Bahebelu 12:1 - KNTP

¹ Onkao mambo atweba byo twazhokolokwa na jibumba jikatampe ja batumonyi ja byonka bino. Tutaye byonse bitunemena, ne abwa bundengamambo bupelawizha kwitukasankanya, tunyeme kapeela na mukoyo konka ko betutujila kulutwe.

Bahebelu 12:1 Iomraidhean Croise

Mateo 10:22

Kabiji bakemushikwa ku bantu bonse pa jizhina jami. Bino awa ukakoselamo kufika ne kumpelo, ye ukapuluka.

Mateo 24:13

Bino awa ukakoselamo kufika ne kumpelo ye ukapuluka.

Mako 10:50

Ne aye watayile kivwalo kyanji, ne kwimana lubilo kwiya kwi Yesu.

Luka 12:15

Kabiji wibambijile amba, “Tekanyai, ilamai ku lunkumbwa lonse, mambo bumi bwa muntu kechi buji mu kuvula kwa bintu byo a nonka ne.”

Luka 16:28

mambo nji na balongo bami batanu. Namba ake bajimune, kuchiina amba ne abo bakeya muno mu lumanamo.’

Luka 21:34

“Bino iketai anweba bene, kuchiina amba, michima yenu yakanemenwa na bya kujajaja, ne kupendwa, ne na bya kutabataba bya buno bumi, ne aja juba jakemufikila kwakubula kuketekela.

Yoano 3:32

Kabiji byo amwene ne kumvwa, byo byonka byo ashimuna, kabiji kafwako nangwa umo waitabila kushimuna kwanji ne.

Yoano 4:39

Ne bavula bena Samaliya ba kuyewa muzhi bamwitabijile mambo a byambo bya mwanamukazhi, byo a ambile amba, “Wambuula byonse byo naubile kala.”

Yoano 4:44

Mambo aye mwine Yesu wa ambile amba, “Ngauzhi kechi uji na buneme mu kyalo kyanji mwine ne.”

Loma 12:12

Sekelai mu luketekelo, tekanyai mu bya malwa, kasa mukelwa mu milombelo.

Loma 2:7

Kuboba batekanya na kuuba byawama na kukeba lukumo ne buneme ne bumbulwa kubola, ukebapa bumi bwa myaka.

2 kolinda 7:1

Onkao mambo anweba batemwe, byo tuji na ino milaye, twitokeshe atweba bene ku bubipisho bonse bwa mubiji ne bwa mupashi, kasa tulumbulula buzhile bwetu na moyo wa kwakamwa Lesa.

Ngalatiya 2:2

Nayileko mambo Lesa mwine wansolwejilekyo. Kabiji ne babuujile bulongo ao mambo o nsapwila ku Bangentila, bino nalumbulwijile bantangi bonka kwa bunke, mambo a kuchiina amba, nangwa na kya byepi kwingila kwami kombena kwingila ne ko naingijilenga kwakekala ke kwatu.

Ngalatiya 5:7

Mwaendelenga bulongo! Ng'anyi wimukanya kukookela bya bukine?

Efisesa 4:25

Onkao mambo muleke bubela, “Kasa mwiambila bya bukine anwe bene na bene” mambo atweba bene na bene twi bya mubiji umo.

Filipai 1:30

Ikalai na bulwi bumo bonka bo mwamwene mwi amiwa, ne pano mwibumvwa amba, buji mwi amiwa.

Filipai 2:16

Kasa mwakwachisha ku byambo bya bumi. Amba mu juba ja Kilishitu nketotelemo namba kechi nanyemene kyatu nangwa kwingila kyatu ne.

2 Timoti 2:4

Kafwako mushilikale wikasankanya na bya kutabataba bya mu buno bumi ne, mambo usaka kumutokesha pa muchima aye wamunembele bushilikale.

2 Timoti 4:7

Nabalwenga bulwi bwawama, napwisha kala kikonkwanyi kyami, nabalamenga lwitabilo.

Bahebelu 6:15

Kabiji aye Abulahama byo atekenye watambwile mulaye.

Yakoba 1:3

byo mwayuka amba kwesekwa kwa lwitabilo lwenu ko kulenga butekanye.

1 Petelo 2:1

Byonkabyo tayai nshiji yonse, ne bujimbijimbi bonse, ne bukamfutumfutu, ne kichima, ne kwineena bibi konse.

1 Petelo 4:2

Amba pano mu bimye byenu bya bumi byashalaako bya mu mubiji kechi mukisakenga bya lwiso lwa buntunshi ne, poso kulondela kyaswa muchima wa Lesa.

1 Petelo 5:1

Byonkabyo bakulumpe baji mwenu ne batundaika amiwa mukulumpe mukwabo, kamonyi wa bya kumanama bya Kilishitu, ne wa kushilang'ana nanji lukumo lukamweka.

1 Petelo 5:12

Nemunembela bicheche kupichila mwi Silivanusa, mulongo wetu ye nalanguluka namba wakishinka, namba ne mukoseshe ne kwimutundaika ne kwimubujisha amba, buno bo bupe bwa Lesa bwa kine mwimanetu monka.

2 Petelo 1:6

ne mu maana enu namo mu mwenemo kwikanya, ne mu kwikanya kwenu namo mu mwenemo butekanye, ne mu butekanye bwenu namo mu mwenemo ku nemeka Lesa,

Lumwekesho 1:9

Amiwa Yoano, mulongo wenu, ne wa kushilang'ena nenu mu bya malwa ne mu bufumu, ne mu butekanye, biji mwi Yesu. Najinga pa jikuji jo bateela amba, Patamosa na mambo a busapwishi bwa mambo a Lesa ne bukamonyi bwa Yesu.

Lumwekesho 13:10

Inge umo ye wa kuya mu buzha, mu buzha i mo moakaya, umvwe muntu ye wa kwipayiwa na mpoko, ku mpoko koko akepayiwa. Onkao mambo bazhijikwa bafwainwa kukosa mu lwitabilo ne kutekanya mu bya mwalwa.

Lumwekesho 22:16

“Amiwa Yesu, natuma malaika wami akemubuule bino bintu mu bipwilo. Amiwa ne muzhazhi wa Davida kabiji ne wa mu kisaka kyanji, kabiji ne ntaanda wa kumakya watokesha.”

Lumwekesho 3:10

Byo wakookejile mukambizho wami wa kutekanya, ne amiwa nkakulama ku kyokya kimye kya lweseko, kyonkakya kikeeya pano pantanda ponse, kya kwibeseka bonse bekala pano pantanda.