkaye ku Yelusalema, nkamaname na byamalwa byavula ku bakulumpe ne ku bang'anga bakatampe ne ku banembeshi ne kwipayiwa, kabiji mu juba ja busatu nkasangulwa.”

Mateo 20:28

byonka byo aishile Mwana Muntu, kechi waishile amba, bamwingijile ne, poso amba ebengijile, ne kupana mweo wanji ke kya kukuula bavula.”

Mako 14:36

Kabiji wa ambile amba, “Abba, Taata! Bintu byonse byakonsheka kubiwa kwi anweba. Fumyai kano katomeno kwi amiwa nangwa byonkabyo kechi byo nsaka amiwa ne. Poso kyo mwasaka anweba.”

Mako 15:28

Ne kinembelo kyafikile kyaamba amba, “Aye wabajilwa pamo na bampupabizhila.”

Mako 16:19

Byo apwishishe Nkambo Yesu kwamba naabo, watwajilwe mwiulu ne kwikala waikajile ku kilujo kya Lesa.

Mako 9:12

Kumvwa aye wibakumbwile amba, “Kine Elaija wafwainwa kwiya patanshi, ne kubwezha bulongo byonse byo byajinga. Kabiji mambo ka kyanembelwa amba, Mwana Muntu ukamona bya malwa byavula ne kusuulwa?

Mako 9:24

Ponkapotu shanja mwana wabijikile ne kwamba amba, “Naitabila, nkwashai ku milengulwila yami!”

Luka 17:5

Batumwa ba ambile kwi Nkambo amba, “Baishai lwitabilo lwetu!”

Luka 23:11

Kabiji Heloda ne bashilikale banji bamulengulwile ne kumwendeleka. Kabiji bamuvwikile ne kivwalo kyalezhima, ne kumubwezha kwi Pilato.

Luka 24:26

Nanchi kechi kyamufwainwe Kilishitu kumanama bino bintu ne kutwela mu lukumo lwanji nenyi?”

Yoano 1:29

Byo bwakiile lukelo Yoano wamwene Yesu kasa eya ko aji, kabiji wa ambile amba, “Talai, Mwana Mukooko wa Lesa, ye ufumya bundengamambo bwa ba pano pantanda!

Yoano 12:24

Kine, kine nemwambila namba, umvwe lukunwa wa wichi ne kuponena mu mushiji ne kufwa ne, wikala bunke bwanji, pakuba inge wafwa, ye upanga byavula.

Yoano 12:32

Kabiji amiwa, inge naimikwa pano pantanda, nkakokela bonse kwi amiwa mwine.”

Yoano 13:3

Yesu nangwa wayukile amba, bataata bampa bintu byonse mu maboko ami, kabiji nafuma kwi Lesa, kabiji nkaya kwi Lesa.

Yoano 6:40

Pakuba kino kyo kyaswa muchima wa bataata amba, bonse bamumona Mwana ne kumwitabila, bekale na bumi bwa myaka, kabiji ne amiwa nkebasangula mu juba jikapelaako.”

Yoano 8:56

Shenu Abulahama wasekejile pa kuketekela kumona juba ja kwiya kwami, ne kumona wijimwene, ne kusekela wasekejile.”

Byubilo 2:36

“Onkao mambo bonse ba munzubo ya Isalela bayukishetu amba, Lesa wamupa bu Nkambo ne bu Kilishitu, yenka uno Yesu ye mwaipayile pa musalabu.”

Byubilo 3:15

ne kwipaya mwaipayile Upana bumi, ye asangwile Lesa mu bafu, ne atweba twi batumonyi banji.

Byubilo 5:31

Aye uno yenka, Lesa wamutumbijikile ku kuboko kwanji kwa kilujo amba, ekale Ntangi ne Mupulushi, ebape bena Isalela lulapilo ne lulekelo lwa mambo.

Byubilo 5:41

Byonkabyo bafumine mukije kasa basekela na mambo a kutongolwa amba, bo bafwainwa kwijimwena bumvu jizhina ja Yesu.

1 Kolinda 1:18

Pakuba mambo a musalabu bo bumbulwa maana kwi abo babena konaika, pakuba kwi atweba tubena kupuluka, bo bulume bwa Lesa.

1 Kolinda 1:23

Pakuba atweba tusapwila mambo a Kilishitu waipayilwe pa musalabu, ku Bayudea kyokya kwintuntulako, ne Bangentila ke kya bumbulwa maana,

Efisesa 2:16

Kabiji amba ebapwanye na Lesa bonse babiji mu mubiji umo konka ku musalabu, byo azhimang'enye mfika konka.

Efisesa 5:2

Ne kwenda monka mu butemwe, byonka byo etutemenwe Kilishitu, ne kwipana mwine na mambo a atweba, ke mulambo ne kitapisho kwi Lesa, bikale bwema bwawama.

Filipai 1:6

Kabiji nayukishatu kino namba, aye watatwile mwingilo wawama mwi anweba, ukamulumbulula kufika ne kumpelo mu juba ja Kilishitu Yesu.

