Bahebelu 11:4 - KNTP

⁴ Ko ku lwitabilo ko alambwile Abela kwi Lesa kitapisho kyalumbuluka kyakila kya kwa Kaina mu kuwama, momo ashimwijilwe amba waoloka, Lesa naye washimwine na mambo a bya bupe byanji. Kabiji ne pano ukyamba nangwa wafwa na mambo a lwitabilo lwanji.

Bahebelu 11:4 Iomraidhean Croise

Mateo 23:35

Amba akafike mashi a baoloka bonsetu aichikile pano panshi pe anweba, kufuma ku mashi a Abela waoloka, ne kufika ku aa mashi a Zakaliya mwana Balakiya, ye mwaipayijile pakachi aku nzubo yazhila ya Lesa aku nako kyakusokelapo bitapisho,

Luka 11:51

kufuma ku mashi akwa Abela kufika ne ku mashi akwa Zakaliya, yenkawa wafwijile pakachi aku kyakusokelapo bitapisho aku nzubo ya Lesa. Kine, nemwambila namba, bakekikebela kino kisemi.”

Titusa 1:16

Abo bamba amba, Lesa twamuyuka, bino mu mingilo yabo bamukana, byo baji batamishatu, ne bamilengulwila, ne mingilo yonse yawama kechi ibafwainwa ne.

Bahebelu 11:2

Mambo mo monka mo bashimwijilwe bulongo bashakulu baakala.

Bahebelu 12:1

Onkao mambo atweba byo twazhokolokwa na jibumba jikatampe ja batumonyi ja byonka bino. Tutaye byonse bitunemena, ne abwa bundengamambo bupelawizha kwitukasankanya, tunyeme kapeela na mukoyo konka ko betutujila kulutwe.

Bahebelu 12:24

Ne kwi Yesu, ng'ambi wa lulayang'ano lupya, ne ku mashi a kusansa a amba bulongo kukila a kwa Abela.

Bahebelu 5:1

Mambo yense ng'anga mukatampe byo apatulwa mu bantu watongwelwa kwimenako bantu mu bintu bya kwa Lesa, amba alambule bya bupe ne bitapisho bya bubi.

Bahebelu 9:22

Kine mwayila Mizhilo pepi bintu byonse bitokeshiwa na mashi, kabiji pakubula kwichila mashi lulekelo lwa mambo kafwako.

2 Petelo 2:8

Mambo awa muntu waoloka, byo aikajile mwi abo ne kwibamona ne kwibomvwa, wamanyikile muchima wanji waoloka pa juba pa juba, na byubilo byabo bya bumpupabizhila.

Yuda 1:11

Lesa ukebonauna kine! Mambo benda mu jishinda ja kwa Kaina, na mambo akutemwa mfweto baya mungi byonka byaubile Balamu. Basatuka byonka byasatukile Kola, Lesa ukebonauna byonka byo a onawine Kola.