Bahebelu 11:7 - KNTP

⁷ Ko ku lwitabilo Nowa, byo bamujimwine kwi Lesa na mambo a bintu kasa bikyangye kumweka, pa kwakamwa Lesa, walengejile jimo bwato bwa kupulukilamo ba mukisemi kyanji ne aye mwine. Mo mo bazhachishiwe ba pano pantanda, ne Nowa waikele ke nswanyi wa bololoke bwa mu lwitabilo.

Bahebelu 11:7 Iomraidhean Croise

Mateo 2:12

Kabiji byo bebajimwine kwi Lesa mu kiloto amba, “Kechi mubwele kwi Heloda ne,” babwelele kwabo mu jishinda jikwabo.

Mateo 24:15

“Kabiji pa kwikimona akya kya bunya kileeta lonaiko kya ambile Danyela ngauzhi, kasa kyaimana mwazhila” (awa utanga, muleke omvwe!)

Mateo 24:25

Umvwai! Nemubuujila jimo.”

Mateo 24:38

Mambo aa moba kasa akyangye kwiya muyuulo, bajiilenga ne kutoma, basongwelenga ne kusongolwa, kufika ne ku joja juba joatwelele mu bwato Nowa,

Mateo 3:7

Kabiji pa kwibamona Bafaliseo bavula ne Basadusea ke beye ku lubatizhilo lwanji, wibambijile amba, “Anweba kisaka kya milolo! Ing'anyi wimujimuna amba munyeme bukaji bubena kwiya?

Luka 17:26

Kabiji byonka byo kyajinga mu myaka ya kwa Nowa, byo byo kikekala ne mu myaka ya Mwana Muntu.

Loma 1:17

Mambo mo mumwekela bololoke bwa Lesa bwa mu lwitabilo ku lwitabilo, monka mo kyanembelwa amba, “Mololoke ukamwena bumi ku lwitabilo.”

Loma 10:6

Pakuba bololoke bwa mu lwitabilo bwa amba amba, “Kechi wambe mu muchima wobe amba, ng'anyi ukakanjila mwiulu?” (Ko kuuba amba, na kumwikizha Kilishitu panshi).

Loma 3:22

Bonkabwa bololoke bwa Lesa bwa mu lwitabilo lwa mwi Yesu Kilishitu ku bonse baitabila. Mambo kafwako wapusana ne.

Loma 4:11

Aye watambwile mukanda ke kayukilo, nobe kateetesho ka bololoke bwa mu lwitabilo bo ajinga naabo, kasa akyangye kutwela mu mukanda. Amba ekale ke shanja bonse baitabila kwakubula mukanda, amba ebaswe ne abo pamo amba baoloka.

Loma 4:13

Mambo awa mulaye, ye balayile Abulahama ne ba munkunwa yanji amba ukekala nswanyi wa pano pantanda, kechi walaijilwe mu Mizhilo ne, walaijilwe mu bololoke bwa mu lwitabilo.

Loma 9:30

Nanchi tusa kwamba amba ka? Namba Bangentila, babujile bololoke, bebumwena mu lwitabilo;

Ngalatiya 5:5

Mambo atweba mo mu Mupashi mo tutengela na lwitabilo akya kyo twaketekela kumona, kikeshila mu bololoke.

Filipai 3:9

ne kutanwa mwi aye, kasa nabula bololoke bwami amiwa mwine bwishila mu mizhilo. Poso bonkabwa bwishila mu lwitabilo lwa mwi Kilishitu, bo bololoke bufuma kwi Lesa na lwitabilo.

Bahebelu 11:1

Kabiji lwitabilo lo luketekelo lwa kine, amba abya byo twaketekela kumona bikamwekana, ko kuswa ne kwitaba kwa kubula kuzhinauka amba abya bibula kumwekana kine ko biji.

Bahebelu 12:25

Jimukai kechi mukaane awa ubena kwimwambila ne. Mambo aba bakaine kumvwa awa wibajimwine pano pantanda kechi bapulukile ne. Kine ne atweba kechi tukapuluka nangwa pacheche ne, umvwe twamuvundamina awa witufunda uji mwiulu!

Bahebelu 5:7

Yesu mu moba anji a bu muntu walombele milombelo ne misanshijilo na kujila kukatampe na mipolo, kwi aye wakonsheshe kumupulusha ku lufu. Kabiji aye ba mumvwine na mambo a kwakamwa Lesa kwanji.

Bahebelu 8:5

Abo bengijila kifwanyikizho ne kimvule kya bintu bya mwiulu. Mambo Mosesa kasa akyangye kupopa tente, ba mwambijile kwi Lesa amba, “Tala, ulenge byonse monka mwayila akya kya kumwenako kyo bakumwesheshe pa mutumba.”

1 Petelo 3:20

Bonka balengulwile kala, byo kwapembejile kukooka muchima kwa Lesa mu moba a Nowa byo a lengelenga bwato, mo bapulukijile bamo bacheche, bo batanu na basatu na mema,

2 Petelo 1:1

Shimona Petelo, kalume ne mutumwa wa Yesu Kilishitu. Kwi abo batambula lwitabilo lwa bololoke pamo ne lwetu lwa monka mu bololoke bwa Lesa wetu ne Mupulushi Yesu Kilishitu.

2 Petelo 2:5

Ne ntanda ya kala nayo kechi wiilekele ne, bino wapulwishe Nowa wasapwijilenga bololoke, ne bakwabo batanu na babiji, byo aletele muyulo pano pantanda pa bambulwa kwakamwa Lesa.

2 Petelo 3:6

ko konka ku bino, ko yaonaikijile ntanda yajingapo, byo yalobele mu mema.