Filipai 3:20

Pakuba atweba bwina mwiulu bobwetu, momo tutengela Mupulushi Nkambo Yesu Kilishitu.

2 Timoti 4:8

Pano bantujila kala munchinya wa bololoke, yeakampa mu joja juba aye Nkambo, mutonyi waoloka, kabiji kechi amiwa yenkatu ne, pakuba ne bonse batemwa kumweka kwanji.

Bahebelu 1:13

Lesa kechi wa ambilepo nangwa ku umo malaika wanji amba, “Ikala ku kilujo kyami poso ngalule balwanyi bobe ke kyakutulapo maulu obe”

Bahebelu 1:3

Mwanji ye kusaama kwa lukumo lwanji, ye kipasha kya musango wanji, kabiji ye ulama bintu byonse na jiwi ja bulume bwanji. Kabiji byo apwishishe kutokesha bubi bwa bantu, waikajile ku kuboko kwa kilujo kya Mwine Mfumu wa mwiulu.

Bahebelu 10:14

Mambo na mulambo umo aye wibalumbulula kikupu aba bazhijikwa.

Bahebelu 10:33

Bimye bimo, bemubile mwenga mu bantu ne kwi mu manyika, kabiji bimye bikwabo mwakwatankene naabo baubilwe byonkabyo.

Bahebelu 11:36

Bakwabo nabo be bamanyikile na kwibendeleka ne kwibapuma na bikote, ne na mfungwa ne mu tuleya.

Bahebelu 12:3

Langulukai aye wakosejilemo pa kulengululwa ku bandengamambo kwa byonkabyo! Kuchiina amba mwa kakooka ne kupungila mu michima yenu.

Bahebelu 13:13

Onkao mambo tulupukile ko aji pangye ya nkambi kasa twasenda mwenga wanji.

Bahebelu 5:9

Kabiji byo alumbulwilwe, waalukile ke mwine wa lupulukilo lwa myaka ku bonse bamukookela.

Bahebelu 7:19

Mambo Mizhilo kechi ya lengejile kintu nangwa kimo kwikala ke kyalumbuluka ne. Bino pano kwasoloka luketekelo lwakila mu kuwama lo tufwenyenyamo kwipi na Lesa.

Bahebelu 8:1

Kine kintu kikatampe kyo tubena kwamba kyo kino amba atweba tuji na Ng'anga Mukatampe, umo waikala ku kilujo kya jitanda ja Mfumu wa mwiulu.

Bahebelu 9:28

Byonkabyo Kilishitu naye walambwilwe jimo jonka mu kusenda mambo a bavula. Ukamweka jibiji kechi na mambo a bundengamambo ne, poso na kuleeta lupulukilo kuboba babena kumutengela.

Yakoba 2:1

Balongo bami, byo mwaikala na lwitabilo lwa mwi Nkambo yetu Yesu Kilishitu Nkambo wa lukumo, kechi mutale ku bilungi bya bantu ne.

1 Petelo 1:11

Kasa bapalanguzha amba, ng'anyi kimye, nangwa kyo kimye kya byepi, kyoatongwele Mupashi wa Kilishitu wajinga mwi abo, byo ashimwijile jimo mambo a bya kumanama bya Kilishitu ne bya lukumo bikalondela panyuma.

1 Petelo 3:18

Mambo Kilishitu naye wiamanamijile mambo jimo jonka, aye waoloka na mambo a babula koloka, amba etufikizhe kwi Lesa, waipayilwe mu mubiji, bino waubilwe bumi mu mupashi,

1 Petelo 3:22

Aye waya mwiulu, kabiji uji ku kilujo kya Lesa, ne bamalaika ne ba luusa, ne ba bulume kasa bamunekenena.

Yuda 1:21

ne kwilama monka mu butemwe bwa Lesa, byo mubena kutengela lusa lwa Nkambo yetu Yesu Kilishitu bwa kwimupa bumi bwa myaka.

Lumwekesho 1:11

Amba, “Byo wamona unembe mu buku ne kutuma ku abya bipwilo bitanu na bibiji. Ku Efisesa, ne ku Simulina, ne ku Pelegamuma, ne ku Tiyatila, ne ku Saladisa, ne ku Filadelifya, ne ku Laodikea.”

Lumwekesho 1:17

Ponkapo byo na mumwene, naponene ku maulu anji nobe muntu wafwa. Ne aye wantentekele kuboko kwanji kwa kilujo, amba, “Kuuba moyo ne! Amiwa ne mutanshi ne wapelaako.

Lumwekesho 1:8

Amiwa ne Alefwa ne Omega, byo a amba Nkambo Lesa, ujiipo, wajingapo, ye ukeya, wa bulume bonse.

Lumwekesho 2:8

“Kabiji kwi aye malaika wa mu kipwilo kya mu Simulina unembe amba; “Aye mutanshi ne wapelaako, yenkaye wafwile ne kwikala na bumi jibiji, wa amba bino amba,