1 Kabiji lwitabilo lo luketekelo lwa kine, amba abya byo twaketekela kumona bikamwekana, ko kuswa ne kwitaba kwa kubula kuzhinauka amba abya bibula kumwekana kine ko biji.
Paulo, kalume wa Lesa, kabiji mutumwa wa Yesu Kilishitu. Nasalulwilwe monka mwayila lwitabilo lwa basalululwa ba Lesa, mu kwibayukisha bukine, mwayila munema wa kunemeka Lesa,
Twayai tufwenye kwipi na muchima wa kine wayula lwitabilo lwa kubula kuzhinauka, na michima yetu kasa yatokeshiwa kala ku bubi bwituzhachisha ne mibiji yetu kasa ya ovwewa kala na mema atoka.
Bano bonse bafwijile mu lwitabilo. Kechi batambwile bintu byalayilwe ne, bino bebimwenetu ne kwi bisekelela kasa baji kwalepa, ne kwitaba amba bo benyi kabiji bo bakang'enda pano pantanda.
Ko ku lwitabilo Nowa, byo bamujimwine kwi Lesa na mambo a bintu kasa bikyangye kumweka, pa kwakamwa Lesa, walengejile jimo bwato bwa kupulukilamo ba mukisemi kyanji ne aye mwine. Mo mo bazhachishiwe ba pano pantanda, ne Nowa waikele ke nswanyi wa bololoke bwa mu lwitabilo.
Mambo atweba twaikala ke ba kushilang'ana nanji pamo Kilishitu, umvwve twalama bulongo ntendekelo ya luketekelo lwetu kasa twakoselamo kufika ne kumpelo.
Bino Kilishitu ye wakishinka pa nzubo yanji byo aji Mwana. Kabiji atweba twi nzubo ya Lesa inge kine twakwachisha kuchinchika kwetu ne kwitotela mu luketekelo lwetu.
Shimona Petelo, kalume ne mutumwa wa Yesu Kilishitu. Kwi abo batambula lwitabilo lwa bololoke pamo ne lwetu lwa monka mu bololoke bwa Lesa wetu ne Mupulushi Yesu Kilishitu.