Bahebelu 11:6 - KNTP

⁶ Kabiji kwa kubula lwitabilo kechi kyakonsheka kumutokesha Lesa pa muchima ne, mambo awa wiya kwi Lesa kyamufwainwa aye kwitaba amba ko aji, kabiji amba ye ufweta boba bamukeba.

Bahebelu 11:6 Iomraidhean Croise

Mateo 11:26

Mo monka Taata, mo kimuwamina anweba bene.”

Mateo 5:12

Sekelai ne kusangalala, mambo mfweto yenu yo ikatampe mwiulu, mambo byo byo bebapachilenga ne bangauzhi ba batangijilepo kala.”

Mateo 6:16

“Kabiji pa kuzhikilwa na nzala, kechi mwikale na bilungi bya bulanda byonka byo boba ba kamfutumfutu ne. Mambo abo baalula bilungi byabo ke bingi amba, bantu bebamone amba bazhikilwa na nzala. Kine nemwambila namba, batambwila jimo mfweto yabo.

Mateo 6:33

Nanchi kebeshai bufumu bwanji, ne bololoke bwanji; ne bino bintu byonse bikemubikilwapo.

Mateo 6:5

“Kabiji pa kulomba, kechi mupashang'ane naba kamfutumfutu ne. Mambo abo batemwa kwimana na kulomba mu mashinagoga ne ku mansanga a mikwakwa amba tumweke ku bantu, kine nemwambila namba, batambwila jimo mfweto yabo.

Mako 16:17

Ne bino biyukilo bikebalondelanga baitabila. Mu jizhina jami bakapangilangamo bademona, bakambanga na njimi ingi,

Luka 12:31

Byonkabyo, kebeshai bufumu bwanji ne aye ukemumwena bino bintu byonse.

Luka 6:35

Bino temwai balwanyi benu, ne kwibobila byawama, kabiji panai kwakubula kuketekela kutambulako nangwa kimo ne, ne mfweto yenu ikekala ikatampe, kabiji mukekala ke baana ba Mwine Wakila, mambo aye wibobila lusa babula kusanta ne babi.

Yoano 14:6

Yesu wamukumbwile amba, “Amiwa ne jishinda, ne bukine, ne bumi, kafwako wakonsha kwiya kwi Bataata ne, poso pe amiwa.

Yoano 8:24

Onkao mambo naji kwimwambila namba, mukafwa mu mambo enu inge mwabula kungitabila amiwa amba, yami iye, mukafwa mu mambo enu.”

Loma 10:14

Lelo bakamwita byepi ye babula kwitabila? Kabiji bakamwitabila byepi ye babula kumvwa? Kabiji bakomvwa byepi kwakubula musapwishi?

Ngalatiya 5:6

Mambo mwi Kilishitu Yesu mukanda yewatu, ne kubulwa mukanda nako ko kwatu, kana lwitabilo lwingila mu butemwe.

Bahebelu 11:26

Walangulukile amba matuka a kutukilwa pe Kilishitu awama kukila kuwama kwa bunonshi bwa Ijipita, mambo watajile ku mfweto ya kulutwe yo akafwetwa.

Bahebelu 3:12

Anweba bakwetu jimukai, kuchiina amba mwi anweba mwakekala nangwa mu umo uji na muchima mubi wamilengulwila, wa kupondoka kwi Lesa mumi.

Bahebelu 4:2

Mambo ne atweba twaumvwine Mambo Awama byonka byo aishile kwi abo. Bino byambo byo ba umvwine kechi bamwenejilemo kintu ne, mambo kechi asambakene na lwitabilo mwi abo beomvwine ne.

Bahebelu 4:6

Byonkabyo kwi boba bobasapwijile kala Mambo Awama bakankelwe kutwelamo na mambo amilengulwila. Onkao mambo bamo bakwabo bakonsha kutwela monka.

Bahebelu 7:19

Mambo Mizhilo kechi ya lengejile kintu nangwa kimo kwikala ke kyalumbuluka ne. Bino pano kwasoloka luketekelo lwakila mu kuwama lo tufwenyenyamo kwipi na Lesa.

Bahebelu 7:25

Onkao mambo aye wakonsha kwi bapulusha kya kine abo bafwenya kwipi na Lesa mwi aye, mambo waikala myaka na kwibalombelela.

2 Petelo 1:10

Onkao mambo balongo bami, teshaikotu muchima namba, kwitwa kwenu ne kusalululwa kwenu kwikale ke kwa kine, mambo umvwe mwauba bino bintu, kechi muketuntula ne.

2 Petelo 1:5

Na onka ano mambo, anweba bene muteeshekotu muchima, namba mu lwitabilo lwenu mu mwenemo kulumbuluka, kabiji mu kulumbuluka kwenu namo mu mwenemo maana,

2 Petelo 3:14

Onkao mambo, anweba batemwe, byo mutengela bino bintu, teshaikotu michima yenu, namba, mukatanwe mu mutende, kasa mwabulwa jitomya ne kaneneno ku meso anji.

Lumwekesho 21:8

Pakuba ba moyo, ne bamilengulwila, ne boba bya bunya, ne bambanzhi, ne ba bulalelale, ne bang'anga ba lubuko, ne bapopwela bankishi, ne ba bubela bonse, paabo po pa kizhiba kiteema mujilo ne kibiliki, lo lufu lwa bubiji.”