Bahebelu 10:5 - KNTP

⁵ Onkao mambo Kilishitu byo aishile pano pantanda aye wa ambile amba, “Bitapisho ne milambo anweba kechi mwibisakile ne, kabiji mwannengezhezhe jimo mubiji.

Bahebelu 10:5 Iomraidhean Croise

Mateo 11:3

Bamwipwizhe Yesu amba, “Yenu i ye wasakile kwiya nyi? Inyi tukitengelenga ungi?”

Luka 1:35

Ne malaika wamukumbwile amba, “Mupashi Wazhila ukeya pe obewa ne bulume bwa Mwine Wakila bukakunyeng'amina onkao mambo awa mwana ukasemwa wazhila ukatelwa amba, Mwana Lesa.

Luka 7:19

Ne aye Yoano wibechile baana banji babwanga babiji, wibatumine kwi Nkambo amba, Yenu iye ubena kwiya nyi, inyi tutengelenga mukwabo?

Yoano 1:14

Kabiji ao Mambo aalukile ke muntu, ne kwikala waikajilenga muno mwetu. Kabiji twamwene lukumo lwanji, lukumo nobe lwa yewa Mwana umo yenka wafuma kwi Shanji, kasa ayula bupe ne bukine.

Ngalatiya 4:4

Bino pene po kyafikijile kimye, Lesa watumine Mwananji wasemenwe mu mwanamukazhi, wasemenwe mu mizhilo,

1 Timoti 3:16

Kabiji kyaitabilwatu amba, kyafyamika kya mu kunemeka Lesa kwetu kyo kikatampe. Aye wamwekele mu bumuntu, Walumbulwilwe amba waoloka mu Mupashi, bamumwene ku bamalaika. Wasapwijilwe mu mikoka ya bantu, waitabilwe pano pantanda, kabiji watambwilwe mwiulu mu lukumo.

Bahebelu 1:6

Kabiji byo a amba na mambo a kuleeta jibiji mubeji wanji pano pantanda, Aye wa amba amba, “Bamalaika bonse ba Lesa bamupopwele.”

Bahebelu 10:10

Ne mu kyonka kyaswa muchima wanji momo twazhijikilwa ponka pa kulambulwa kwa mubiji wa Yesu Kilishitu jimo jonka kikupu.

Bahebelu 10:7

Ponkapo na ambile namba, ‘Talai amiwa naiya, na kuuba kyaswa muchima wenu anweba Lesa, monka mo kyannembelwa mu buku wa Mizhilo.’”

Bahebelu 10:8

Byo a ambile patanshi amba, “Bitapisho ne milambo ya kusoka ituntulu, ne bitapisho bya bundengamambo kechi mwibisakile ne, nangwa kumwenamo lusekelo ne,” nangwa bino bintu byalambulwa monka mwayila Mizhilo.

Bahebelu 2:14

Mambo baana byo batambula mibiji ya mashi, byonkabyo ne aye mwine watambwile wa byonkabyo, amba monka mu lufu amonaune awa uji na bulume bwa lufu, ko kuuba amba Diabola,

Bahebelu 5:7

Yesu mu moba anji a bu muntu walombele milombelo ne misanshijilo na kujila kukatampe na mipolo, kwi aye wakonsheshe kumupulusha ku lufu. Kabiji aye ba mumvwine na mambo a kwakamwa Lesa kwanji.

Bahebelu 8:3

Mambo yense ng'anga mukatampe utongolwa amba alambule bya bupe ne bitapisho; onkao mambo kyamufwainwa ne uno ng'anga amba ekale na kyakulambula.

1 Petelo 2:24

Mwine ye wasendele mambo etu mu mubiji wanji konka ku kichi, amba atweba tufwe ku bundengamambo ne kwikala mu bololoke. Ko ku bipumo byanji ko mwabukilwa.

2 Yoano 1:7

Mambo bajimbijimbi bavula bapalang'ena pano pantanda, bonkaba babula kwitaba kwiya kwa Yesu mu mubiji. Uno ye awa mujimbijimbi ne anti kilishitu.